【經緯線】年少不上學

[@cyt4848]

感謝製作這條片的團隊和出鏡的兩位主角，作家長的，重新反思調整對子女的期望，究竟是學業還是快樂重要？ 作為學生，青年人甚至成人，要記住不要被別人的說話攻擊來定義你 正如女主角話齋，有缺點其實都冇乜嘢問題，接納自己，便會找出自己的優點

[@mmm-zv3wg]

2位年輕人真係好值得欣賞

[@catcatyeung101]

我嘗試冷靜自己睇晒條片，因為個女仔講嘅所有野都發生晒我身上，例如明明我考第一，本身老師以為係第2個人考第一，讀左佢名，全部人都好開心，拍晒手，後來老師話讀錯名，話考第一嗰個係我，佢地即刻靜晒，PE堂又係，分組永遠要R人同你一組，最黑人憎個啲一定最受歡迎，而我個班成日比其他班別講話係最複雜嘅班，我又覺得心地好係最緊要，份人有堅持同原則。佢講嘅所有野我都有經歷，唯一唔同嘅係，我中一到中六，都有番齊學，但我上堂永遠都係發呆，因為冇人同我傾計，你只係坐係到，中六之後讀found dip，再讀high dip，再升番上大學。由讀found dip開始，我起碼開始有一班fd會一齊上堂一齊傾計，離開左中學之後讀書我覺得容易左同開心左，我覺得環境係好影響一個人。我成日都會諗自己中學一直都係坐係課室發呆成件事好shame，但發覺原來我仲堅持一直番學已經好叻。我覺得可能真係心地好，所以個天都唔忍心對我太差，大個左發現真正嘅叻人係冇乜，而一個真正嘅叻人係唔會隨便踐踏人地，希望睇到呢到嘅同路人共勉之。

[@kong1011]

@@catcatyeung101 有時覺得性格孤僻／沉默的人其實只是當初唔好彩遇到唔合適／唔好的，所以變成咁（包括我自己）。如果遇到好的群體，發揮到，有人接納，性格自然會開朗d正面d.

[@evelynching531]

我放學都冇人同我傾偈

[@honlamwoo1150]

保重❤

[@katieliesl9798]

@@catcatyeung101 九年免費教育編制，你細個冇得揀，如果父母可以明白會好D，但實際上老師又好忙父母又好忙搵食，大家嘅壓力都好大。 其實好多人未成年人要捱過學校生活都好辛苦，有諗法或理想嘅人就更難行，保持到精神健康同善良是10分難能可貴，我係因為接觸信仰先可以保存到，人生其實好長，又有好多分叉路，克服眼前挫折繼續行落或者路就更易行了。

[@may6072]

😢其實我也一樣

[@yuihancheung2957]

Sandy 的經歷是一種的無形欺凌（不是身體上或見到任何傷痕），但那種被排斥，無助感，令佢孤單，繼而𧗠生情緒不安。希望家長們多聆聽子女的難處，了解佢哋。祝願Sandy 早日找到自己的路，好好發揮才華，健康向前行

[@mmm-zv3wg]

呢d節目由細到大都覺得好有意義，由懂事開始不間斷都會食飯時或前後播，現在我已經有個小學既小朋友，年代唔同，真係有generation gap,令我可預先知道教養同社會問題，現在年輕人讀中學同7至80什至90頭後好唔同，我現在或者都迷失緊，多謝製作單位同年輕人既分享。 希望所有年輕人都知道每個人出生都有佢既用處。休息係為左行更遠既路。

[@SavedFile]

全香港最正常最有質素既時事節目！！！ 🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉

[@mbaocmbaoc6365]

多謝兩位年青人將自己的經歷說出來，看完這短片後，讓我更加明白每一個孩子都有自己的思想及才華，遇到機會就能發揮所長，所以每個孩子是寶貴的！

[@YellowLemon1206]

連轉校嘅機會都唔俾，呢個社會病態好嚴重

[@あ然]

@@YellowLemon1206 移民囉7頭！

[@qqtai7776]

小學已經咁迫，上中學再迫，梗係唔想讀。我仔無補習，鐘意玩乜由佢，年年考第一。上到中學佢都覺得辛苦，保唔住以往成績好唔開心，要做Band 1 學生唔容易，但佢都唔想保習，我都係順其自然啦！

[@AlexChan-c1i]

睇留言都感受到呢個社會俾幾大壓力

[@frank817]

唔係而家至有既事，我90年代頭讀中學，處境同佢(Sandy)差唔多(應該嚴重過佢)，當年仲要升學競爭激烈好多，好多日校中學完中三都篩1/3甚至一半學生，轉校完全係天荒夜譚。

[@frank817]

@@qqtai7776 講真，做band2,3上弦，好過做band1下弦

[@Grapes0311]

Ken，你嗰四年絕對唔係浪費 好似你話齋，自己有需要用呢幾年去調整節奏，調整完咪再行過囉 我讀U都前後讀過三間院校先搞掂 永遠支持你

[@sophieb1496]

多謝你們的分享, 令我哋一班父母多d明白年輕一代❤加油！

[@Bon-e2w]

男同女主角你們很捧，願出鏡很勇敢，慢慢加油

[@wongmichelle6487]

Sandy 幾靚女，講野幾又條理，又幾presentable，點解D 同學都會排斥佢? 我感覺佢反而應該係一個會幾受同學歡迎的女仔。

[@honlamwoo1150]

