«Өнеріміз саған-Қазақстан» фестивалі

⚜️Павлодарда ҚХА-ң 20 шығармашылық ұжымынан 160 адам қазақ авторларының белгілі шығармаларын мемлекеттік тілде орындады.⚜️
📢 «Қоғамдық келісім» КММ іске қосылған «Қазақша ән саламыз» жобасы, бүгін қазақ музыкасын бағалаушыларын жинаған «Өнеріміз саған-Қазақстан» фестивалінде жарқын жалғасын тапты.
Облыста алғаш рет өткізіліп отырған «Өнеріміз саған-Қазақстан» фестивалі ұлттық музыкаға бей-жай қарамайтын адамдарды біріктіріп қана қоймай, қазақ авторларының шығармаларын орындау арқылы мемлекеттік тілді табысты меңгеруге болатынын көрсетті.
🎶🎵Павлодар облысы Қазақстан халқы Ассамблеясының этномәдени бірлестіктерінің әр түрлі этнос өкілдері болып табылатын шығармашылық ұжымдары қазақ тілінде танымал патриоттық, лирикалық әндерді орындау, сахнаны өз шеберлігімен көркейту үшін біріккен вокалдық ансамбльдеріне айналды.
Фестивальдің бірегей ерекшелігі шараның шымылдығын Достық үйінің құрама ансамблінің өнерімен ашып, қорытынды «Ән менен әнші» әнімен аяқтаған шығармашылық топ жетекшілерінің өнер көрсетуі болды.
Фестиваль тағы да жоғары кәсібилікті, рух бірлігін және шығармашылық ұжымдардың ынтымағын көрсетті.
Шараға қатысқан ҚХА шығармашылық ұжымдарының республикалық қауымдастығының төрағасы Құралай Түспекова әріптестерінің қызметіне жоғары баға беріп, залда орнаған достық, жылулық пен бірлік атмосферасын атап өтті.