نشتغل Front-end ولا Backend ولا full stack؟

[@prograshed]

جميل ياسامح .. جزاك الله خير و نفع بك هدور فى موضوع ال T shape عجبنى و مناسب للتحديات الموجودة دلوقتى

[@SamehDeabes]

جزانا وإياك يا أبو سلمى.

[@kareemmuhammad8360]

عيد سعيد يا بشمهندس تقبل الله منا ومنكم صالح الاعمال

[@SamehDeabes]

الله يتقبل منا ومنكم صالح الأعمال، شكرا جزيلا

[@nitro2399]

كل سنه وانت طيب يا هندسه وبعوده عليك الأيام أنت والاسره الكريمه ❤️

[@SamehDeabes]

وأنت طيب وبصحة وسلامة 🌹

[@OsamahAlfatki]

ممميز وعظيم جدا لكن ليش ماتنزل فديوهات استمر في التنزيل

[@mohamedmagdy2606]

اي الأساسيات اللي محتاجها يا بشمهندس بعد اذنك عشان اخش فأي تراك فيهم لواحد عامل شيفت كارير ؟ وشكراً مقدماً❤

[@استغفرالله-م7ه7ط]

تنصحني ابدا ب الفرونت واتقنه وبعدين انقل ع باك ولا العكس عشان اتخصص Full stack وشكرا جدا لحضرتك ❤❤❤

[@MerX-y4k]

وعليكم السلام ورحمة الله وبركاته ❤️

[@kashwaa]

آخر مشروع شاركت فيه، كانت الشركة عامله فريق Cross-functional وكنت جزء منه. كانت وظيفته التنسيق بين الفرق المتخصصة والإشراف عليهم - علشان نضمن الـ compliance مع أهداف ومعمارية المشروع - وتسليم المنتج النهائي. ده كان حل ظريف لمشكلة التوافق ما بين هيكلية الفريق ومعمارية المشروع، لكن أعتقد مكلف شويتين للشركات الصغيرة والمتوسطة. بالإضافة لإننا كنا بنقوم بوظيفة التيك ليد بطريقة مقنعة، مع كثير من الكود ريفيو، وبنشيل جزء من الستوريز نشتغله بإدينا علشان نمرر ونفرض تطبيق القرارت المعمارية.

[@yousefsayed3012]

باشمهندس ازاى حضرتك انا عندى مشكله ان انا بدات اتعلم فرونت اند و كنت خلاص هشتغل بس فجاء جالى فكره ان اغلب المواقع الى بعملها بيكون فيها صور نساء و ان ده ممكن يكون سيئات جاريه ليا و كل ما اختار تخصص الاقى فيه حاجات من النوع ده مثلا قولت هتعلم باك اند بس برضو انا كده بساعد على ان المنتج النهائى يطلع للناس فهل انا كده مشارك فى الذنب و حلمى كان انى اشتغل فى شركات فانج بس هل لو انا اشتغلت معاهم و هما بيدعموا اسرائيل او الشواذ هل انا كده مشارك معاهم و حاجات من كده كتير انا فعلا تعبت لدرجه انى فكرت اسيب المجال ده خالص اسف للاطاله

[@Reman511]

ضميرك حي حمدلله ، كمل شغفك تقدر تطور الرعايه الصحية مثل المستشفيات والصيدليات والخدمات الماليه والبنوك والتعليم والسيارات والنقل

[@amra.haleem5175]

بارك الله لك يا أخي ورزقك من فضله.

[@Ali_.Naimi1]

قلبك مزال حي يا أخي ما شاء الله ، ربما يكون الحل اشبه بالفريلانس ...

[@Abdelrhman_TheKing]

قَالَ رسولُ اللَّه ﷺ: يُوشِك أَنْ يَكُونَ خَيْرَ مَال المُسْلِم غَنَمٌ يَتبعُ بهَا شَعَفَ الجِبَال وموَاقِعَ الْقَطْرِ، يَفِرُّ بِدينِهِ مِنَ الفِتَنِ رواه البخاري

[@Naceem1]

للأسف، فيها خير إن شاء الله. + الله يبارك فيك و يوفقك لما يحب و يرضى.