我都覺得Sandy幾靚，幾清新，

[@suyifoo]

我女都係被排斥的一個,排斥多數因為有人帶頭,同學搵人站邊,就係甘

[@taiwatang3093]

世上沒有蠢學生！ 只有蠢老師😂😂😂

[@kong1011]

多數人都話求學時期最開心，最好的同學都是中學/大學時認識，但中學和大學我覺得很孤獨，過得很不開心，無存在感，無歸屬感，被忽略，被睇少，朋友很少，受了很多委屈，有理說不清，壓力很大，嚴重形象自我形象，和性格發展，甚至到現在我都覺得很遺憾，有很多缺失, 見到其他人畢業可以同同學繼續聯絡，更加覺得苦。 遇過很難受的經驗，或者一些很難聽的說話，當時同學，家人，老師，社工都唔明白我的痛苦。 - 老師明顥對其他人評價高過我 - 睇唔出你可以考到高分/平時你show唔到 - 人地考高分是天分，我考高分是努力 - 中學有條友踢足球蝦蝦霸霸，針對我，但其他人又buy佢，因為佢屬於主流圈子，就算我球技比佢好都無人比credit我。 - 去leadership無人同我聊天，小圈子自己傾哂，只有另一個同樣被忽略的人肯　　陪我。 - 中學有條友我面對面同佢say hi, 佢無視我，同另一人say hi。 - 話我太正常，同我坐好悶。 - 大學去training比人笑，比人排斥，沒有包容，總是睇唔到我其他優點。 - 大學同學話我無樣掂，叫我學習某某。 - 話我脫離現實。 - 話我很少參加活動。 - 教會有條友沒有同理心，幾次fb出言傷害我。 - 某某工作上手快，你要將勤補拙。 - 你不按常理出牌。 感到沒有安全感，憤怒, 悲傷 ,焦慮, 羞愧，感到上帝偏心，劇本人設不公平，找不到幫助，我只想有人愛我，有人需要我，有存在感，歸屬感，有自己友支援，有人重視關心，但好像很難。 *希望同學，老師家長多關心身邊其他被忽略的同學，在他們角度設想，使他們有溫暖。 *被忽略的同學不要否定自己，不是你的錯，可能只是際遇遇唔到伯樂。要愛自己。

[@nykoalng786]

有同感😢

[@dannyhaye834]

我當時同你一樣，所以我直接無讀大學出嚟做嘢。揾到一份人工唔高但做得開心嘅工，呢兩年先慢慢係陰影走返出嚟。 人只有係適合自己的環境先可以快樂同努力，以前嘅你可能無得揀。但依家你係一個成年人，嘗試下揾一個自己開心嘅環境啦~，加油。

[@tigerbibikwan4078]

長大後，讀了少許心理學課程，終於明白自己點解可以咁記得以前發生嘅事（俾人講壞話/俾人睇低/冇人同自己一組/老師誤會我）。屋企人話係因為你小氣，其實係因為呢啲事傷得你太深。我先釋懷，唔係因為自己小氣。

[@kong1011]

不是你的錯，如果是佢地遇到你的情況，佢地一樣會記很耐。

[@denicelee6760]

咁點樣先可以釋懷？我有同樣問題。

[@katieliesl9798]

@@denicelee6760 找一個適合你自己嘅環境、找一些能夠理解你的朋友共同成長，慢慢你就會對過去可以開懷，如果缺乏或有限制都可以睇吓輔導或者如果肯使錢錢見吓心理學家。

[@denicelee6760]

@@katieliesl9798 謝謝,希望一齊能忘記過去

[@katieliesl9798]

@ 得閒聽吓樹洞心理學Peter仔講得幾好

[@yukitang1332]

Sandy 講出黎嘅情況，同我個女而家一模一樣，個女話早怕分組，比人排斥！我女又係話同學鍾意講是非，佢覺得唔ok ,相處唔到🥺點都好Sandy加油🩷我都同我個女努力緊。

[@影冰峰]

加油！❤

[@馬家大小姐]

我中一果年又係被同學排擠，明明冇傷害過任何人，但就一直被人傷害。 父母唔理解，老師只偏幫成績好既同學。 到中二好唔容易識到2個女仔朋友，安穩度過左中二三。 結果中四果年，其中一個女仔分左另一班、同隔離班同學fd左，疏遠左我地原本呢幾個朋友；另一個女仔同我同班，但就帶住所有人杯葛我，只因為佢打算玩弄一個師兄感情、而我去提醒個師兄要小心（我知道初戀會好影響一個人愛情觀）。 一夜間失去所有「朋友」，我先明白其實由始至終我地都唔係朋友。 真正既朋友唔會三觀不合、聯合其他人黎攻擊你，我一直都係度勉強緊、只因渴望友情/被認同。 於是我強迫自己習慣獨立、做咩都獨來獨往，放學去做M記、出社會接觸更多不同年齡層既人。 然後發現，唔係全世界都討厭我，我只係同學校入面既人夾唔黎、唔代表同其他人唔可以。 於是我成熟得比同齡人早，去任何地方都可以自己一個悠然自得。 唔再強求反而得到左真正既朋友，不知不覺已經識左十幾年。 細個被霸凌總希望出現一個英雄，可以拯救自己、保護自己。 但事實係，呢個人好有可能唔會出現。 但當你變得堅強、唔再渴望所謂認同感、做返自己，你可以成為自己既英雄。

[@dannyhaye834]

同你嘅經歷好似 人從來只能依靠自己 加油

[@emilyleung-cc9du]

小學和中學我曾遇到班中一位同學被其他人忽略或杯葛，當時我主動和她/他們玩，現在覺得自己做了很好的事

[@peter134]

我都有，成班玩我，中學，好彩有一两同学助我，有一是有背景，初炲我，但叫單挑打勝佢就對我好好，常幫我，好感激佢地。

[@shunjai]

船嘅比喻幾好

[@kong1011]

同理心，換位思考。

[@Ulikela]

我諗起我考完DSE嗰排去譚仔打工，因為我好鍾意食譚仔，個福利又幾唔錯😂，當時有個同事阿姨就不斷問我「阿妹你做咩嚟打工呀？點解唔讀書嘅？係咪考唔到大學冇書讀？定家庭經濟唔好？咁慘你要出嚟幫補家計？」我尷尬笑加解釋，但阿姨依然好熱情地關心問候我😂😂😂然後不停晒她個仔喺英國讀書，好叻仔😅 其實出面好多人心地唔壞，但就好鍾意用自己角度去理解事物，如果你分唔清他們同你自己的看法，就好容易為咗一啲不必要嘅講法，例如「廢青」、「冇用」，耗費自己精力，就好似路過有隻狗無啦啦喺你腳邊去大，你就誤以為隻狗有心針對你，但事實上無論有心冇心都好，狗始終係狗，無論隻狗做咩都唔會影響到你嘅人生。 但當你開始介意隻狗點解咁對你時，本來影響唔到你嘅嗰隻狗，就被你邀請進入你嘅人生，成為一個極大影響你生命的因子，你會將所有有關無關的事情串聯一齊去解釋你嘅不幸，最後你覺得自己嘅不幸會加劇變成你更大嘅不幸。

[@kong1011]

個個只用自己角度睇事物，把自己價值觀放落其他人，所以社會變成大家都在對話，但各自表述，而不是溝通，只會覺得唔舒服。

[@ChanNathan-x6w]

香港人最鐘意judge人同比較，所以D香港人先成日話呢個社會好大壓力，其實D壓力根本就係佢地自己比自己。跟住就話大壓力到頂唔順，要移民，然後就將香港個套思維帶到去新地方。

[@kong1011]

@@ChanNathan-x6w worse cycle :(

[@chengchris552]

有多時候，我在想，為什麼我成績差是我廢而不是你教得差？你話同一個老師「又唔見其他同學係咁？」，一啲資質好/多資源既學生唔係由你教都可以成績好，而資質一般/資源較差既學生，出黎成績唔好而你又要鬧，點解你會覺得自己一啲問題都冇？

[@katieliesl9798]

@@ChanNathan-x6w 但講真華人文化真係好睇重個捱字，人捱到你捱唔到一定會俾人批評，而且呢種批評係唔會同你講體質。

[@wynnia]

兩個好靚嘅故事☺️謝謝每一位

[@x.y4048]

👏👏👏👏高興看到 他們倆的轉變👍🏻👍🏻 Sandy漂亮有氣質🪷🪷🪷 Ken善良．清新．斯文💎💎 相信他們的父母．家人也很高興😍😍

[@kodaiwu0001]

小妹妹，你的經歷我曾經都經歷過，給同班同學孤立，不過當時我都堅持翻學，最多就係無人一齊玩姐，課餘時間多d睼唔同的課外書，多增廣見識，20年之後再遇翻之前的同學，發覺多謝呢班人。強者永遠都係孤獨的，係弱者先需要抱團的

[@alfeeauyeung7392]

我仔1年級派去 Band 1 ,讀咗2星期上堂俾老師大聲鬧，佢即時還擊批評老師大聲鬧人係壞人😂，跟住我同校長傾，表面客氣，實際係暗示學校老師好好，家長要小朋友去適應，家長唔識教。我大佢，話我個女都 Band 1 畢業升埋大學都冇任何問題，老師做錯都要承認及檢討😂。后來同班主任講想轉校，佢反而騰雞，笑死。而家2年級轉校了，讀得好開心，老師有愛心得多。所以，父母要做孩子的后盾，俾安全感佢哋，小朋友才能心身健康成長。

[@tigerbibikwan4078]

真係好有共嗚。我因為家庭係單親，冇咩人教我點樣同人相處，屋企窮冇錢，好多因素令到我嘅性格不被人接納。從小就冇朋友，每次老師叫分組，都係好大壓力，因為知自己會出醜。當去旅行嘅時候，我亦好介意有冇人會坐我隔籬，最後我隔離只係其他同學嘅書包。我自問沒有壞心腸，但不是太陽花那種的性格，經常因為朋友而令自己唔開心，更加覺得自己嘅價值係其他人嘅認同。慢慢長大後，開始明白做咩人先會得到人歡心，但係自己點樣學都學唔到。長大後，雖然喺社會上能站穩腳，但內心經常會被朋友/同事嘅事情令自己非常困擾。

[@leecheuklam4057]

關咩事 我讀屋邨中學啲同學要幾窮有幾窮 啲屋企要幾有問題 就幾有問題 都冇你咁賴呢樣賴嗰樣

[@NG7777]

