نهضرو شوية| قصتي كلها مع حالة طفلي | الاكتئاب و المجتمع

تابعونا / LETS BE FRIENDS! :
-Facebook : / igmorocco
-Instagram: / igmorocco
-Tiktok: / igmorocco
-Snapchat: igmorocco
-------------------------------------------------------------
▶Pour tout contact professionnel UNIQUEMENT :
▶For business inquiries only, please email me :
[e-mail]
-------------------------------------------------------------
Music by :
Sayd Des Mureaux
Link : / sayd.dm
#فلوغ
#vlog
#sevilla
#ikea
#Feria2022
#AUTISM

[@hanaeelamri5770]

انا حاليا عايشة حالة اكتٱب حاد .بسبب التوحد عند ولدي و بنتي عندها تأخر في النطق ..دعيو معايا ربي يشافي لكم كل عزيز

[@igmorocco]

تكايسي على راسك و شوفي ليك طبيب ضروري، راه الاكتئاب مافيهش الضحك و رخفي على راسك حنى راه غير ضياف فهاد الدنيا و غادين بحالنا و ضروري ما تصاحبي مع الناس اللي عندهم هاد المشكل باش ما تحسيش براسك بوحدك ❤️ حقك تحسي هاكدا حيت ماشي ساهلة ولكن عمرك تنساي ربي كيبغينا كتر من واليدينا و حنين علينا ، ديما قولي الحمد لله و دعيليه حيت هو الوحيد الي كيغير الاقدار ❤️

[@khadijatlatig2284]

انا اختي ولدي عندو تأخر عقلي وكانحمد الله ونشكرو كل نهار على العطاء ديالو ...كل نهار تانشوف انسان حدايا تايلعب ويكبر وهو من اهل الجنة الحمد لله ما غايتحاسب ما والو ونتمنى ربي اتقبل عملي معاه ويحسبو لي فميزان حسناتي ... اختي ما تكتأبيش وشجعي راسك وعيشي حياتك مع ولادك وتحداي كلشي انخارطي فكروبات على الفيسبوك لامهات عندهم نفس المشكل وشوفي تجاربهم واستافدي ...وحمدي الله وشكريه على كل النعم . ربي اشافيك ويهون عليك يا رب

[@hanaeelamri5770]

@@khadijatlatig2284 ربي يخليه ليك و يفرحك بكل حاجة يارب ..شكرا اختي على النصيحة

[@hanaeelamri5770]

@@igmorocco شكرا اختي ربي يحفظك .كلامك زوين و كايريح الخاطر ربي يحفظك ويرزقك كل خير

[@zakia6854]

@@hanaeelamri5770 لهلا يضرك أ ختي٠٠ماتخافي والو راه ربي معاك سبحانه و تعالى٠ الله يشافي ليك وليداتك أ حبيبة و يقويك و يخلي ليك صحيحتك و يفرحك فالدنيا و الآخرة ٠

[@user-mr4nf7jk5w]

انا عندي بنتي من اطفال متلازمة داون ومكنقولش عليها ابتلاء كنقول هذي هدية من عند الله وربي بغا يختابر صبرنا 👈🏻🤲🏻✨

[@imanerabeh369]

ابنك محظوظ حيت عندو أم واعية و مثقفة و روحها طيبة دامت لك الفرحة اختي تحياتي 💚🌹🌹

[@Boutaina-boutaina]

ربي يشفيه يا رب واحبك ف الله اختي❤❤❤❤

[@amaltaoufik9753]

ولدك محظوظ حيت عندو أم بحالك مثقفة ومرحة وتتصدر ليه طاقة إيجابية الله يخليه ليك وشوفيه كيف ما بغتي

[@rajaatarha4378]

نصيحة لله للوالدين اللي عندهم طفل مصاب بالتوحد أو طيف التوحد أو تأخر كيف قالت الطبيبة ...وعن تجربة (زيت الكركاع معجزة والله مساج لمؤخرة الرأس للطفل + العسل الحر نقطة بسيطة تحت اللسان + سورة طه يوميا ) والله معجزة ...والله المستعان

[@naimaelouar3834]

واش يوميا

[@najouanacha210]

Dima koul n3ar

[@nabaouikhadija3146]

ختي عفاك إلى ممكن شرحي لينا أكثر

[@user-vh6kw7ei6t]

السلام ختي شرحي اكتر واش زيت الكركاع ياكلو الطفل أو نعملو مساج الله يرحملك الوالدين راني أم لجوج أطفال توحد وفرط الحركة

[@imadeimad3421]

عافاك الطريقة كفاش

[@laouihouda5577]

سلام ختي معاك هدى من المغرب أنا من الناس لي مريت مع ولدي من حالت التوحد الحاد وتقول مريت بإذن الله لأنني عانيت وصبرت و تقبلت ابتلاء الله مدة 15 سنة مع أنني كنت معاه بوحدي من بعد ما انفصلت مع الزوج بسبب هاد المشكل حاربت وجاهدت حاولت بالاطباء ولكن الحالت المادية مساعدتنيش ولكن اعتزلت أنا وياه وربي وحاولت نكون معاه ونعلمو ونوصل ليه وبزافت الحويج..............وربي كان تينبهني وبصبر وبتقبل الإبتلاء ومعانات ومجهود مع العلم مايمكنش مع الوقت او سن يتعلمو بوحدهم والله العظيم هاذي الحقيقة كلشي على كيفية توصلي ليه كل معلومة وتدريب الحمد لله الحمد لله الحمد لله دابا هو فالثانوي وبإمتياز وحتى السلوك والكلام الحمد لله مع العلم راني واصلة معاه لمرحلت توصيلو وتعليمو الأشياء لي يتكون أي شاب فهاد السن دايمن تيحتاجو تفهمين وتوصلي ليهم المعلومات والمفاهيم ولو يوصلو لهاذ السن ياسين دابا عندو 17 سنة وعمرني ماخليتو يعرف شنو عندو وهاذ الشي لي خلاه لحد الان يتقبل مني النصائح والتعليم والمعلومات لي تخليه يزيد يندج ويستوعب بلا ما يضر نفسيا وسبحان الله بحكم تجربتي مع ولدي دابا تنساعد وليدات آخرين نتمنى تقراي رسالتي ومرحبا إلى بغيتي تعرفي أي حاجة رقمي 0772932323 والله يدير لي فيها الخير يارب وشكرا