[@ShadiMuhammad]

بوركت يا أخي وعيدكم سعيد مبارك إن شاء الله

[@SamehDeabes]

كل عام وأنتم بخير

[@ShadiMuhammad]

@@SamehDeabes وأنت وأحبابك كلهم بخير وسعادة إن شاء الله

[@ASPECT-ALIWAHEED]

جزاك الله خيرا ❤

[@mostafafadaly9068]

ربنا يجيزك خيرا

[@MusabNaji]

كل عام و أنت بألف خير يا بش مهندس بعد اذنك لو في المرة القادمة تطفي المكيف لأنه صوته أعلى من صوتك و مشوش عليه

[@SamehDeabes]

وأنت طيب وبصحة وسلامة 🌹 معذرة، ما انتبهتش لموضوع التشويش ده إلا بعد ما التسجيل خلص 😬

[@abdelrahmanalaa9682]

السلام عليكم ورحمة الله وبركاته بعد اذنك يا بشمهندس، انا داخل اتعلم فرونت اند وصادفني مقطع لأحد الأفاضل صناع المحتوى في المجال بيقول أن المجال ده فيه اضطراب اليومين دول وفي الفترة القادمة الفرونت اند لوحده هينقرض والشركات هتطلب مع الفرونت اند يكون مع الديفيلوبر node. js ايه رأي حضرتك في الكلام ده

[@Muhammad-td7mg]

شكرا لمشاركتك الجميلة

[@عآآآصم-م4ش]

ممكن تعرفنا اي اكتر الباك ايند فريمورك اللي موجودة ف السةق واي اللي نبعد عنها

[@Islam_Hanafi]

كل عام وحضرتك بخير أولا يا بشمهندس انا بقالي سنة ونص بشتغل فول ستاك في كروس تيم ورؤيتي بتتقاطع كتير مع طرحك في الڤيديو بس العيب الاكبر للموضوع من خلال تجربتي أن نمط الشغل ده بيخلي الواحد يلف على حاجات كتير وبالتالي استمرارية اقل وعمق اقل في استخدام او التركيز على جزء معين سواء فرونت أو باك بس حلها في رأيي ان الواحد يعوض ده بالمذاكرة والاستمرارية ولو ان ده في اوقات كتير ببكون صعب 😅

[@SamehDeabes]

وأنت طيب وبصحة وسلامة.🌹 ممكن كرما توضح قصدك إيه باستمرارية أقل؟

[@Islam_Hanafi]

@@SamehDeabes انا هذكر مثال تعرضت له يعني لو التيم عنده ٤ اهداف كبيرة في السنة مقسمه على كل ربع سنوي فانا كفول ستاك ممكن اشتغل كل شويه في حاجة مختلفة بسبب ان الدومين كبير سواء فرونت باك او حتى انفراستراكشر بنسبة ما فلو عندي مثلا ٤ مواضيع جديدة هتعلمها تخص الشغل ده فانا بنسبه كبيرة مش هستفاد اني اوصل لمستوى متقدم في اي حاجه فيهم عشان عاده بنبدل السياق من سبرنت للتاني وهكذا مثال بسيط انا بدات اشتغل روبي ودي كانت حاجه جديده عليا من سنه ونص معدل تاسكات الروبي مش متناسق بحيث اني اقدر ابني خيره من الشغل بعد فتره واقول اني وصلت لمستوى معين بسبب ان مثلا خلال السنه ونص دي اشتغلت على ٤ تاسكات كبيرة بس روبي وببدل السياق كل شوية حسب خطة التيم اتمنى اكون وضحت قصدي يا بشمهندس

[@SamehDeabes]

@@Islam_Hanafi تمام، وضحت. بس المشكلة دي هاتقابلك حتى لو شغال بتكنولوحي واحدة برضو: مثال: أنت شغال في سيستم قائم بالفعل، فمعظم استفادتك مع الوقت بتكون في فهم البزنس مش في المهارات التقنية (وإن فيه مجال طبعا للاستفادة تقنيا لو السيستم متأسس كويس). وهاتقابلك بغض النظر عن عدد التكنولوحيز اللي مستخدمها لو أنت شغال في نفس السيستم لفترة كبيرة؛ بعد شوية مش هاتلاقي نفسك بتستفيد لا خبرة تقنية ولا خبرة في البزنس. والحل لكل ده إن الواحد يوسع معارفه ويبذل شوية مجهود زيادة عشان يكون ادري إيه اللي بيحصل حواليه

