Рет қаралды 16,744
#reportTV #artisan #njengane
Ismail Fifo pasi jetoi rreth 15 vite në SHBA ku punoi si elektricist, hidraulik e madje edhe DJ, vendosi të lërë gjithçka pas për t’iu rikthyer zanatit të parë për të cilin ishte shkolluar, tornitorit. Kjo nuk është një punë e rëndomtë për të, por një punë prej nikoqiri siç e përshkruan Ismaili.
Në ambientin e pastër dhe të rregullt të punës, e rrallë kjo për një tornitor, Ismaili tregon se fitimet nuk janë të shumta por të sigurta për të bërë një jetë të thjeshtë e të qetë.
'Varion rreth 40-50 mijë lekë në ditë. Po të duash të punosh, arrin", shprehet ai.
Të rinjtë për Ismailin janë si buburreci i patates që vetëm e hanë dhe i bëjnë dëm. Kërkojnë të pasurohen shpejt pa punuar asnjë ditë.
Ismail Fifo zbulon një ditë nga jeta e tij në qytetin më juglindor të Shqipërisë, Bilisht. Nga jeta familjare, në ambientin e punës me klientët e përhershëm e deri në pasditet me shoqërinë e vjetër.
Për më shumë shikoni emisionin e plotë