[@shy4811]

جارتنا ولدها فيه التوحد و كان معدبها ومعدبنا تاحنا واخا غا جيران و سبحان الله هادو لي متوحدين كيكون فيهم واحد زين ماشاء الله 🥹💗

[@maghribyahorra]

كل الدعم لكل الامهات لي عندهاطفل توحدي أو حالات أخرى . أنا الابن هو الثاني ولادتو كانت طبيعية السنة و النصف الأولى فحياتو كانت عادية . في سن السنتين لاحظت أنه مكيعرفش يعبر و كيقول كلمات ولكن مكيعنيش بيها شي حاجة بحال ماما بابا ولكن مكيعنيش أنا . بمجرد الملاحظة ديتو للطبيب قالتلي عادي مزال صغير ولكن أنا مقتنعتش و مشيت عند واحد مشتشارة فمجال صحة الطفل . راجلي كان كيقول عادي واش بغا ضيعي ضوسي ديال الولد زائد كيسمع الحالات صحابو و كيخلعوه هنا فالغربة .ولكن تشجعت واخة اللغة كانت عندي على قد الحال و ديت ولدي و هي غير شافتو قالتلي حركي بزاف و نصحاتني بالمراكز لي يمكنلي نديه و ندير ليه التشخيص ولحد الساعة عمر خمس سنين مزال معطاونا تشخيص أكيد ولكن متبعالو حصص الترويض و أي حاجة كنشوفها تنفع ولدي كنديه ليها و مكانتسوقش للناس مع العلم ولدي حركي لابعد الحدود و ميمكنش نخرج معاه و نرخيه من يدي و ف بارك خاص عيني غير عليه غفل طارت عينيك و عندي وليدات أخرين حتى هوما خاصهوم الحضية والمراقبة ولكن الحمد لله . حتى زيارات العائلة مبقيتش نقدر نمشي كنقول إيلا كانو ففضاء مفتوح حيت منقدرش نجلس فخاطري كنبقى غير كنجري وراه . و رغم كل شيء الحمد لله دبا العام جاي عندو المدرسة أمنيتي يقبلوه فمدرسة عادية و ميكونش عندو مشاكل و كنحاول نخدم معاه على هادشي

[@nadialaatmani7249]

الله يشافي لك وليدك ، حنا عشنا هاد تجربة مع بنت خالي كان عندها وليد في سن 3 سنين اكتشفات المرض ديال التوحد سنة 1996 كان مزال ممعروفش بزاف في المغرب ، و الحمد لله تبعات مع الطبيب ، الترويض في النطق ، المرافقة في المدرسة ، دارت كلشي لي في المجهود ديالها ديرو ، الحمد لله خدا الباك علوم رياضية بالتفوق من بعد تخرج من الكلية و خدا ماستر الأول و التاني و الحمد لله بصحة جيدة و كينساجم مع الناس بسهولة،

[@f.a.t.i.m.a.z.a.h.r.a]

الحمد لله ربي كبير عقبال الوليدات كاملين ياربي

[@kreekcraft7391]

انا نفس الشي عندي ابنتي من متلازمة داون وعانيت معاها ولكن الحمد لله انها هي الان شمعة البيت واللي ساعد في معالجتها هي اخوانها ونحن نعاملها معامله طبيعيه الحمد لله الله يحفظ جميع ولادات

[@lolalolita4786]

هذ المرا شحال تدخل القلب مشاء الله عليها تلقائية ماشي كامل متصنعه و ماشي كامل داخلة فالقيل و القال خفيفة و ضريفه هي و راجلها .. شخصية زين و رزانه و زيد كلاص بزااااف .. ربي يحميك من العين الحاسدة ختي و يتمم عليك بالخير يا رب ❤️ تحية ليك من الجزائر 🇩🇿

[@Khadija-f2t]

شكرا جزيلا على التشجيج حتى انا ام لفتاة دات 12عشر سنة عندها توحد والله إلى كنحس براسى مضغوطة دعواتكم بالشفاء لبنتي ولجميع أبناء المسلمين والمسلمات

[@sarahmekki4081]

أنا متتبعة من الجزائر، ابني عندو تأخر في النطق وكان عندو طيف التوحد، ربي كبير وحنين والله يصبرنا ويشافي وليداتنا،والحمد لله على نعمة ربي

[@amalamal-on3rw]

هاد الفيديو ديالك غادي يشجع بزااااف ديال الامهات اللي كيعانيو من نفس المشكل مع اولادهم،برافو علييك اختي .

