Nu Thianvak Sunna Leh Vuina Programme

Amun: Nu Thianvak Inn, Lanva
Ani: 27th February, 2024
Ahun: 10:30 AM
NU THIANVAK(40yrs) TANCHIN TOMKIM
Nu. Thianvak ahihleh Pa (L) Lemlal leh Nu Phalkim te' gil-a-gah goutan 7(sagih) te laka amasa hiding in 19th October 1984 kum in P. Molding Leimakhong ah apiang hi. Pa Thangzakap toh 2001 in kiteng uhi. Huan ah, apasal toh gil-a-gah goutan tanu 1(khat) Miss. Kimhoihniang leh tapa 1(khat) Mr. Pauhau Guite a nei uhi.
Ta a neih zoh sawtlou in, a it mahmah a pasal in 25th March, 2006 in omlouh san hi.
Amah ahih leh mi taima, pautamlou, mi chitak leh mi khutsiam ahihna ah, ata, anaute leh a innkante ana enkol tou hi.
Kum 2022 in Cancer natna a taksa(Cervix) ah muh in hong om a, huai hong pha deuh mah leh 2023 October kha in hong kipan nawn a, hun sawt kuamtak a thuak man hi. Etkol theih dandan a hospital leh inn ah aki etkol nung in 26th February, 2024 ni in a natna thuak nawnlou ding in Toupa kiang ah a khawl tawldam ta hi. Amah hihtheihna tantan in Saptuam sungah Dorcas hi in, naupang lam hi in, Missions lam hitaleh akizang a, ahun nanung tan dong in leng apang hi. Khalam ading a poimoh ngaih banah, Pathian thu leh laa a lunglut mahmah mi ahi hi.