Рет қаралды 10,553
Track:- Jis Dil Mein (Andeshe)
Lyrics:- Andeshe by Mahirul Qadri
Artist:- Qari Usama Anandi
Audio:- Huzaifa sidat & @mqdstudio
Video:- Huzaifa sidat
jis dil meñ ḳhudā kā ḳhauf rahe
bātil se hirāsāñ kyā hogā
jo maut ko ḳhud labbaik kahe
wo haq se gurezāñ kyā hogā
arbāb-e-aqidat se ye kaho
shikve na kareñ kuchh kaam kare
jo zulm-o-sitam par itrā.e
shikvoñ se pashemāñ kyā hogā
muddat se kashākash jaarī hai
sayyād meñ aur gul-chīnoñ meñ
tanzīm-e-gulistāñ hone tak
anjām-e-gulistāñ kyā hogā
jis chot se dil meñ halchal hai
aahoñ meñ vo zāhir kyā hogī
siine meñ jo mahshar barpā hai
ashkoñ se numāyāñ kyā hogā
jis kashtī kī patvāroñ ko ḳhud
mallāhoñ ne toḌā ho
us kashtī ke gum khwaro ko phir
shikva-e-tūfāñ kyā hogā
jo log havā ke sāthī haiñ
Wo apne ḳhudā ke bāġhī haiñ
is jurm-e-baġhāvat se baḌh kar
īmān kā nuqsāñ kyā hogā
jalvat ho ki ḳhalvat ho 'tahir'
dil khoyā khoyā rahtā hai
is ġham kī talāfī kab hogī
is dard kā darmāñ kyā hogā