[@elhachmiramdani8197]

هناك أطفال توحد عباقرة

[@malikabakrim1578]

قصة مؤثرة و الحمد الله على تطور حالة ولدك و الله يسهل عليك و يعاونك على تتبع حالتو و برافو على طاقتك الايجابية

[@salmayamini8125]

إنشاء الله دابا تشوفيه في أعلى المراتب و الله إشافي أولادنا يا رب 🙏

[@YASSINEJARRAM]

القلب الكبير و الأصل الطيب، الله يحفظكم و يبارك فيك انت و شكيب و الوليدات، و ديري فبالك مرضي الواليدين عمرو يخيب 💕

[@user-to3zn9nz6r]

وخا عليك راسلتك في الانستغرام ومجاوبتينيش كنت باغا مهضر معاك على ود الخدمه🙄

[@mariemhattab5694]

أعانكم الله أختي..لا تقلقي..مرض التوحد هو شائع جدا ..لكن علاجه تطور بشكل مثير وإيجابي...تحية لك ولزوجك..وبوسة لنائل😘

[@user-wm8qv1rn4g]

السلام عليكم ورحمة الله وبركاته بنتي عنده نفس المشكل لكن مخفف و اشتغلت عى جهاز الهضمي لان دكتور الفيد تكلم عى تحسين حياة أطفال التوحد بتخيس الجهاز الهضمي ولهادا توقفت ابني على تناول السكر و الطماطم و الحليب و مشتقاته و الخبز و المعجنات اي فيها الغولتين والبيض و الحمد لله تحسن حالها كثير

[@nonashow8743]

لقيت الفيديو ديالك بالصدفة حتى انا أم طفل توحدي ومفرط الحركة.عندك الصح تربيتنا للاسف فالمغرب ناقصة بزاف ماعلموناش الاختلاق واشياء أخرى حتى كبرنا عاد اكتشفنا اننا ناقصين فيها الله يقوينا ويعاوننا عليهم ❤

[@inka3375]

أنت أم رائعة وولدك محظوظ بوجودك أنت و الأب فحياتوا براڤو الله يزيد فراحتكم

[@yahyayahya3615]

برافو عليك على الجرأة في أنك تعاوديلينا قصتك غادي تنفعي بزاف من اللي غادي يسمعوك يتقبلو وليداتهم❤❤❤ الرضى دواء لكل هم و حزن

[@louloukarim5666]

برافو على الجرأة 🤔 مفهمتكش، بحال الى السيدة كتعاود على شي حاجة طابو او عيب وعار. هدشي باش حنايا كنخرجو على هاد لوليدات.

[@ziad4872]

كيفاش الجرأة 😆😆واش عقلك ف بلاصتو

[@saidelfath7615]

@@louloukarim5666 مللكوم كاين لي ما كيبغيش ابارتاجي هادشي

[@saidelfath7615]

@@louloukarim5666 اقدر وحد ميقدش اعود علا مرض ولادو

[@razaneHS]

@@ziad4872 ah, ana makadrach ngolha hta l mes sœurs, hit lmojtama3 dyalna mrid

[@nadiaitaly_marrakech18]

كاتعجبيني بزااااااف و شخصيتك واعرة و انتي أمرأة قوية و ولدك محضوض حينت عنده أم قوية بحالك..الله يشافيه و يعاونك عليه❤️❤️❤️❤️❤️❤️

[@adilelarabi5916]

ما يمكنش هاد المرا شحال رائعة

[@igmorocco]

🌹🌹🌹🌹🌹 شكراااااا ليك

[@salmaelbekkouch570]

ماشاء الله

[@jamilaelmliki5926]

ابن اختي عندو التوحد الله يشافيه و يعافيه ماشاء الله عليه مميز في العائلة عندو معزة خاصة فقلبنا كاملين ❤️❤️

[@khadijazaim4320]

Allah yhafdo ya rabi

[@safaiman4714]

انا بنتي عندها 12 سنة و عندها التوحد .بزاف الناس حسسوني بالذنب حطموني نفسيا .اخديت قرار باش نبعد عليهم ما امكن و من بعد ما بقيتش نتسوق ليهم. التوحد خصو الصبر والخاطر بزاف. و خصنا نرضاو بيه و نتقبلوه و نعلمو طفل التوحد يتقبل بأنه مختلف و نشوفو شنو هما نقاط القوة ديالو نساعدوه باش يطورها حينتاش من خلال تجربتي اكتشفت ان هاد نقاط القوة هي اللي كتساعدو على تخفيف التوتر و الإبداع. و في نظري من الأفضل باش حنا ندخلو للعالم ديالو و ما نضغطوش عليه يدخل للعالم ديالنا حينتاش راه نظرتهم و فهمهم للأشياء كتخلف على الناس العادين. كاين بزاف ما يتكال و لكن اهم شيء هو نتعلمو كيفاش نتاعملو معاهم و نخليوهم مرتاحين نفسانيا ما أمكن. و الله المستعان

[@salmitastar5611]

كاين اختي شي ناس فالمجتمع ديالنا مكلخين، الله يعاونك على بنتك 🌹🌹

[@safaiman4714]

@@salmitastar5611 بارك الله فيك

[@latifaelaouichi5861]

صديقتي وليدها عندو توحدشد الباك العام الفايت و دوز السنة الاولى جامعية بنجاح واخا واجه صعوبات كثيرة لكن الحمد لله كيتحسن الله يعاونكم على وليداتكم واخا ماعنديش حالة ولكن كنهز معاكم الهم

[@wafaetawfik8350]

