Şirvani Ədilli - Tək vətən sevgisi bəsdir - şeir - 07.12.2019

Tarixçi alim Dilavər Əzimlinin 60 illik yubileyində Şirvani Ədilli öz çıxışında "Tək vətən sevgisi bəsdir" şeirini deyir - 07.12.2019.
Tək vətən sevgisi bəsdir
Bir vətən sevgisi bəsdir ürəyində
Alasan sonsuz olan bir gücü ondan,
Açasan bir yeni meydan.
Açıla hər sabahın bir yeni istəkdə,
həvəsdə,
Qoyasan dağı dağ üstə.
Uca, əlçatmaz olan zirvələri
fəth edəsən hər əməlinlə,
Aya, ulduzlara da yol açasan,
sən öz əlinlə.
Bir vətən sevgisi bəsdir
Gələsən sən ən ağır dərdə, əziyyətlərə üstün,
Edəsən dünyada mümkünsüzü mümkün.
Bir vətən sevgisi bəsdir ki,
neçə möcüzə də gerçəyə dönsün!
Bir vətən sevgisi bəsdir ürəyində
Sürəsən ümrünü mənalı, gözəlliklə dolu,
Tutasan doğru yönü, tək doğru yolu.
Bir vətən sevgisi bəsdir ki,
o sevginlə ölüm kabusuna güc gələsən,
Çatasan bir əbədi ömrə,
ölümsüzlüyə sən!
O vətən sevgisi bir sevgi ki,
aləmdə ucaldar səni yüksəklərə hər an,
Sən o sevginlə olarsan təmiz insan,
gözəl insan,
böyük insan.
Bir vətən sevgisi bəsdir ürəyində
Olasan Tanrına bəndə,
Edəsən varlığını vicdana təslim,
Çıxasan nəfsinə hakim,
Olasan bir əsl insan, əsl alim!
Bir vətən sevgisi bəsdir
sevəsən sən bütün insanlığı qəlbdən,
olasan məzluma dost, zalıma düşmən,
Edəsən haqqa və insanliğa xidmət,
Qoy vətən sevgisi üstündə də
xoşbəxtliyə çatsın bəşəriyyət!
Qoy bütün dünyanın insanları öz yurdunu sevsin,
Xöş gedər göydə Xudaya.
Çünki, zatən bəşərin düşdüyü min
dərdə, bəlaya
Başqa bir çarə əbəsdir,
Tək vətən sevgisi bəsdir!

[@muradmuradli8115]

Allah səni qorusun əziz qardaşım. Uğurların bol olsun

[@muradmuradli8115]

Əla ugurlar dayi...

[@dumayiboqatey]

Sağ olun,şair.Var oun, vətən oğlu!

[@pozitive.42]

Nə gözəl sözlər. Çox möhtəşəm. O qədər ürəkdən oxudunuz ki, fikri başqa yerdə olan insanın belə diqqətini çəkərsiniz.

[@sevincedilova5975]

Vətənpərvər oğul,eşq olsun sənə

[@anaredilli4893]

Canım atam fəxr edirəm səninlə🖤😊

[@anaredilli4893]

Çox əla ata

[@user-fu2qt8oz4u]

Var ol qardas M. Hwseynli.

[@user-fu2qt8oz4u]

Var ol qardas