Рет қаралды 130,635
ركود مصر !!
______________________________
🛑 سعر الجنيه
____________________
🛑 الجنيه نزل من جديد النهارده قدام الدولار في البنوك، وسجل 49.90 جنيه .. بعد تصريحات الصندوق عن تحرير سعر الصرف،
🛑 لكن من ناحية تانية أظهر مؤشر عالمي، أن سعر الجنيه مقوم بأقل من قيمته الحقيقية 56%، كأقل عملة على المؤشر، بعد إندونيسيا وتايوان، في حين إعتبر الفرنك السويسري كأكبر عملة مبالغ في سعرها،
🛑 نسخة شهر يوليو 2024، من مؤشر بيج ماك العالمي، اللي بتصدره صحيفة إيكونوميست البريطانية قالت أن الجنيه مسعر بأقل من قيمته الحقيقية قدام الدولار وأن الدولار يعادل 21 جنيه،
🛑 وقال التقرير، أن سعر وجبة بيج ماك 120 جنيه مصري في مصر و5.69 دولار أمريكي في أمريكا وسعر الصرف الضمني هو 21.09 جنيه مصري،
🛑 مؤشر بيج ماك، هو مؤشر مالي لمجلة إيكونوميست ظهر في 1986 كطريقة لقياس أداء العملات وما إذا كانت دون أو فوق قيمتها العادلة، من خلال مقارنة أسعار هامبرجر بيج ماك وبيعملوا ده كمان قي قياس نصيب الفرد من الناتج الإجمالي.
🛑 هروب الأموال الساخنة
_________________________
🛑 كل يوم بتثبت الأموال الساخنة إنها قنبلة موقوتة لا يمكن الإعتماد عليها،
🛑 الخميس اللي فات بس خرج
297 مليون دولار استثمارات أجنبية خرجت من الدين المصرى،
🛑 خرج من مصر حوالي 5 مليار دولار من الأموال الساخنة لحد دلوقتي !!
🛑 إحنا اللعبة دي اتعملمت معانا 4 مرات اتمني منقعش فيها تاني !!
🛑 كنا بنتعثر لأننا بناخدها لسداد الديون، وشراء إحتياجتنا اتمني المرة دي منكنش عملنا كده والا هنبقي بنلبس في حيطة من جديد،
🛑 البنك المركزي كان بيرفض زيادة الفائدة على أدوات الدين عكس طلب المستثمرين وده من أسباب خروج الفلوس دي.
🛑 ركود عالمي
________________________
🛑 بورصة مصر
عملت هبوط عنيف في بداية تعاملات إمبارح وخسرت 45 مليار جنيه و قفلت اليوم على 60 مليار جنيه خسائر سوقية والنهارده بدأت اليوم بخسائر 93 مليار جنيه،
🛑 البورصة المصرية وبورصات العالم متأثرة بانهيارات ضخمة في البورصة الأمريكية اللي الخسائر والأضرار الجانبية فيها تخطت ترليون دولار وده أسوأ إنهيار في البورصة الأمريكية من أيام كورونا،
🛑 البورصة الأمريكية خسرت في جلسة أكتر من 800 مليار دولار و
المؤشرات، أنها قد تكون أسوأ أزمات أمريكا،منذ الكساد الكبير،
🛑 بيانات الوظائف الضعيفة وزيادة البطالة في أمريكا أدت إلى تفاقم المخاوف من تباطؤ اقتصادي،
🛑 وبدا الكلام عن إن بنك الاحتياطي الاتحادي أخطأ لما ثبت أسعار الفائدة في اجتماعه الاخير،
🛑 وده بردو يفكرك بالاموال الساخنة اللي ممكن يخرج في اي لحظة مع الأحداث الساخنة دي في العالم !!
