НЫСАНДАРДЫҢ ТЕРРОРИЗМГЕ ҚАРСЫ ҚОРҒАНУДЫ ҰЙЫМДАСТЫРУ ТАЛАПТАРЫН ТАНЫСТЫРУ МАҚСАТЫНДА КЕЗДЕСУ ӨТТІ

Өзбекәлі Жәнібеков атындағы Оңтүстік Қазақстан педагогикалық университетінде нысандардың терроризмге қарсы қорғануды ұйымдастыруға қойылатын талаптарды таныстыру мақсатында сала мамандары мен ұжым қызметкерлері және студенттердің кездесуі болды.
Шымкент қаласы әкімінің аппараты құқық қорғау органдарымен және терроризмге қарсы комиссиямен жұмыс жүргізу бөлімінің басшысы Нұрдәулет Әліпбаев жиналғандарға лаңкестік шабуыл кезінде әрбір адамның атқаратын міндеті туралы жіпке тізгендей нақты, әрі түсінікті айтып берді.
Ал, ҰҚК өкілі Вадим Марцинечко мен Мемлекеттік өрт бақылау басқармасы бастығының орынбасары, азаматтық қорғау майоры Әлібек Ысқақов азаматтардың қауіпсіздік ережелері мен осы бағытта атқарылып жатқан жұмыстарына тоқталды.
Мамандар тәжірибесі мен кеңесі жиналғандар үшін пайдалы ақпаратқа толы болды. Төтенше жағдай кезінде азаматтардың саулығын қамтамасыз ету үшін мұндай жиындар енді жиі өткізілмек. Іс-шараны университет Басқарма мүшесі-Стратегиялық даму және әлеуметтік істер жөніндегі проректор Баршагүл Исабек жүргізіп, қорытындылады.