有時呢啲嘢開竅就有唔開竅就冇 完全明白你嘅感受 遺憾就一定有㗎啦 咁好嘅青春光陰就咁冇咗 因為我都幫過好多唔敢講嘢嘅同學 多數喺運動上講兩句加油 keep住做 跟住傾吓偈咁了解佢 多數真係完全唔識講嘢 緊張 勁冇自信 係絕對冇可能同正常人圍堆嗰種 所以企喺佢哋角度係一定有遺憾 不過我都係從圍推嗰班去到篩選朋友 最後發覺好多人同我嘅層次都唔同 跟住開始享受自己一個人 放棄啲垃圾社交（主觀）逐步逐步咁樣改變自己 其實就咁睇你嘅文字表達能力都反映到你係個正常人先 運氣唔好 搵唔到知己姐 依家如果我建議（因為我多數都係做運動，所以參考就得） 搞兩個啞鈴喺屋企 學吓點樣粗大個膊頭同埋手臂 自然就會有人主動或者咁啱經過話你大隻咁多 因為多數人都慕強（某一方面勁過人就已經帶俾你自信先）自然就會創造講嘢嘅機會 之後從錯誤中學習 有時講錯嘢都好正常 即係例如傾偈嗰陣突然間氣氛唔啱又講錯嘢冷晒場 或者個人都好融洽咁傾偈得你未Get到 咁呢啲就係每個人都有自己嘅風格 冇話一定要夾硬融入 唔係你就我就係我就你 我認為係咁（純粹分享 都希望幫助到人）希望你都了解吓冇朋友嘅優點啦 因為好多嘢都有正有反 就好似好多朋友嗰啲 嘥晒啲時間喺啲低質社交 冇朋友嗰啲又會覺得個個都玩得開心 自己就似個自閉仔咁 希望對你有幫助啦

[@howru2024]

你不是為別人而活的，不要太介意別人怎樣對你， 做好自己就可以啦。 不要把自己唔開心嘅事或者缺點 ，放得太大。 不好的，就慢慢改善它吧。 沒有完美既人，每個人都有佢唔好，吾如意嘅地方，只係佢哋冇講出嚟……

[@pohunglam9956]

越城市嘅地方要求越高，兒童壓力越大，反而農村嘅兒童個個都係人才。咁因為唔使追分數和無比較，價值唔代表你條命。每個人都是一樣，只不過出身唔同。

[@katieliesl9798]

@@NG7777 非常有quality嘅分享，但多數人都冇耐性睇😅 無論乜嘢原因造成孤立狀態嘅人，因為未試過同團體產生共鳴，所以會有好多妄想。 所以我都鼓勵你慢慢學習同人相處溝通，唔需要羨慕其他人，亦唔需要自卑。 以前細個就焗住喺學校嗰個群體，但當你大個嘅時候你可以自己出去識朋友，可能係透過興趣工作上嘅同事有太多利害關係，所以唔建議擺咁多心機想去識朋友返工都係返工算啦，如果識到friend就只係bonus 。識朋友都唔可以急，要慢慢觀察，但係如果小同人傾偈溝通能力一定係差啲，所以要俾啲時間自己去學習同人溝通。如果一次過講太多嘢又或者成日欲言又止係會令人好卻步，但唔好俾咁大壓力自己一步一步嚟，無論成功定失敗，只要你肯繼續同人傾偈學習社交慢慢就會搵到當中嘅竅門，慢慢吸引到識得欣賞你嘅人，或者願意放時間同你同行的人。

[@Kay_ee]

我也是缺課的學生，很少人可以理解到，沒經歷過的人也很難共鳴，感恩這條片。。

[@sallywan6291]

💐

[@2025come]

每個人都有優點 欣賞自己和別人💪

[@katieliesl9798]

佢哋好細個咋，真係希望可以多啲人幫佢哋，然後佢哋第時又可以幫返人。 學校唔係淨係教授知識，培養學生正向成長德育都係好重要，一個老師對住好多學生兼承受好多不同壓力，老師被追KPI，學生又被追，大家壓力好大，但社會都唔會理解因為大家都係咁樣俾人迫住行。 世界其實好大，但係真係要過咗學校呢個關先。

[@leechuen3950]

而家啲教育制度令到啲學生覺得讀書讀書，真係，唉…

[@denicelee6760]

希望你可以振作!

[@orangesunsun]

祝身心靈康泰！有福氣貴人助你們一把！

[@2828venus]

希望Sandy加油 不用理會太多人的想法 顧好自己感受最重要

[@Julie-ho5dw]

如果Sandy見到這個message嘅話，我想同你講我同你都有一樣嘅遭遇。見到你睇開左我都好開心。我都希望遇到依啲經歷既人千其唔好放棄或者氣餒，依個世界總有啲咁嘅人會想踩低你，但係佢哋愈係排斥你，你更加要爬番上黎，證明俾佢地睇你可以自強，比佢地更叻。加油啊

[@LanMel268]

我由細到大都唔得老母歡心，就算我天份明顯叻過佢個仔, 醒目過佢個仔, 但佢只係會覺得佢個仔乜都叻過我! 所以我明白Sandy受到家庭引起沉船嘅感受，好多人令自己沉船都係自己老豆老母兄弟姊妹！ 到我中學嗰陣成績一直向下沉, 又同班壞朋友一齊成日通街玩, 但係我冇唔返學, 因為喺學校我有好多欣賞我藝術細胞嘅老師同學, 佢哋都支持我完成中學然後去工作再進修自己鍾意嘅科目😊 Sandy 唔好放棄自己優勢係外表, 好好重建自己嘅信心一定可以創造出一度彩虹❤❤

[@Lemonade-r5p]

Sandy冇錯。好叻女，要对自己有信心

[@sallywan6291]

天生我才必有用,係依家痴線大人才相信"贏在起跑線"!其實要靜待"花期"到來更為重要!

[@denicelee6760]

每個人成長過程速度唔一樣, 有D花要多D時間開,但會開得更燦爛更長久!

[@odinyiu1596]

講得好！

[@emilyleung-cc9du]

贏在起跑線？！ 係work既 香港應該出到好多諾貝爾得獎者

[@twinklelo-re2wv]

片中嘅受訪者：你地好堅強❤加油，支持你地。

[@ChanNathan-x6w]

Sandy的經歷根本反映呢個社會鐘意比較同批鬥既問題，呢樣野唔單止發生係學校，出黎社會，同事同老師可以好輕易批評你身形，樣貌，感情等私人問題。當你不滿想反擊就會被視為小器，唔合群。另外，老師每一句說話都對學生造成好嚴重影響，究竟幾時班老師先可以真正了解學生，而唔係傷害學生，將學生同其他人比較。

[@kong1011]

@@ChanNathan-x6w 反智社會。

[@odinyiu1596]

喺香港呀？難！連啲老師自己亦都有抑鬱我懷疑！

[@denicelee6760]

係華人社會，如果你讀唔成書，朋友，親人都睇你唔起，個社會會判你死刑！但唔係個個都係讀書材料！唔能夠用同一把呎衡量唔同既人！明代時李時珍多次考唔上科舉，先寫左中藥巨著本草綱目造褔後代。而且有好多野（人品，人際關係，個人際遇) 係比成績更加重要！父母同學生唔好為左一時失意而灰心，人生有好多機會的！

[@shitakwok47]

我以前讀中學的時候都試過在傳統學校因太大壓力頂唔順。最終壓力過大下我決心投身職場，現在工作做得好開心。當然最初父母並不支持我外出工作，最終在多番解說下也支持我繼續出去闖世界。

[@candywai1018]

曾經我都係隱蔽青年，但自知唔可以再咁落去，走返出黎繼續讀書。依家算係比較僥倖，係大學讀到心儀既學系 社會工作、希望畢業後可以接觸並幫助到佢地，與佢地同行 因為我好明白，不被理解，被學校老師同學排斥欺凌既感受

[@leechuen3950]

千萬不要為成績做傻事，你要加油，佢地唔欣賞你，你要更加欣賞自己，人生並不是成績分數，你千萬不要睇少自己

[@cheungkay133]

番學係法律要求喎 Ken仔都算好彩，最後家長會調節期望，自己最後又睇開左，放過自己。

[@1106ml]

我老師話中四開始已經可以出嚟社會做嘢

[@cheungkay133]

@@1106ml 15-16歲果時，但又有幾多學生、家長接受呢個選擇

[@selenayip6330]

我以前中學都發生過類似事件，當時中一我被一個大家姐帶頭排斥，後來果個大家姐中二時就移民美國讀書，在10多年後，我才得知果個大家姐在她移民後不久她爸爸死了,我個心釋懷了，壞人有惡報，對其他人做甘多衰野，遲早有報應在自己身上發生！

[@kong1011]

排斥的人很討厭。最後佢地自己受番。我有類似經歷，未釋懷到。

[@ilovecheese8707]

之前父母離異見社工，每次見佢佢都會問成績點？搞到我每次都要喺班上面扮無事，不過好彩有個玩咗成10年嘅friend一直陪住，而且母親依然肯照顧我，先捱過高中。 上年撐完DSE,入到U,仲喺有D唔敢想象當初如果冇人關心，我仲行唔行到呢一步…

[@cecilau1516]

Sandy加油一定會有人懂得欣賞你，我以前讀中學嘅時候俾同學非禮，都唔敢同屋企人講，唔想返學但係屋企人唔俾，我發燒都要返學

[@tracychan9664]

作為一個16歲青少年嘅媽媽睇到好心痛，家長嘅影響真係好大

[@kong1011]

@@tracychan9664 小朋友無得選擇父母，無得選擇佢的性格，才能，出生地 :(, 想獨立都要18歲之後。

[@cheryllllllllllllllll]

我明白到第一個女仔嘅故事。我係讀一間Band one嘅名校（我就唔講名啦）。嗰間中學係有小學部嘅，咁就好多同學都係由小學一齊玩到中學。嗰間學校係出名啲學生全部嘢都好勁，但係我就淨係靠我嘅音樂入到呢間名校。我中一嗰陣時入到就好想開始識朋友，但嗰啲同學好似由小一就玩到嗰陣咁，好難融入到佢哋。而老師上堂亦都唔係太教書，成日都分我哋做project又要整PowerPoint又要present。我本身係一個好內向嘅人（自己外貌都唔係特別好，好肥）就因為係咁而成日都好絕望呢啲project。我中一上咗幾個月之後開始覺得佢哋好似喺度孤立緊我一樣。試過有一次，全班調位。老師話帶一個friend去坐，咁我個班就係39個人，而我就係唯一一個搵唔到friend同我一齊坐嘅人，自己坐咗喺個角落位。老師就喺全班面前話你貼住你左邊嗰個人，但我一睇就覺得左邊嗰個人就唔係好想同我一齊坐。後尾我都有睇返心理醫生，而家好d但我form one就係有兩個個月都不停咁唔返學，因為呢啲人際關係問題。

[@xxxxxxxx123321Ling]

我好想見到片中主角聊一聊 我住天水圍 前兩天我照顧四年多五年的母親去世 整個家族家庭只剩下我一個 , 這兩天都躲在家裡上網 希望盡快處理完阿媽的身後事後 , 我也可以解脫吧

[@denicelee6760]

抱抱你,能否去教會?搵下朋友?

[@Amy-fg8tm]

祝福你

[@chihangchan-r3k]

Sandy氣質有D似張曼玉， 如果她可以開心返D話， 要入圍港姐絕對不成問題！

[@honwingchoi6500]

青少年好多都唔識點接受自己比別人能力較差較弱，加上社交平台推波助瀾，心智更未成熟，搞到有輕生念頭。 呢d時候應該要有眼光有遠見既人指導佢地點行未來條路 只可惜千里馬常有而伯樂不常有

[@rtyrtyrty99ty]

其實呢種人先係最聰明，但同時亦都係最善良既人，考慮別人多過自己

[@Iska-p3g]

因為抑鬱同肺炎 我高中無點返過學 當時我個班主任（英文老師）就當著全班的面話 「d人成日都唔返學 一定升唔倒大學」 我當時每日都𠝹手 覺得壓力好大 我同啊媽講我唔想返學佢就問我「系唔系唔想返學所以係度扮嘢」 呢件事到而家都係我的人生最hurt （P.S.我打咗個老師面上咗大學#） 我覺得香港嘅教育真係好高壓 一堆無必要嘅兢爭 一堆無謂要求 一堆無必要嘅框架 就好似要削走我的自我一樣 用成績去量度我的所有 活着已經很勇敢了

[@chanbilly2543]

欣賞兩位年青人! 😃😃

[@kathywong8066]

我也中學時期都非常抗拒上學，一事無成，班上獨自活着，之後離開中學在YC才找到自信。

[@ChowJason-l9d]

YC係咩？

[@Dericchiu4935]

@@ChowJason-l9d 青年學院

[@seasemll2275]

教育制度同d學校好有問題，由港英年代到依家都冇變！

[@anthonywwh]

看到他們的經歷，想起自己的年輕時代被欺凌和孤立的日子，但也許因為八十年代時候，自己又忍受到，所以可以讀到上去。現在在學校工作，也明白很多，會花更多時間去關懷年青人，自己未必做得最好，但人生經驗可以跟他們分享。

[@chankk-wb3qd]

開心就好。做自己

[@瑞雪徐-q7j]

很明白不能上学，人际关系不好，成绩不如意的学生时代的感受。我十五岁的时候从高一离开，抑郁症焦虑症，从不敢白天出门害怕邻居们说，只有晚上出门看不见互相的脸时才感觉安全。看到两位主角的现状，为他们开心。

[@rabbitmuimui]

Ken好幸運有接納佢，體諒佢既家人

[@ashleykwan3044]

學校其實就係咁，你想有人申手出黎幫你，但你唔會得到。 標籤自己係要人幫，人地都會因為個標籤而遠離你。 大人會話依個世界係弱肉強食，但當變成嗰塊弱肉呢？又唔想比人食。唔接受比人話「廢老」。 我依d受過嘅，就好好記住個經歷，唔想再轉嫁落去。

[@cybeleng4407]

而家新世代仲發明好多名詞合埋化呢啲“拒絕/遠離需要幫忙人士"嘅行為，例如冠對方：賣惨、情緒勒索、 道德綁架…… 對於有需要嘅人士簡直係二次傷害！！ 有頭髮邊個想做癩痢！

[@katieliesl9798]

@@cybeleng4407其實嗰啲專有名詞係俾人濫用 好多人唔識扮代表

[@ashleykwan3044]

@@cybeleng4407 依個唔係新世代發明架喎。老一輩已經有講

[@x1carbon138]

學校追KPI 老師追KPI 家長追KPI 香港果然不宜生活

[@sammingam]

我同Sandy嘅經歷好似，好想認識下佢，同埋認識到更多有差唔多經歷嘅人

[@大灣區金維置業-助你]

要同佢地傾下~~關心下~~~可以試下其他出路~~~你地要加油呀~~~自己要在乎自己 !!

[@frank817]

唔係而家至有既事，我90年代頭讀中學，處境同佢(Sandy)差唔多(應該嚴重過佢)，當年仲要升學競爭激烈好多，好多日校中學完中三都篩1/3甚至一半學生，轉校完全係天荒夜譚。

[@yiutungwong315]

以前的初中及高中會考都有篩人制度！ Now Everyone Form 6 Graduate...

[@LoManXYZ]

睇完條片，其實問題主要係年青人缺乏自我價值。 青少年時期比較少由自我反思得出自我價值，反而更輕易由身邊既唔同人或事所給予既評價，去對自己作出評估，一旦負面聲音過大，就會出現自己價值低，就會逃避、掙扎。 所以青少年係需要身邊既唔同人或事給予正面評價，先可以建立佢地既自信心。

[@rosalindchiang5970]

可以坦白講，而家啲教師只不過係教識你答案嘅機器，和教育人才相差甚遠。根本每個人發育成長都唔同，興趣習性都唔同，要因材施教才能培養好未來嘅主人翁。

[@Karen98989]

而家呢一代好多欺凌事件 原因越黎越多自私主義家長 教育下一代要踩住人上，只要人地衰自己先可以上位 仲有送禮老師風氣越黎越嚴重 同賄賂無分別 尤其北區學校 而家既教育就係咁，正直學生就被杯葛😢

[@2828venus]

SANDY你應該係比你D同學妒忌你多過係覺得你差 所以你要努力走出來

[@carmenwu9445]

Sandy 加油！❤

[@Andy-sq1qc]

加油啊各位，有很多人都喜歡你們

[@leechuen3950]

我教我女，我唔需要你好叻，唔識咪唔識，你從中學習錯左提醒自己，我覺得啲學校唔應該攞曬啲成績比人睇，令成績無咁好既學生唔開心，應該更加鼓勵佢地

[@milydolphin]

由細開始比小朋友睇到，生命其實有好多唔同嘅可能性。唔一定要走單一嘅路，可能係個方法無咁易絕望。 如果由細到大都同一個人講，讀書就係你唯一出路，喺學校生存落去就係你嘅責任。當做唔到到底有幾崩潰？ 大人都未必承受到，更遑論建構緊自己價值觀嘅人。 但唔包括身體問題引發嘅心理疾病，同打思噎、流鼻涕一樣根本控制唔到，呢個方向未必有用。 每個人難處都唔一樣，唔好輕易睇低他人嘅痛苦。一嚟就二分法，一句廢青硬塞個符號去人哋度，如果人係咁簡單咁表面嘅世界唔會咁多元。

[@saulinlaw8989]

在人群、社會和學校當中，人才可以得到性格上的磨練。所謂知己知彼，見賢思齊矣， 係一個很好嘅鍛鍊。 如果覺得一個人獨處很自在，往後就會發覺，錯失了一個自我成長的機會。如何蛻變成美麗的蝴蝶，這個過程我們都要去享受和把握。苦悟其苦、樂開其樂，年輕人遇上挫折，身邊的人都在關注，敞開心扉吧，打開心眼吧，接受挑戰吧！等到你好似我成為外婆的年紀，就會發現自己和身邊的人都要同時獲得幸福。

[@zizapop]

咪鬼逼佢哋喇﹗兒女很無辜……冇得選擇而「被出世」，「垃圾父母」OR「富貴父母」照單全收。。空間越來越少，生活指數越來越高，好難向上爬，爬得唔好仲會跌死。。。其實「唔生」，真係一種「善良」。

[@mimoinsweeterland]

i think Sandy is pretty. Keep it up and dont look down yourself.

[@leechuen3950]

希望能夠多點關心學生

[@lunch102]

加油💪🏻💪🏻💪🏻

[@kingonkwok9675]

加油啊 sending love ~ 🙂🙂

[@cicichan-m2b]

不止學生. 出到社會都是好多壓制的人. 人愈大我也不想再接觸太多人. 也不愛說話

[@kong1011]

人是可怕的動物。

[@indigoblue2025]

Sandy，其實妳不用為了家庭、同學和老師這幾個人而心煩，畢竟人無完人，是他們性格的缺點、眼界的限制，導致妳的不愉快經歷。 妳也不用為了成績這一件事而太擔憂。畢竟這個世界人很多，要做的事情也很多。 妳可以經濟上和性格上獨立起來，然後選擇自己的人生。甚至香港社會不適合妳，妳可以選擇出國。只要還有一口氣，就還有機會。

[@darkon6926]

我係會考年代 老師帶頭叫全班同學欺凌我 同父母講又唔信 老師係父母心目中係永遠嘅好人 又話同學想同我玩下 唔好咁少氣 慢慢變到個人唔想同父母講心事 講咩都冇用 最後我患上思覺失調 父母知我有病就係咁喊

[@Roy-hp4wu]

其實Sandy係靚女

[@helloworld2932]

其實大家都知媒體上嘅嘢唔會係事實嘅全部，傳媒extract一啲可以make noise嘅片段引起大眾嘅關注都唔出奇。而且冇人可以喺半個鐘嘅片入面完全知道一個人嘅故事同性格。斷章取義咁去批評人其實完全冇意思

[@ashleykwan3044]

你好似知道好多咁。完全了解事實同真相咁喎

[@ffffbbbb-o7f]

well said - TOO well said - *太太太 片面之詞*

[@あ然]

講多少少？

[@Lalalandlal]

係，作為更有能力同人生經驗嘅大人唔應該係放大青少年嘅不足去批評，而係去諗有乜嘢可以做得更好去，唔好話幫，至少唔好俾多佢地多一重傷害。

[@katieliesl9798]

而且咁短訊息我哋又可以知幾多？

[@andy0040-2]

Sandy再大個少少就會發現自己可以輕鬆揾大錢！加油！

[@hang4963]

做人就係好似一個學習階段由BB 到成人🤣💯👌🤙👍🙈

[@honlamwoo1150]

年輕人，加油。問題在社會，太harsh,不在你們。你們可看 失治之城

[@KuromiMelody1225]

我仔話班主任唔係好惡，係勁惡😂😂😂

[@天空世界-f9q]