🛑 ذهب ترامب
____________________
🛑 الذهب هيكون أفضل ملاذ آمن في حال إعادة انتخاب ترمب مع تراجع قيمة العملة الأميركية،
🛑 التاريخ بيدعم الفكرة دى خصوصا إن ترامب من انصار خفض الفائدة ودعم البيتكوين والدولار الضعيف،
🛑 كان انخفض مؤشر "بلومبرغ الفوري للدولار" بأكثر من 10%، وارتفع السعر الفوري للذهب بأكثر من 50% خلال الأربعة سنين اللي قضاها ترمب في الرئاسة.
🛑 أحداث بريطانيا
_______________________
🛑 أعمال العنف كبيرة في شوارع بريطانيا ومواجهات مع الشرطة بقالها أربعة أيام بعد مقتل 3 مراهقات،
🛑 الاحتجاجات هي الأكبر من 13 سنه،
وشارك فيها مئات المحتجين المناهضين للهجرة في بعد انتشار سريع لمعلومات زائفة عبر الإنترنت عن أن مهاجراً من المسلمين نفذ الهجوم بسكين خلال حفلة،
🛑اتهم رئيس الوزراء اليساري الجديد كير ستارمر "أقصى اليمين" بالتسبب في أعمال العنف، وأعلن مساندته للشرطة،
🛑 وكانت آخر مرة شهدت فيها بريطانيا أعمال عنف كبيرة في 2011 لما نزل الآلاف إلى الشوارع بعد مقتل رجل من أصحاب البشرة السوداء برصاص الشرطة في لندن.
🛑 عناد نتنياهو
________________________
🛑 زي ما قولتلك امبارح رئيس الموساد رجع من إجتماع مع قيادات المخابرات والجيش في مصر بعد خلاف كبير مع نتنياهو بسبب محور فيلادلفيا،
🛑 نتنياهو خرج بعدها بساعات وإتحدى مصر من جديد وقال أننا لن نخرج من محور فيلادلفيا ومعبر رفح،
🛑 إسرائيل أعلنت امبارح كشكل من أشكال التسويق نتنياهو عن العثور على أكبر نفق تحت محور فيلادلفيا بإرتفاع 3 متر،
🛑 خد بالك إن الأنفاق دي إسرائيل بتلاقيها فاضية وبتسيطر عليها بسهولة من غير مواجهات مع حماس مثلا لأنها بتكون فاضية !!
🛑 طيب فاضية ليه ؟! لأن ببساطة كصر قافلة فتحات الأنفاق إتجاهها وبالتالي الأنفاق دي موجودة أه لكن ملهاش أي فائدة !!
🛑 الضربة ضربتين
_______________________
🛑 على طريقة عادل إمام في فيلم سلام يا صاحبي لما قال " هتضرب هنضرب هتحرق هنحرق هتكسر هنكسر، خرج نتنياهو وقال لإيران كده بالضبط،
🛑 نتنياهو قال أن إسرائيل هترد على أعدائها "الضربة بضربتين"، وإن "خطوط إسرائيل الحمراء معروفة، وهنرد على كل محاولة لانتهاكها".
🛑 وقال "إيدينا الطويلة تصل إلى غزة واليمن وبيروت وإلى كل مكان نحتاجه،
🛑 موقع واللا الإسرائيلي قال إن «الشاباك جهز مخبأ القيادة تحت الأرض بالقدس ليتحصن به نتنياهو وقادة الأمن،
🛑 التخمين بيقول إن إيران هتقصف محطات كهرباء وشبكات إتصالات في إسرائيل علشان تشل الحياة فيها،
🛑 إسرائيل إستعدت لده بتوزيع موبايلات شغالة بالاقمار الصناعية في المستشفىات والأماكن الحيوية.
🛑 بلينكن بلغ دول مجموعة السبعة إن إيران هتبظأ الرد يوم الاتنين لكن مش عارف لا طبيعة الرد ولا معاده المحدد.
#السيسي #الذهب #الدولار #الاقتصاد #البورصة #اسرائیل #نتنياهو #محور_فيلادلفيا #جون_المصرى