Рет қаралды 275
திருநாவுக்கரசர் தேவாரம்.
ஐந்தாம் திருமுறை.
039 - மயிலாடுதுறை.
பாடல் எண் : 6.
திருச்சிற்றம்பலம்.
நிலைமை சொல்லுநெஞ் சேதவ மென்செய்தாய்
கலைகள் ஆயவல் லான்கயி லாயநன்
மலையன் மாமயி லாடு துறையன்நம்
தலையின் மேலும் மனத்துளுந் தங்கவே.
திருச்சிற்றம்பலம்.
இதனுட்பொருள் :
நெஞ்சே! உன் தவத்தின் நிலைமையை உண்மையாக எனக்குச் சொல். கலைகளை ஆய வல்லவனும் , கயிலாயமலை உடையவனுமாகிய பெருமைக்குரிய மயிலாடுதுறை இறைவன் நம்தலையின் மேலும் மனத்துள்ளும் தங்குதற்கு எத்துணைப் பெருந்தவம் நீ செய்துள்ளாய் !
(மயிலாடுதுறையன் தலையின் மேலும் மனத்துள்ளும் எழுந்தருளும் வண்ணம் என்ன தவத்தைச் செய்தாய் சொல் என்று நெஞ்சை விளித்துக்கேட்கும் முறையில் அமைந்தது.
உள்ளும் புறமும் வழிபடல் குறிப்பு.)