Рет қаралды 40,845
Оңтүстік Қазақстан облысында 12 жасар қызын зорлап келген қаныпезер әке сотталды. Жантүршігерлік бұл оқиға өткен жылы Бәйдібек ауданында болған. Қараша айында мазасызданып қалған жасөспірім қызды мектептегі медбике тексереді. Осы кезде жеткіншек жүктіліктің бесінше айында екені анықталған.
Перзентіне қатысты адам шошырлық сұмдықты ести сала, анасы қызын сұрауға алғанда жеткіншек егіліп, өзін туған әкесі бірнеше рет зорлағанын айтады. Былтырғы маусым айында ішіп алған әкесі бауыр еті тұңғыш қызына білгенін істепті. Сол кезде-ақ жеткіншектің құрсағына бала біткен. Тергеу барысында перзентімен жыныстық қатынаста болған әке бұл ісін мойындамаған. Алайда шаранадан алынған сараптама қорытындысы, сезіктінің расында да әкесі екенін растаған. Осыдан кейін ол қамауға алынды. Сот отырысында әкесінен жәбір көрген жасөспірім мен оның анасы айыпталушыға кешірім берген. Өйткені бұл перзентінен бөлек, отбасыда тағы бес қыз бар екен. Әйелі тағы жетіншісіне жүкті көрінеді. Соларға да асыраушы керек. Алайда, сот туыстарының кешіріміне қарамастан ауыр жаза кесті
МЫРЗАХАН ИСАЕВ, ОҚО ҚЫЛМЫСТЫҚ ІСТЕР ЖӨНІНДЕГІ МАМАНДАНДЫРЫЛҒАН АУДАНАРАЛЫҚ СОТЫНЫҢ СУДЬЯСЫ:
Аталған азаматқа өзінің 12-дегі қызын зорлап, жыныстық қатынасын жасағаны үшін 16 жыл мерзімге бас бостандығынан айырып, жазасын өтеу түзеу колониясының қатаң режимдегі колонияда өтеуге жаза тағайындалып, үкім шығарылды.