اختي ساره الله يشافي ولدك ويشافي جميع الوليدات والله يعاونك ويقويك انت شكيب بصاح ماشي ساهلة يكون عندك شخص مريض فالدار وخصوصا دري صغير حيت انت اللي كتولي مريض عقلك وتفكيرك وطاقتك كلشي كيولي معاه متبقاش تشوف شي حاجة اخرى الله معاك اختي ساره وان شاء الله غادي يبرأ ويولي بيخييييير

[@pinkyxiao3996]

ان شاء تحسن الحالة ديال ولدك وكاع لوليدات لي كايعانيو من نفس الحالة، ونتمنى المجتمع يوعى كتر بهاد الأمور ❤🇲🇦😘

[@naimamarouf4446]

دروك بنتي الحمد لله تحسنت بزاف تفهم غاية يعني متبعتها عند الاطباء راني فرحانة بالتقدم لي دارته و ما نخليش الناس ياثرو عليا ربي يشافيه ويفرحك بيه

[@_Almas1]

الله يشافيها و يشافيها ياارب و تشوفيها كيف ما تمنيتي يارب نصيحة مني عمرك تقلقي من الناس واخا يقولو لي يقولو ربي كبيير و ماتعرفي يقدر يجي الزمان لي حتى هما يعيشو نفس تجربتك و يحسو بيك

[@_Almas1]

حمدي الله و شكريه حيت بنتك معاك كوني معاها و ربي كبييير ماكاينسى حتى واحد

[@naimamarouf4446]

@@_Almas1 وي اختي الحمد لله على هدا النعمة وربي يشافي قاع الوليدات

[@naimamarouf4446]

@@_Almas1 اكيد ربي كبير وااحمد لله الله يقدرنا ويعونا على تربيتهم شكرا ليك

[@chaimaaka2991]

حتى أنا إبنى فيه توحد وتأخر فالفهم إسمه Fox G1 عندو 7سنينولكن هو كايقرا فمدرسة خاصة وماكايهضرش وباقى بليكوش وعانيينا معاه بزاف لأنه ماكانشي كاينعاس ليل كان كايفيق بزاف كايبكي دابا الحمد لله وبني تاني عندو تاخر شوية وعاد تزادتلى بنينا ة

[@cooklook7453]

الله اكون فعوانك وفعوان جميع الآباء أهم حاجة هو الوعي واتقبل الانسان هاد العطية من عند الله سبحانه وتعالى فالمقابل أطفال التوحد ارزقهم الله واحد الذكاء ما شاء الله عجيب خاص الآباء اصقلوه الحمد لله على كل حال

[@eladiblamia3577]

سلام اختي سارة تحية كبيرة لابنة مدينتي القنيطرة حتى انا عندي اختي معاقة ذهنيا ماعندهاش التوحد انا حاسة بيك حيث ماما معذبة معاها مسكينة اختي دابا عندها 36 سنة . الله يحفظو ليك

[@samiraoumanas5346]

الله يعاونكم على الهدية لي عطاكم الله هذاك الولد رزق جابو ليكم الله حتى بين يديكم . برافو كملو أكيد غادي تفرحو بيه واحد النهار. لي ماعرفك جهلك.تحياتي

[@arwaahlam1903]

لكل أمنية ظننت أنها صعبة قولها بقلبك يأتي بها الله وهو اللطيف الخبير داومو عليها

[@a.s.s9821]

التوحد الصلاة وسماع سورة يس والحجامةفي الرأس تعالج التوحد

[@user-gr6cq5gm3i]

إمرأة مغربية قوية الله يشافي ويعافي وليدك الله يحفظكم ويسعدكم يارب العالمين 😘😘🌹👍👍👍

[@userghzkpfsu4306zrkd]

أحسن حاجة في الفيديو نظرة ديالك للأمور بنظرة إيجابية برافو عليك إن شاء الله دابا اتحسن واتشوفيه كيفما كتمناي

[@yasminaboaannane795]

دخلتي ليا لخاطري بزاف ♥️♥️ انت ام رائعة الله يحفظكم

[@bouchraelidrissi6612]

كنت كنشوف فيديوهات ديالك فالتيك توك وكنقول سعدتها مستمتعة بحياتها ولكن فجأتني بهذا الفيديو ربي يحفظ لك ولدك ويفرحك به وحتى انا هذه 17 سنة وانا كنتحارب مع التوحد وكل نهار كنزيد نخاف عليها

[@nassirahossin676]

خاصنا نربيو ولادنا على تقبل انفسهم كيف ما كانو وتقبل الاخر كيف ما بغا يكون . Bon courage اختي

[@souadsouad5241]

عندي بنت فيهل التوحد عمرها 24 عام وحيث كاينة في المغرب ضيعة مسكينة وضعت معاها دعيو معايا غير تهدن وماتبقاش تغوت كاتشرب الدوا باش تنعس صافي اما باش تحسن حالتها مستحيل حيث المغرب مكايعطيش أهمية لاطفال التوحد الله يشافي جميع المرضى والله يكون معايا ومعاهم

[@mariyammorroco7427]

ديها شي دكتور را كينين داكترة ختصاصين او جمعية

[@laroseblanche4074]

والله يا ختي كي كنت نشوف الفيديوهات تاعك كانت تعطيني طاقة إيجابية من ناحية الروح ضلك خفيف و تدخلي البهجة للقلب و انتي ختي قلبك معمر ربي يكون معاك ان شاء الله ويشفيلك وليدك و الله يبارك عليك باينة عندك شخصية قوية لوكان امرأة اخرى لوكان راهي تبكي باش تسطعطف الناس معاها و لوكان دارت مرض وليدها باش طلع اللايكات ربي يقدرك

[@kanza3698]

نفس مشكل بصح رني نتبعلك عند دكتور بفرنسا و مام طبيب قتلي عنده روطار تاع سنه كامله و خدمي عليه بزاف لانو عندو قابليه للتوحد راه عمرو سنتين ورح يدخل مدرسه علا عامين و نص و عطتني روندفو جاي علا عامين وحمد لله رني نشوف تطور ديالو حمد الله

[@mohamedmalih265]

الله يعاونك على تربية وليداتك أختي، هذا هو حال الدنيا للي ما مجروح مبرقق، وتستمر الحياة......الله يصاوب لينا جميعا 🤲.