我自己都係邊緣人，睇到都諗返起以前分別中三及中四嘅時候,領取全級音樂第一及視藝第一，但同班同學冇人理會我😢，但有個同學拎咗其他獎狀第一，全班一邊笑一邊為他鼓掌，所以我一直諗我有什麼做得不好，我是否是因為行為太安靜?唔似佢哋經常上課的時候嬉皮笑臉還可以鬥笑大家?所以冇合適的同學一起玩?畢業之後見到佢哋同班同學仲有聯絡，但為獨自是我一個人去做自己的事情😢

[@kong1011]

對，好像很不公平。其實自己無做錯什麼，但際遇結果就差很遠。同其他人講都未必會體諒。。

[@lauhaha3618]

你每次都係拎第一，大家同學都知道第一名嗰個一定係你，所以成班同學都習慣咗，無特別驚喜😂 所以咪無反應俾到你囉，你想同成班同學玩你有無諗過啲成績吾好嘅同學會覺得同你嘅級數爭好遠根本溝通吾到，佢地會覺得好自卑，好大壓力😢，試下企下人地個個角度諗下

[@ericpanda8856]

>< 我愛你，不要放棄

[@tsanghingcheung6849]

被年少日記2023電影不幸言中了😢

[@Anson-1080]

不斷比人否定，完全沒有資源 間唔中贏一次都只會覺得好彩 都係個句，窮就唔好生 個D咩細細過就識彈琴揸飛機 有咩咁巴閉，屋企有錢，正常智商都做到

[@yiutungwong315]

I 舊制會考，6科全部及格，23分並中七預科肆業： I 讀過三間中學： 初中：皇仁書院 高中：觀塘瑪利諾書院 預科：民生書院

[@lamed9877]

勁！ show off 可以收起…..

[@Ulikela]

就算岸邊冇人鼓勵，你都可以自己鼓勵自己，自己信任自己！ 你可以調轉去鼓勵埋人哋，助人者自助，救人者自救。有時候唔係冇人幫，唔係冇正常人來關心你認同你，而係你周圍冇呢種人，先爬咗出去情緒困境，再行出去搵更大嘅天地同更多正常人

[@rongkong-l1k]

我推荐一步我非常喜欢的动画，比宇宙更远的地方，里面的日向也有相似的经历（没能像普通的同龄人一样走相同的路，但能和找到其他可能性走出来）

[@Jellybeans907]

讀書？我合格就當自己ok😂咁大個人未試過好努力咁讀書/做功課，因為我最喜歡嘅野係音樂。我唯一讀書真係有稍為出過力做嘅野係大學篇畢業論文，因為個題目係自己set😆其實真心鍾意一樣野先做得好，所以我概念入面讀書叻嘅人係鍾意讀書的。

[@Vanessa-dz4yb]

我都係一樣在中學沒有朋友，我仲要陳漢娜欺凌！我都係讀到中三之後出嚟之後讀音樂再之後做鋼琴老師

[@EmoEcho25]

曾經我訓係浴缸,將頭放入水。學生抑鬱，家長會當作係壓力。根本無幫助到子女

[@elac853]

學校係咪痴線，點解要公開學生每科成績？ 今日嘅經歷，可能係成就更好嘅自己，唔好放棄就一定有路行

[@stepo77]

家長支持小朋友係非常重要

[@yeunghonwa]

其實教育制度冇問題，兩位主角都冇問題。 問題在於網絡呢樣野改變左人類既思維習慣，令到依家的人好容易客觀相信左大腦第一時間處理的信息。 就例如女主角覺得啲人唔拍手好似欺凌緊佢，其實可能大家係因為老師叫錯名令到氣氛尷尬所致。點解女事主會第一時間覺得好似被人杯葛，因為事主係處理人際關係上已經先入為主覺得有人欺凌緊佢呢件事上面，所以佢係處理訊息會諗埋一邊，連接觸既野都會同欺凌呢類負面野掛勾左，引致佢作出逃避的行為。 而係呢個資訊量爆炸既時代，更加會令到人確信左自己大腦客觀相信左的事情，不論是事實或是自己腦補出來。 所以要解決呢個問題，人地要說服自己大腦所接收的訊息是假的！要多自省自己為何會這樣想，或是這樣相信是有根據嗎？這樣就能改善問題 利申食左半年精神病藥，見左半年心理學家。

[@kyc001323]

讀書多出黎打工 冇讀書出黎做老闆 都係生活逼出黎 逼唔出即係財富自由隨便啦

[@reginalam7089]

最無恥就係話佢哋欠缺人生規劃

[@Fu0417ng]

👍🏻👍🏻👍🏻👍🏻

[@aylng]

其實而家老師質素好差。佢哋都係打份工出糧，有使命感嘅極少，本身學歷亦不見老得好好。近年中層教師好多走曬去其他國家, 行政工作又愈來愈多。新制老師又不委舊制老師，成個香港教育制度都差。希望學生可以愛護自己，自己強大可保護自己，有唔開心記住同人講

[@Kenny-t8e]

天生我才必有用，做人開心就行，讀書不是唯一出路，人人做醫生，誰人揸巴士，厨師，汽車修理等等？Bill Gates, Elon Musk都是drop out的。Sandy, keep it up. Your talent is not studying but your drawing is amusing.

[@cya4679]

阿枕識食，sandy如果唔係起步差應該好多人追，枕襯低吸納先得手

[@bsbyhkjbhh]

真，人靚聲甜，溝通技巧又唔差畫畫又靚