Рет қаралды 30,635
Avval xabar berganimdek, Qirg‘izistondagi o‘zbeklar haqida reportaj tayyorlash maqsadida men ushbu mamlakatga tashrif buyurdim. Safarim davomiad Qorasuv shahrini ham borib ko‘rdik. Ushbu shahar O‘sh viloyati Qorasuv tumanining ma’muriy markazi sanalar ekan. Bu yerda ham o‘zbek millatiga mansub minglab insonlar yashaydi
Dastlab biz bu yerdagi tarixiy temir yo‘l vokzalida bo‘ldik. Ma’lumotlarga ko‘ra, temir yo‘l yonida esa rossiya imperiyasi davrida bunyod etilgan suv inshooti qad rostlagan.
Bu yerdagi qorasuv soyning ikki tomoni O‘zbekiston va Qirg‘iziston ekanini bildirishdi. Biz aynan tarixiy ko‘prikni borib ko‘rdik.
Qorasuv shahrida ham chegara o‘tish punkti mavjud bo‘lib, bu yer ham ma’lum sabablarga ko‘ra, yopilgan ekan. Ammo Ahmadjon akaning ma’lum qilishicha, yaqin kunlarda sentyabr oyida ushbu punktning ochilishi kutilmoqda ekan.
Ma’lumki, yaqin tarixda O‘zbekiston va Qirg‘iziston o‘rtasidagi chegarada ulkan muammo mavjud edi. Ammo 2016 yil Shavkat Mirziyoyev prezident etib saylangach chegaralar birma-bir ochila boshlandi. Ikki xalq o‘rtasidagi do‘stlik aloqalari yangi bosqichga chiqdi.
Mahalliy xalq Qorasuv shahridagi chegara punktini ochilishini ham intizorlik bilan kutmoqda deydi suhbatdoshim.
Mahalliy oqsoqollar O‘zbekiston va Qirg‘iziston Respublikalari o‘rtasidagi do‘stlikka ko‘z tegmasin, Prezidentlarimiz omon bo‘lsin deya duolar qilishdi
O‘sh viloyatiga qilgan safarim davomida men Ahmadjon Rahimov bilan ushbu shahar bo‘ylab kezdik. Ahmadjon aka Qorasuvning sobiq hokimi sanaladi. Bugungi kunda bu inson O‘sh viloyatidagi o‘zbek milliy madaniy markazi raisi sifatida faoliyat yuritib kelmoqda. Qo‘shni Respublikalar xususan O‘zbekistondagi tadbirlarda bu inson faol ishtirok etishini bilib oldik.
O‘zbekistondan bu yerga keladigan madaniy delegatsiyalar ham aynan Ahmadjon aka bilan suhbat qurmay ketmas ekan.
Ahmadjon aka bilan biz O‘sh viloyati bo‘ylab safarimizni davom ettirdik. Bu esa boshqa tarix. Keyingi dasturlarimizni kuzatib boring.
Aytgancha videoni ko'proq inson ko'rishi uchun layk tugmasini bosishni va kanalga obuna bo'lishni unutmang!