[@nasrinecherafa4615]

اختي سارة كنت نحبك وزيدتي كبرتي في عيني شكرا على كلامك الزوين وطاقتك الإيجابية الي كيتوصليها لينا ربي يشافي ولدك ويحفظه ويحفظ أولادنا وأولاد المسلمين جميعا ❤️

[@bouchratamir1871]

ووليدات الجميع بدون تخصيص

[@mohammedmarzougui9171]

Amiiiiiiin

[@oumranim9418]

@@bouchratamir1871 ممكن أبوني و شكرا

[@oumranim9418]

@@mohammedmarzougui9171 ممكن أبوني و شكرا

[@bouchratamir1871]

@@oumranim9418 c fait

[@isfbdk2553]

كاينة واحد الدكتورة روعة روعة وقفات مع بزاف د الناس اللي عندهم بحال هاد الاضطرابات غير تفهم الحالة وهادشي غير لوجه الله حنا عوناتنا بخوتي ٢ ولاو تقريبا بنسبة ٩٥ بالمية طبيعي

[@adoubadouiba7076]

شكرا على هذا الفيديو قلتي كلشي وباين فيك انسانة مؤمنة وشكرا كذالك على الطاقة الإيجابية.

[@hasnahasna9893]

الله معاكم دائما أختي سارة والله يشافي ولدكم وتشوفوه كيف تمنيتو ❤️

[@aicha_aicha81]

الله يشافي كاع الوليدات ويعطي الوالدين القوة والصبر باش يكملو مع وليداتهم.الابتلاء اجر ديالو كبير عند الله. الله معاكم

[@fatimaakram3246]

الحمد لله على كل حال خويا عندو التوحد في عمره 25 عام شحال عانت معاه ماما ومابغاوهش ايشدوه في المدرسة الحمد لله نتوما برا عندكوم بزاف القوانين وتيراقبو وتيعتانيو بيهم الله ايشافي يارب🤲

[@elghd823]

❤❤❤❤تحية كبيرة لكل ام واعية ومثقفة الله يشفي جميع اطفالنا

[@assiaazzi1882]

صارة حبيبتي أنت أحلى أم 😍😍 ربي يحفظك و يخليلك نائل و تفرحي بيه 🥰🥰🥰

[@widadwidad2648]

برافو سارة على هاد الفيديو 👏🏻انا كانعيش نفس هادشي كلو بحال الى كاتهدري على ولدي و على هادشي اللي كانعيشوه الحمد لله اول حاجة خاص تقبل ولدك كيف ماكان وتقبل مرض ولدك واخا التوحد ماشي مرض هو اضطراب في السلوك شكرا دابا نشوف هاد الطبيبة انا في سفيا حيت كانتسنا واحد الطبيب مازال سيتا والو معطلا االله يقوي جميع امهات واباء التوحد يا ربي

[@meriemhmimssa2254]

السلام عليكم ورحمة الله. كوني أستاذة تعليم الابتدائي عانيت كثيرا مع حالات التوحد هذه السنة.بالخصوص أن كل حالة منفردة و مختلفة.و المؤسف أنه ليس هناك وعي من الآباء و الأمهات،بل أنهم ليسوا على علم بأن أبنائهم يعانون في صمت.و المشكلة الكبيرة أنه ليس لدينا تكوين خاص بالتعامل مع هذه الحالات،زد على ذلك الاكتظاظ و نقص الإمكانيات التربوية.أسأل الله أن يشفي الجميع و أن يعين جميع الأمهات و الآباء على هذا الابتلاء

[@aichaaouisse2281]

ماعنديش شك ان ولدك غيكون فخور بك و بباه الله يزيدكم من فضلو و يسعدكم وغنتضر بادن الواحد الاحد تقولي ولدي ولى بخير وعلى خير داءما طاقة ايجابية

[@ilhamilham55627]

كون غير كانو گاع الوالدين بحالكم برافو عليكم و سعدات وليداتكم بكم ❤❤❤❤❤❤

[@hasnaelalaoui2722]

Je te comprends parfaitement Sara. Tu as tt dit ,ces enfants soufre parce que la société les voit comme "des enfants différents", bcp d amour à Naeil et bcp de respect pour ses parents.

