Рет қаралды 4,666
#nmz
#ngmk
#mechanicalengineering
“NKMK” AJning “Navoiy mashinasozlik zavodi” ishlab chiqarish birlashmasi mamlakatimizdagi eng yirik mashinasozlik korxonasi bo‘lib, ayni paytda bu yerda qariyb 3 ming 500 nafar muhandis-texnologlar, metallurglar, mexaniklar, konstruktorlar va boshqa kasb egalari fidokorona mehnat qilishmoqda.
Zavodda ishlab chiqarilayotgan metall va yog‘ochga ishlov beruvchi dastgohlar, konchilik texnikasi uchun murakkab detallar, turli xil nostandart uskunalar, jihozlar, ehtiyot qismlar, nasos, armatura va konveyer roliklari kabi ko‘plab yuqori sifatli raqobatbardosh mahsulotlar nafaqat kombinat bo‘linmalari va mamlakatimiz korxonalari, balki xorijiy davlatlarga ham yetkazib berilmoqda.
Bugungi kunda zavodda yiliga qariyb 15 ming turdagi 980 mlrd. so‘mlik mahsulot tayyorlanmoqda.
Navoiy mashinasozlik zavodi va kombinat bo‘linmalaridagi mexanika-ta’mirlash sexlari, faoliyatining asosiy yo‘nalishi bo‘lgan, qimmatbaho metallar ishlab chiqarish ko‘rsatkichlarining bajarilishini ta’minlovchi kon-shaxta va texnologik uskunalarining to‘xtovsiz ishlashi, kombinatni kengaytirish bo‘yicha investitsiya loyihalari doirasida qurilayotgan ob’ektlar uchun nostandart uskunalarni tayyorlash hisoblanadi. Ishlab chiqarilgan mahsulotlarning asosiy qismi kombinatning ichki ehtiyojlarini qondirishga xizmat qiladi.