[@Islam_Hanafi]

@@SamehDeabes اتفق مع حضرتك طبعا .. بس اعتقد حدة الموضوع ده بتزيد اكتر مع الفول ستاك انا مبقتش ملاحق خلاص 😂

[@amra.haleem5175]

لا تستخدم الهاتف أثناء الشحن. أليس كذلك :) ؟

[@ساعدنفسك-ج8ب]

السلام عليكم بعد اذنك فى استفسار هل من متطلبات العمل فى Full stack انى اكون بكالريوس حاسبات او شئ مثل هذا التخصص من البرمجة ولا ممكن اكون خريج هندسة مدنى و تمام وشكرا جزيلا لحضرتك

[@SamehDeabes]

وعليكم السلام ورحمة الله وبركاته لا مش شرط تكون خريج حاسبات

[@mohanadabojbara8519]

اشتغلت مع مهندس برمجيات عنده ١١ سنة خبرة، كان بيرفض رفض قاطع إنه يراجع الweb server logs لأن ده مش شغله وإنما شغل الDevOps

[@SamehDeabes]

طيب لو فريق الأوبريشنز ما عرفش يطلع حاجة مفيدة من اللوجز مين اللي هايبص عليها؟

[@mohanadabojbara8519]

@@SamehDeabes ده المنطق السليم. لكن الموضوع فيه جانب متعلق بالإحساس بالمسؤولية تجاه المنتج

[@ibrahimsaleh-xq3sn]

انا متخصص for loop بس عارفهم انا الجماعه دول

[@mohamedmohsen6406]

ال average time لتعلم fullstack كام شهر عشان تقدر تقدم علي اول job او intern ان شاء الله بدات اتعلم نود هل دا قرار كويس؟

[@SamehDeabes]

لا مفيش سقف لوقت التعلم، أنت هاتفضل تتعلم طول عمرك. وما أقدرش أقول لك حاجة على الوقت اللي تقدر تشتغل فيه لأنه فيه باب رزق وده من علم الغيب، لكن اللي أقدر أقوله لك: اجتهد وادعي ربنا، وربك كريم. النود كويسة طبعا، بس نصيحتي امسك تراك والتزم بيه لغاية آخره، وأقترح يكون هدفك الأولي فروت إند بس - ما دمت لسه في البداية وعايز تروح نود -

[@mohamedmohsen6406]

تمام شكرا لحضرتك

[@abdulrhmanahmed6734]

اتخصصت ايه يا استاذ محمد

[@mohamedmohsen6406]

@@abdulrhmanahmed6734 عندك offer ولا اي ي استاذ عبدالرحمن

[@abdumajeedaljaeethin2351]

السلام عليكم لوسمحت ياستاذ هل ممكن اتواصل معاك

[@omarsalem3199]

انا في نص تراك backend django هل في فرص اكمل ولا انقل تراك تاني

[@SamehDeabes]

لو بدأت في حاجة كملها

[@hatemabushaala]

💚

[@1stosama]

يعني انا لو شغال فرونت اند سي شارب و باك اند نود يبقى كدة بقى اسمي فول ستاك ؟ لو شغال معايا حد لسة بيتعلم اشغله عادي في الفرونت و الباك ولا اركز معاه في حته واحدة؟ انا سعيد اني شفتك في الفيديو..

[@ahmedebrahimn97]

ربنا يجازيك خير يا هندسه...انا بدأت فعلا اتعلم ال Full stack وبدأت ب c# كويس كده؟

[@SamehDeabes]

هي الc# حلوة طبعا، بس أنا مش عارف أنت باديء منين ورايح فين عشان أقدر أقدم لك نصيحة مناسبة.

