نجد العذيه | فهد بن فصلا و شبل الدواسر | 2024

للتواصل والاستفسارات :
الحسابات الرسمية
​
‏Official WhatsApp :
api.whatsapp.c...
-
شيلة مهداه من :
عبدالله بن سلطان بن ضيف الله العصيمي
الى صاحب النظر :
فرج بن محمد بن سعد العصيمي
اداء : شبل الدواسر وفهد بن فصلا
عنوان الشيلة (نجد العذية )
سلام يانجد العذيه جعل يسقيك المطر
ويفدا ثراك الطاهر ميونخ ولندن وانقره
ينساح بالي لاشعمت النار في روضً خضر
واشوف فيه الوضح مرعاها قصاما وزهره
بين البدو تلقى التنافس والتحدي مستمر
واللي معه جهدً على كسب العلا لايذخره
كم تاجر وده بالاول فالمزاين ماقدر
غرّه وكيله بالمشاري الضايعه لين دمره
له كم سنه متواجد ويشّري ويدّفع ويخسر
ولايحصّل من وراء دفع الملايين ثمره
االي يبي الناموس فالصيهد وصيته يشتهر
يدور لراعي نظر مثل العصيمي ونظره
ابو سعد كنق النظر لاقيل من كنق النظر
كم فرديً حوّل عليه وورّده من مصدره
ماعنده الا فعل ..خل أهل المقاطع والصور
ناس تمدّح فـ السعه ماعندها الا البربره
كم بدويً من فرج جاه الفرج بالمختصر
فاد البدو بالمشترا والبدو دايم تشكره
ياطيب حظ اللي مع العالم يجي طيب ذكر
السمعه الزينهه تدوّرهاا الرياجيل دوره
‏
وش خانة الرجال لولا سمعته بين البشر
من لاحفظها تضحك العالم عليه وتحقره
وابوسعد ذكره يوردنا على عدود الفخر
طاريه مثل العود الازرق لانشع فـ المبخره
عصيميً راسه يفوح من الحميّا والسطر
في مجلسه تلقى النشاما والدلال مبهره
من جاه يشكي من عنا الايام وصدوف الدهر
ماعنده الا ابشر بعزك والامور ميسّره
على الرفيق احن والطف من ذعاذيع الفجر
واحلى والذ من السحاب اللي يساقيك مطره
هذا ابن عمً فيه اماري وافتخر سر وجهر
مواقفه يفخربها اللي فيه دجره ونعره
من لاد عاصم مركي عتيبه مقابيس الظفر
زبن الدخيل ونصرة اللي مالقى من ينصره
ربعي صناديد الوغا لباسة الجوخ الحمر
سواقة العطفه بيوم فيه عجّه وغبره
حنا عتيبه خصّمنا عينه يطاولها السهر
على عدانا فارضين الهيمنه والسيطره ..