[@M.N.L.Y.N]

إنسانة طبيعية بزاف او خفيفة على القلب. الله اخليكم لولداتكم واحفضهم ليكم ياربي❤️

[@YahyaYahya-kr4qp]

شحال زوينة هدا البنت شكلا و مضمونا نتمنى زوجة بحالها

[@loubnar2015]

الله يقويك يا اختي، انتي في منتهى الجمال والأناقة والثقافة عقلية رائعة......الله يعينك ويخليك دايما ناشطا و فرحانة وربي يحفضلك زوجك ووليداتك🥰👍

[@meriemziouani5172]

برافو عليك سارة انا أيضا ام لطفل متوحد ربي يكون في عونا و الحمد الله حاربت عليه ومازال اختك من الجزائر

[@SB-fs1os]

أنا ولدي عندو دابا 3 سنوات ونصف وملي كان صغير كنت كانلاحظ شيحوايج مهم دابا الحمد لله تحسن كبير ولا عارف الحروف عربية وانجليزية وفرنسية والأرقام وكايتجاوب النظرة فالعين مابقاش مشكل كاع كايفرح بالناس كايعرف العائلة وكايلعب مع لوليدات ويشارك ألعابو من الأشياء اللي درت مكمل بروبوليس وغذاء الملكات كنت تفرجت فالفايد قناة فايد شانيل حلقة التوحد وطبقت بعض الأشياء والحمد لله النتيجة بانت مبكرا نتمنى تعاونوهم كذلك بالتغذية لأن مفعولها سحر والله والله يشافي لوليدات كاملين

[@sounaach8942]

أختي كتبي فيوتوب :مغربي في أمريكا التوحد.عيعيش تجربة مرض التوحد مع الابن ديالو واستعمل ماء زمزم فالعلاج ديالو .ياريت تشوفي فيديو ممكن تستافدي من تجربته وإنشاء الله ربي يشفي الابن ديالك ويشفي كاع الوليدات ياربي❤

[@oulainasma4490]

أولا برافو عليك وعلى الروح اللي عندك الابن ديالك محظوظ بيكم كأب و أم و حتى نتوما محظوظين بيه كابن الله اخليه ليكم وتشوفوه كيفما كتمناو ياربي

[@rmbebermbebe5480]

واخيراااا ساليت وشفت الفيديو بغيت نقولك شكرا بزاف على هاد التوضيحات ولأنك شاركتي معانا الحالة ديال ولدك ❤️❤️

[@aichaaouisse2281]

السلام انا حبيتك انت وزوجك قبل مانعرف ان ولدك عندو توحد وكيف قلتي نحن في دار الابتلاء وهي الدنيا اما العليا فهي الجنة جعلنا الله منها جميعا لذالك فالصبر دواء لكل شئ احبكم في الله والله يعاونك ويحفضكم ويشفي ولدكم وجميع الوليدات

[@souadaissa2525]

الله يشافيه و الله يطولك ف العمر حتى تشوف ولدك كيف كتمنى و حسن و بغت نقولك بلي الابن ديلك محضوظ حيت عندوا أم فحالك و أب فحال شكيب 🥰🥰🥰

[@sarasabor]

برافو عليك سارة و شكيب. الله يفرحكم بولدكم و الله يشافيه يا ربي

[@loubnaloubna9085]

ختي سارة كوني متأكدة أنه سيصبح أفضل بما أنه يتحسن سأخبرك قصة طفل عنده طيف توحد وفرط الحركة ولم يتكلم إلا بعد خمس سنين وبعدها لمدة سنة كان كلامه غير مفهوم لا أحد يفهمه من المحيطين به إلا أنا وكما قلت العلاج يأخذ وقتا طويلا والآن لديه حوالي أربع عشرة سنة أصبح يتحدث بالعربية والإنجليزية أحسن من أخيه التوأم على رأي جدته أصبح فيلسوفا وكل الأعراض التي كانت لديه اختفت

[@raniaimad3644]

انا بنتي كان عندها طيف توحد ....و منعت عليها التلفزة و الشاشات و التلفون ...و تحسنات ...وحتى الأصوات الإلكترونية مثل الاغاني و الموسيقى حتى هي تتاثر عليهم ...اذا بغيتي ولدك يتحسن خليه يعيش بدون تلفزة ...بدون اغاني اطفال او كبار ...بدون طبلات ...و تبقاي تخرجيه للنزهة ...و كذلك لعبوا معاهم في الدار ....و التحسن تيكون بطيء ..و لكن يأذن الله تيكون.... و كذلك بعدوا التلفون من حدا ولادكم لحقاش تيرسل ذبذبات صعيبة ..يعني نعس ولدك في بيت خالي من ايه جهاز .....لان الأجهزة تترسل مواد سامة ....و عفاك دعيو معايا ...حتى انا دازت عليا

[@mahanouhaila2928]

الله يعطيك الصحة ويخليلك عائلتك أختي سارة براڤوا عليك زدتي كبرتي في نضري إفتخري بنفسك أنت قدوة لبزاااااف ديال النساء وأنا واحدة منهم كنموت عليك 😘😘😘😘😘❤️

[@zorazora6858]

شكراً حبيبتي على مشاركتك معانا أنا متتبعة ديالك ولكن اول مرة نكتب ليك تعليق عرفتي أختي صارة حطيتي ايدك على الجرح حتي ولدي عندو تأخر دماغي ونهار عرفت دارت بيا الدنيا و ما عرفت ما ندير ولكن الحمدلله على كل حال جريت وجاريت وتهديت فعلا لقيت هاد الجملة اختصار لحالتي مع ولدي وهنا فمراكش المراكز قلال ودابا راه عندو 13عام تحسن بطيء ولكن الحمدلله هاحنا غادين الله يصاوب من عندو وملي كتشوفي امهات عندهم نفس الحالة كنقول ماشي بوحدي الله يشفي كل مريض ويكون عوين لي مقابل شكراً

[@mmekhadija6912]

ياه سبحان الله كنتي ديما كطلعي عندي نتي وراجلك فالانستغرام وكنقول مساليين راسهم ولكن المظاهر خداعة الله اشافي ولدك يا رب انا بنتي غير تأخرات فالهدرة ومرضت الله اعطيكم الصبر والقوة لجميع الآباء ❤️

