ninna nanna

basilia floris che canta la ninna nanna di antioco casula, desulo, giovedì 1 novembre 2018, boghes 4 tablet
Ninna nanna pizzinnu, ninna nanna
ti leo in coa e canto a duru duru,
dormi pizzinnu dòrmidi seguru,
ca su cane ligadu hap’in sa gianna.
Babbu tuo de pena nd’est pienu,
cant’est pienu s’òrriu de trigu
ma tue dormi come in logu aprigu
cun cara tunda e animu serenu.
Si malos bisos faghes in su sonnu
tue non timas, nè piangas mai,
cando t’ischidas t’ischidet mamai
nèndedi contos de nonna e de nonnu.
Unu caddittu t’hap’a comperare
cun sedda bella e cun frenu de oro;
des andare in Caddura e Logudoro
e tott’a tie den invidiare.
Ti ponz’a coddu soga cun fosile
e duos canes ti peso pro cazza,
canes de Fonne, canes de arrazza
pro ti fagher difesa in su cuile.
E poi ti regalo elveghes chentu
e una tanca tottu fiorida,
una este de pannu colorida
e t’accumpagno finz’a Gennargentu.
Dae nie des bider custa terra
sardignola chi amo e des amare
sas lineas lontanas de su mare
s’isplendore lughent’e dogni serra.
Poi ti do una fortuna manna
pro chi mai in sa vida hapas dolore.
A la cheres? M’iscultet su Signore!
Ninna nanna pizzinnu, ninna nanna!

[@liapinna2563]

Meravigliosa questa nonnina

[@baronesatirannia]

Super Mario