“Një dashuri, Safo dhe Petro Marko” - Jerida Sakaj | Bibliotekë nga Arta Marku

Libri NJË DASHURI është një mozaik që i ka brenda të gjitha ngjyrat mbi sfondin e zi:
Kujtimet e Safos gërshetohen me shënimet e Petros;
Poezitë e Petros me reflektimet e Safos;
Letrat e Safos e lirë (Çfarë lirie?) me ato të Petros së burgosur;
Dorëshkrimet e poetit me faksimile dokumentesh të ndryshme;
Fotografitë e kohës ku shohim Petron joshës dhe Safon tejet elegante e të bukur, me kartolinat që vetë të dashuruarit a rastësia i ka ruajtur...
Si një xhevahir i papritur, rrezëllen një vizatim i Safos. E paskësh bërë thjesht me përfytyrim Petron e saj ndërsa ai ishte në qeli e as ia shihte dot fytyrën, as ia dëgjonte dot zërin. Silueta e poetit flokëkaçurrel është e pangatërrueshme. Në sfond një dritare sa një birucë me hekura të kryqëzuar shkakton makth, por një qiri në dysheme sikur kërkon të nxisë një shpresë, edhe pse hija e poetit duket e përkulur.
NJË DASHURI është një libër plot me informacione që jo vetëm rrëfejnë se si nisi e si rezistoi një dashuri, por të nxisin në reflektim mbi:
Dashurinë përballë vuajtjes;
Të mirën përballë te keqes;
Frikën përballë shpresës...
NJË DASHURI është dashuria me D të madhe në pesë vitet e para të ekzistencës së saj të gjatë, të shënjuara nga vuajtja që s’bëri veç farkëtoi lidhjen që nuk u këput deri në ditën e fundit të jetës së poetit.
NJË DASHURI është përgatitur për botim nga Jerida Sakaj.
"Bibliotekë" nga Arta Marku, një emision kulturor ku do të endeni në botën e leximit për t’u argëtuar, pasuruar dhe për të jetuar. Bashkëbisedime me autorë dhe përkthyes, çdo të premte në orën 15:00 në RTSH 1.
Subscribe to our KZbin Channel:
bit.ly/3H0S7oQ
Find us at:
www.rtsh.al/
Follow us on social
Follow us and get updates from RTSH on social media:
Facebook: / rtshqiptar
Instagram: / rtshqiptar
Twitter: / rtshqiptar
Tik Tok: / rtshqiptar
#Bibliotekë#RTSH#RadioTelevizioniShqiptar