[@touriaaitahmed3919]

اختي متخافيش راه الوليدات كيتبدلو ،ولدي كان كيعاني من فرط الحركة بزاف وعدم التركيز ، وكان كيدير Therapie وملي وصل المراهقة ولا مهدن كتر من القياص ،فماتسوقيش البشار ركزي غير معا ولدك وستمتعي بأي لحضة معاه والله يعاونكوم ويسر الأمور

[@wasnas8301]

ربي يعطيك الصحيحة ويقويك الصراحة كنت نحبك وزدت كبرت في عيني ربي يحفظلك ولدك ويخليه تاج فوق راسك ويشفيه ربي من كل سقم حتى وين تجيبولو عروسة انت والاخ شكيب يارب تستاهلو كل خير ، ان بعد العسر يسر جزائرية من لندن

[@madihamazouari6084]

اقسم لك بيمييييين الله حتى كتعجبيني و كتعجبني شخصيتك الله يكمل لك بالخير انت و أسرتك و الله يفرحك بشفاء ولدك و تشوفي فيه كل ما تمنيتي

[@hananesiffer3744]

تفرجت ومتبعة معاك حتا وقت لي قلتي سولاتكم طبيبة نتوما لي كيدايرين مقدرتش نسكت من لبكا بكيت بكيت بكيت حيت حسيت بيك اش داز عليك حيت انا فيه وبوحدي غير بوحدي معايا عي ربي الله يشافي وليدات كاملين يارب ويعطينا قوة يارب 😥

[@mehdi8563]

أجمل حاجة فهاذ الفيديو انك متصنعتيش البكاء باش تكسب التعاطف ديال الناس كثر بقيتي سبونطاني و وصلتي الميساج ديالك برافو عليك و ان شاء الله غيكون ولدك مفخرة ليكم كوالديه فالمستقبل كيما انتما دبا مفخرة ليه هو اللهم اشفي اللهم امين

[@fatifati6548]

سلام اختي حتى ولد اختي فيه التوحد ولكن دابا راه كبر تبارك الله خدا البكالوريا ديالو علوم واختي دارت ليه مدرسة خاصة مورا الباك باش يقرا حداها حيت ميقدرش يسافر بحدو ويقرا بعيد المهم هو ميقدرش يعتمد على راسو في ما يخص طياب او الخروج بحدو ميقدرش حتى يشعل البوطة كيعتمد على اختي مائة بالمائة مني كان صغير حتى كبر كانت كدير ليه كلشي وباقا دابا الله يكون في عونها انا كنخاف عليه الا كان بحدو غير من المتنمرين في زنقة ساهلة يحكرو عليه حقاش واخا كبير دابا مسكين تيخاف من الناس ومن الدراري الله يدير ليك ولاختي تاويل ديال الخير

[@user-ix8oh4hb7y]

ربي يشوف من حالتو و برافو عليه منين خدا الباك تبارك الرحمان ربي يكمل عليه في المسيره ديالو

[@samirazarrak9843]

تبارك الله رب يحفظوا ويبارك فيه ويفرح قلبها به رب يقويها. رب يسخر ليه عباده الصالحين

[@nissrine6476]

الله يشافي جمييع الوليدات او الله يكون مع كل ام او اب برافو عليكم ❤❤

[@khadija526]

نسبة كبيرة من الإيجابية. بصح نيت انك تبسمي فوجه شي حد صدقة الله اشف ولدكم واعاونكم عليه وجميع الاطفال يارب واعطيهم القوة والصبر .

[@saraglez5102]

من أهم أسباب التوحد هو جلوس الطفل مدة طويلة على التلفاز واللوحات والإلكترونية ايباد طابليط..... للأسف معظم ناس ماعارفينش هاد المعلومة وإبتعادهم على الإلكترونيات ليه دور كبير فالعلاج

[@samiraadrar1941]

الله يشفيه ويشفي كل الوليدات، تحية لكل الأباء.

[@HamsaTarot]

Tu historia es realmente conmovedora, me has tocado el alma con tu relato 💙🙏 Eres una mujer realmente excepcional y demuestras tener un nivel de consciencia realmente superior. Los niños con Autismo son niños realmente especiales, comparto contigo la idea de que tienen una sensibilidad especial y única por eso nosotros como sociedad tenemos que cambiar la visión que tenemos de ellos. Con tu permiso compartiré tu vídeo en mi canal porque es un tema de gran interés público y tiene que difundirse a cuánta más gente mejor. Que Dios te de la fuerza para seguir tu lucha 🙏🦋 y te colme de bendiciones 🤲 Eres una gran mujer y madre paisana 💙 Bendiciones 🙏💙

[@ghitanadifi3570]

Je vous suis toutes les deux et je vous adore. Pour Sara, chapeau bas. Je vous apprécie encore plus. Que Dieu bénisse tes enfants

[@neverforever9239]

Conocimiento no conciencia. *

[@HamsaTarot]

@@neverforever9239 No. es exactamente “Consciencia” lo que quería decir. CONSCIENCIA SUPERIOR: significa responder libre y conscientemente a la llamada, a la intencionalidad, a la voluntad espiritual de hacer conscientes los programas del ego, reconocer sus consecuencias en la vida, y entregarlos a Dios. A eso me refería….no solo a “conocimiento” que visto está ella es capaz de darnos una clase magistral sobre el autismo. Una persona consciente va mucho más allá de una persona que tiene solo conocimientos sobre un tema. Ha utilizado esta experiencia para evolucionar como persona en vez de dejar que la hundiese. Bendiciones 🙏💙

[@HamsaTarot]

@@ghitanadifi3570 💙🙏 mille merci ma chérie. Vraiment, elle est une femme extraordinaire 🦋🙏 Que Dieu la protège 🤲

[@ghitanadifi3570]

@@HamsaTarot amen

[@Nizarspider]

المشكل أن التوحد مكيبانش. في جميع الأحوال هم وليداتنا و تلاميذنا كما كانوا على اختلافهم. كما قلت اخيب حاجة هي المجتمع مكيتقبلش الاختلاف. أنا ولدي فيه الغوات بزاف و الحركة. مع الوقت غادي و كينقص بفضل المدرسة و أصحابه.

