ოკუპირებულ აფხაზეთში ავტოსაგზაო შემთხვევების დროს გახშირებული სიკვდილიანობა

ავტოსაგზაო გზებზე არსებული ვითარების გამო აფხაზეთის ე.წ. შინაგან საქმეთა სამინისტროს ავტოინსპექციის უფროსი ვალენტინ ტრაპშიც გადააყენეს. აღნიშნულ პრობლემებზე დეფაქტო პარლამენტში მსჯელობისას ე.წ შინაგან საქმეთა მინისტრმა რობერტ კიუტმა გზებზე არსებულ სიტუაციას კრიტიკული , ხოლო მათზე კონტროლს-სუსტი უწოდა. ე.წ. მინისტრმა დეფაქტო საკანონმდებლო ორგანოში არაფხიზელ მდგომარეობაში მანქანის მართვისთვის გამკაცრებული ზომების აუცილებლობაზე იასაუბრა, მათ შორის ჯარიმების გაზრდა, ასევე, მძღოლების ვინაობის გასაჯაროვება. 8 ივლისს კი, ე.წ. შინაგან საქმეთა მინისტრ რობერტ კიუტის უშუალო ხელმძღვანელობით აფხაზეთის ე.წ. ავტოინსპექციის მუშაკებმა გაძლიერებული რეიდებიც ჩაატარეს ავტოსაგზაო წესების დამრღვევთა გამოსავლენად და ე.წ. კანონდამრღვევებიც გამოავლინეს. საავტომობილო გზებზე არსებული ვითარების სხვადასხვა სახელისუფლებო დონეზე განხილვებს ჟურნალისტი იზიდა ჭანიაც ეხმაურება. ,,არავითარი სტატისტიკა, მომხდარის არავითარი გააზრება, არავითარი გრძელვადიანი სტრატეგიის ან მოკლევადიანი გეგმების შემუშავება,-წერს ჟურნალისტი შექნილ ვითარებასთან დაკავშირებით.