[@ahmedebrahimn97]

@@SamehDeabes شكرا لرد ووقت حضرتك ممكن وسيلة تواصل افضل من هنا؟ عموما انا عندي اساسيات قوية ف ال troubleshooting والبحث و و الخ لأني اشتغلت technical support فترة فأحببت اطلع من الدور ده لانه محدود واتعلم برمجة سمعت عن ترند Flutter معجبنيش الموضوع وحسيت أن فيه حلقة مفقودة لما لقيت ناس كتير متعلمه مش شغاله وناس تانيه شغاله كويس وكان الموضوع إن الناس دي محتاجه تتأسس كويس ف البرمجة أساسا وبعدين تقرر هتكمل ف إيه ف احتحت اتأسس ف لغة قوية ولقيت C# قوية ومدعومة من مايكروسوفت ف عاوز مبدأيا ادخل كارير ال full stack developer وفكرة الموبايل يعني مبقتش أساسية زي الاول عندي معرفه سطحية جدا ب HTML a. Css بس دي القصة ...وشكرا لحضرتك ووقتك

[@SamehDeabes]

@@ahmedebrahimn97 الفول ستاك سكة طويلة في البداية، فنصيحتي قد تكون مختلفة عن الفيديو. ركز في حتة واحدة ولما تخلصها روح للحتة التانية. الC# هاتستخدمها في الباكإند مع asp.net core ممكن تشوف المهندس محمد المهدي والمهندس عصام عبد النبي بيشرحوها. ودي سوقها كبير، يعني فيه عرض وطلب كبير فهاتلاقي برضو ناس بتتعلم كتير وناس مش بتشتغل كتير، ودي هاتلاقيها في كل تكنولوجي بالمناسبة، وفي الآخر ده رزق وهو من علم الغيب، فاجتهد وادعي ربنا الكريم. وفيه مسار تاني إنك تبدأ من الفرونت إند، وده برضو كويس، وممكن تشوف المهندس أسامة الزيرو تبدأ معاه

[@ahmedebrahimn97]

@@SamehDeabes جزاك الله خيرا صحيح معاك حق انا مع التباين ده في موضوع الشغل ومعاك في مسألة الرزق أنه بيد ربنا الكريم. معاك حق الموضوع عاوز وقت وانا عامل حسابي عشان انهي التشتت اني اكمل للآخر وال يجيبه ربنا حلو. انا حابب ابدا من الأصعب واه السي شارب لقيت ليها على لينكد ان طلب كويس وغيره... شكرا لكلام حضرتك ال في طياته تشجيع وتحفيز جزاك الله خيرا ارسلت لحضرتك طلبا على لينكد ان.

[@minahany3321]

الباك اند النهارده بقا عليه roles كتيرة من ضمنها devops زي docker و ci cd وان يعرف integrate with cloud وكل داه كبر مهامه اكبر ف بقا عندنا ٣ انواع من الباك اند -باك اند بس ملهوش في حاجة تانية وداه انا لاحبذا الصراحة -باك اند وعارف فرونت اند ويقدر يشيل شغل زي ما حضرتك ذاكرت -واخير باك اند عارف ops و خصوصا cloud وداه بشوف انو جميل جدا جدا

[@osamamahmoud7539]

انا مش متخيل انه حد يشتغل full-stack ده عبث بجد .

[@SamehDeabes]

شاركنا خبرتك عشان نستفيد منك. ليه عبث؟

[@ahmedhaggag8360]

​@@SamehDeabesبشمهندس سامح النوعية دي من التعليقات بتعصب الواحد . ياريت تمسح تعليقاتهم طالما بيتهم وبيبيض بكلامه علي اللي عكس هواه

[@just_A_doctor]

Where are the advices 😂😂 can't see it . Fullstack i am fullstack u fullstack i full stack?!??!? Ok mate we get it u r full dev . Did u know anything about Agile!?!? Useless speech .

[@just_A_doctor]

المصريين للرغي بس . فهمت حاجة يا مرسي ؟!؟!🤔 لا يا باشا ! تمام هذا هو هدف .

[@SamehDeabes]

أنا فعلا ما فهمتش حاجة من تعليقك، يا ريت توضح بعربي كويس أو انجليزي كويس عشان أفهمك.

[@MohamedAliFarag-oz8do]

عيد سعيد يا بشمهندس تقبل الله منا ومنكم صالح الاعمال

[@SamehDeabes]

الله يتقبل منا ومنكم صالح الأعمال