Рет қаралды 209,263
«Жол қозғалысы туралы» заңға енгізілген өзгерістер 15 шілде, яғни алдағы сенбіде күшіне енеді. Көлік жүргізушілері білуі тиіс жаңа ережелер қандай?
Жұрағат Баман, тілші:
Жол қозғалысы мәселелері бойынша Қазақстанның кей заңнамалық актілеріне өзгерістер мен толықтырулар енгізу туралы заңға Елбасы Нұрсұлтан Назарбаев 3 шілдеде қол қойған еді. Барлығы заңға 55 түзету енгізілді.
Бәрін тізіп үлгермейтіндіктен, бірқатарына ғана тоқталсақ. Жол-патрульдік полиция қызметкерлерінің жауапкершілігі артты. Енді олар көлікті тоқтатқанда, бірден қасыңызға келіп, өзін-өзі таныстырып, құжатын көрсетіп, тоқтату себебін айтуы керек. Ал құқық бұзушылық арнайы бейнежазба құралына жазылса, не радар секілді техника пайдаланылса, полиция қызметкері оның деректерін жүргізушіге әкеліп көрсетуі тиіс.
Айтпақшы, енді инспектордың рұқсатынсыз көліктен шыға беруге болады. Өз еркіңіз. Сондай-ақ «құқық қорғаушының әрекетін видеоға түсіремін» десеңіз, ол да рұқсат.
Полицейлер қызметтерін асыра пайдаланбауы және жолаушыны тектен-текке тоқтата бермесі үшін де кодекстегі нормаға өзгеріс енгізілді. Яғни, енді құқық қорғаушылар мен арнайы органдардың рейдттік тексерістерінің ортақ атаулары мен тізімі жасалмақ. Демек, инспекторлар бостан босқа көшеде тұрмайды.