[@souadelkouibri5094]

يا ربي تكون مع هاذ الامهات المحاربات و تقويهم انا خالتي ولدها عندو توحد صعيب بزاف و قلة الامكانيات لا مراكز و لا جمعيات مسكينة مكرفصة بزاف مزال كايدير ليكوش و ماكاياكل غير السوائل و مزال ماكايدويش كاع و دابة ولا كايدرب راسو بزاف حتى كايزراق ليه وجهو و كايعض يديه تاكايدوز الدم الله اكون معاه يا ربي

[@meriemabdel5626]

برافو عليكم و على التعامل ديالكم. موضوع مهم بزااف. الله يقويكم و يشافي ابنكم. التوحد ليس بمرض هو اختلاف و الإنسان مختلف وحنا خاصنا نربو انفسنا و وليداتنا على تقبل و احترام كل مختلف

[@nadialouham8433]

كل الحب للأطفال الأصحاء و المرضى.❤❤

[@Fatima_1704]

من بين الأسباب المثبتة علميا في أبحاث أمريكية هي اللقاحات التي تعطى للرضع لأن ادمغة بعض الأطفال تتأثر بالزئبق الموجود في اللقاحات وبعض المواد الأخرى وتتطور الحالة إلى التوحد. شافاه الله وعافاه واعانكم على تربيته والعناية به.

[@soumiaelwahmani9945]

شكرا ليك حنت شاركتي معانا الحالة الصحية ديال ولدك بزاف ديال الناس غيستافدوا من تجربتك

[@samiyaazizi3745]

الله يشافيلك ولدك وكاع لوليدات فالعالم كامل والله يقدركم ويقدرنا على تربيت أولادنا يارب العالمين ❤❤❤

[@didouja4006]

أول حاجة شكرا على الطاقة الإيجابية للي عطيتينا وخا حنا للي خاص نعطوهليك ، أنت إنسانة في قمة الرقي و التواضع ، الله إسهل عليك ما صعاب و إنشاء الله ولدك يمشي من حسن إلا أحسن و تبقا غي تعاودة ، الحياة فيها دائما واحد الإبتلاء كيعطيه لينا الله باش نتقربوا ليه، خليك ضاحكة و ما يكون غير الخير إنشاء الله 💕💕💕💕💕💕💕💕💕💕💕💕💕💕💕

[@medel9435]

سبحان الله منين كنت تنشوفكم كون تنحس نتوما ماشي كوبل عادي شي طاقة قوية كتشدني ليكم حتى شفت هاد فديو انا نقطت ضعفي اباء بحالكم لي متحمل مسؤلية ومتقبل وليداتو كفما هوما

[@hamidhmd6865]

برافو عليك اختي ديما زوينة وقلبك أجمل وفتحتيه للناس وفنفس الوقت عطيتي معلومات مفيدة الله يشافي ليك وليدك ياااربي وجميع الوليدات

[@nabilabenyahya9754]

برافو عليك أنت أم رائعة ما شاء الله عليك وابنك محظوظ بك زدتي كبرتي في عيني.

[@meryemrijim5469]

برافو سارة و شكيب و الابن ديالكم محظوظ حين نتوما الاباء ديالو الله معاكم ،😍😍👍🌹

[@igmorocco]

و انا و فاميلتي محظوظين بيكم ❤️ فرحتوني كتر ما ممكن الدماغ يستوعب ❤️ الله يخليكم ليا و يرزقكم اللي فخاطركم 🌹

[@linaamina6858]

فعلا الآباء المتفهمين والواعيين حظ جميل لكل طفل

[@nour23069]

@@igmorocco 😍😍🇲🇦🇲🇦

[@Narjisse007]

@@igmorocco حنا هما لمحظوظين بك 😍

[@noussbassirossoud1533]

Waw machaalah

[@hassnaaouam8046]

انا معجبة بيك بزاف كل طاقة وربي مقويك الله يحفظكم ويشافي الابن ديالك وجميع الوليدات هذا فديو خلاني نرجع نفكر فحياتي من جديد ان شاء الله تشوفيه فأعلى المراتب اكيد غادي ندوز عندك للانستقرام محتاجة للستشارة ديالك دمتي متألقة وربي كبير ❤

[@khadijasassioui3973]

عندك الحق اختي أكثر ناس تبتسم في وجه الآخرين هي الناس الي دازت من تجارب قاصحه و الحمد لله بالقناعة والرضى بالقضاء والقدر والدعاء لله سبحانه وتعالى نتجاوز المصائب وينهون الصعاب . اسعد الله نهاركم جميعا

[@miss91hasna]

🙏🙏🙏 شكرا بزاااف صارة على الفيديو على التشجيع والمعلومات 🥰🥰