Рет қаралды 581
Երևանի «ԱԿԱԴԵՄԻԱԿԱՆ» ավագ դպրոցը շարունակում է «ՆՎԻՐՅԱԼՆԵՐ» Մարիետտա Մատղաշյանի հեղինակային նախագիծը: Նախագծի երրորդ միջոցառումը, որը ներկայացրեց 11-3 դասարանը Ալլա Մկրտչյանի ղեկավարությամբ, նվիրված է հայ մեծանուն կինոռեժիսոր Յուրի Երզնկյանի, և հայկական կինոյի 100-ամյակին,որոնք ներկայացվեցին Յուրի Երզնկյանի և Լաերտ Վաղարշյանի «Առաջին սիրո երգը» ֆիլմի պատմության միջոցով: Միջոցառման ընթացքում նշվեց նաև հեռուստատեսության աշխատողի օրը:
Հյուրերի թվում էին Յուրի Երզնկյանի դուստրը,պրոֆեսոր, կինոքննադատ Անիտա Երզնկյանը, որդին՝ ռեժիսոր,պրոֆեսոր Ռուբեն Երզնկյանը, կոմպոզիտորներ, ՀՀ ժողովրդական արտիստներ Մարտին Վարդազարյանն ու Երվանդ Երզնկյանը:
Մտահղացման հեղինակ և գեղարվեստական ղեկավար, դպրոցի հիմնադիր տնօրեն Մարիետտա Մատղաշյան
Հեղինակ՝ 11-3-ի դասղեկ, անգլերեն լեզվի ուսուցիչ Ալլա Մկրտչյան
Էկրանային տեսանյութերի, նկարահանման և մոնտաժի ռեժիսոր,դպրոցի հասարակայնության և լրատվամիջոցների հետ կապերի գծով փոխտնօրեն Կարեն Քոչարյան:
Հնչյունային ռեժիսոր՝ Միքայել Մարգարյան
Հնչեց Առնո Բաբաջանյանի երաժծտությունը, գրված Յուրի Երզնկյանի «Հասցեատիրոջ որոնումները» և «Առաջին սիրո երգը» ֆիլմերի համար:
Շնորհակալություն ենք հայտնում Նառա Ղազարյանին, Տարոն Ավետիսյանին, Մարինե Բալումյանին, Արման Սարգսյանին, Աշոտ Ավետիսյանին աջակցության համար:
Օգտագործվել է տեղեկատվություն «Արմենիա» հեռուստաընկերության 2007 թվականի «Մի ֆիլմի պատմություն» հաղորդումից, նվիրված «Առաջին սիրո երգը» ֆիլմին, հատվածներ Կարեն Քոչարյանի «Աստղեր և ճակատագրեր» հեռուստանախագծից, նվիրված Յուրի Երզնկյանին,ինչպես նաը հատվածներ «Առաջին սիրո երգը» ֆիլմից: