Рет қаралды 51,684
Қашаған Күржіманұлы - Тойбастар.
--------------------------------------
Той адамның қазынасы,
Жұптанып неке қиылған.
Ақ бұйрығы деген бар,
Құлақ қойсаңдар келіске,
Адам ата жұптанып,
Хауа ананы Исраил, Микаил,
Некесін қиған періште.
Айтамын хабар қиырдан,
Ешкімнен қорқып тиылман.
Расулы пайғамбар,
Хадишаны алғанда,
Ақ некесін қисын деп,
Жәбірейілге Алла бұйырған,
Сол себептен неке қиылған.
Қыз бала сізге айтайын,
Жұрт жинап, қызық той еткен,
Атымтай жомарт салған жол,
Бақыт пен дәулет қонған жол.
Арғымақ аттай сәнденген,
Сөйлесе, сөзін пәмденген.
Тоты да құстай таранып,
Бойыңды түзеп сәнденген,
Өтейін деп те отырсың,
Балдырлы балқаш көлдерден.
Абайласаң айып жоқ,
Дүнияның дүлдүл ісінде,
Ренжімен бағытсыз,
Мақтаман надан кісіңді,
Риза бол анаңа,
Мехнат етіп сақтаған,
Тоғыз ай, он күн ішінде,
Дүнияға сені шығарды,
Перзентті болды, қуанды,
Періште көңіл пәктікпен,
Ақ сүтін сорып, жұбандың,
Талай да бөлдің ұйқысын,
Бесік те жылап, мазалап,
Мәпелеп сені өсірді.
Тәрбиелеп, тазалап,
Және де көңілі шат болды,
Көтеріп алып сүйгенге,
Апыл да тапыл алдында,
Аяқты басып жүргенге,
Шақырып еді ғой балып деп,
Сүйіп те еді ғой жаным деп,
Жылы да шырай күлгенде...