مشروع حلويات ناجح🇩🇿 مقروض الكوشة بريستيج بكامل أسراره/مقادير مضبوطة ل70حبة بالكيل والغرام

#مقروض_الكوشة_مشروع_حلويات_الاعراس
---إدعموا قناتي ب؛:
J'aime. 👍👍👍👍
Partage. 💌💌💌
Abonner. ✍️✍️✍️✍️
-تشاهدون أيضا في قناتي 👇👇
ـمشروع حلويات ناجح👌👌تحبي تخدمي البلاطو الكبير مقروض الكوشة للمناسبات هذا الفيديو يخصك بكل التفاصيل
• مشروع حلويات ناجح👌👌تحب...
ـروتين تحفيزي ⁦👩‍🍳⁩طلبية 5كيلو مقروض الكوشة شحال هزتلي مقادير ...
• روتين تحفيزي ⁦👩‍🍳⁩طلبي...
ـنكملوا الجزء الثاني من الروتين⁦🇩🇿⁩الطريقة الصحيحة اللي نخدم بيها حشو مقروض الكوشة ونقاش التمر
• نكملوا الجزء الثاني من...
🇩🇿🇩🇿🇩🇿🇩🇿🇩🇿🇩🇿🇩🇿
-المكونات:
-( المقاديراللي في الفيديو تخرج 70 حبة ):
-العجينة: وزن العجينة 35 غ ؛: تجي الحبة متوسطة ما كبيرة وما صغيرة ؛:
الكيل كيلت بالعلبة نتاع زبدة وزن 500 غ :؛
-ثلاث كيلات سميد مولا متوسط سبيسيال تاع المقروض مايعادل( 01 كلغ ونصف سميد).
-كيلة سمن ذايب وبارد والكيلة تكون فايضة بالزيت مايعادل( 500 كلغ سمن أي نوعية موالفين تخدمو بيها (مدينة ولا المرجان).
-ملعقة كبيرة ملح.(الملح عينك ميزانك )
-ملعقة كبيرة فانيليا.
ـ ملعقة كبيرة سكر عادي اختيارية يمكن الإستغناء عليها
ـ كل كيلة سميد ضفتلها ملعقة كبيرة فرينة .
-قطرات من عطر ماء الزهر. إذا توفر واذا ماكانش عادي تخدموا بماء الزهر السائل برك .
-كيلة غير ربع ماء وماء الزهر لجمع العجينة .
⁦🇩🇿⁩⁦🇩🇿⁩⁦🇩🇿⁩⁦🇩🇿⁩⁦🇩🇿⁩⁦🇩🇿⁩⁦🇩🇿⁩
-الحشو:
( كل 500غ غرس صافي ومخدوم يخرج 35 حبة ووزن كل حبة 16غ )
(ومن الأحسن أنوا يكون الغرس نتاعكم أ.و تمر نوعية مليحة باش يكون الذوق مليح خاصة لأصحاب المشاريع والطلبيات)
-غرس منقي ومرحي (في هدي الكمية درتلكم 500غ غرس شحال يخرج بوزن 16غ ).
-ملعقة كبيرة قرفة مرحية.
-ملعقة صغيرة طيب مرحي .
-فنجال ماء الزهر.
ـجلجلان أبيض محمص ومرحي . اختياري
-حوالي 50غ سمن (لازم الحشو يكون طرية).
⁦🇩🇿⁩⁦🇩🇿⁩⁦🇩🇿⁩⁦🇩🇿⁩⁦🇩🇿⁩⁦🇩🇿⁩
ـالتزيين:
-عسل حسب الكمية اللي راح تعسلوها (مقروض الكوشة يتعسل يوم ااتقديم ولا نهار قبل )
- انا درت كيلو عسل المرجان معاه فنجال ماء الزهر المهم العسل يتخفف شوي بماء الزهر.
-لازم المقروض بارد والعسل ساخن شوي باش يشرب.
- مكسرات حسب الرغبة نتاع الزبون وهكا راح يختلف السعر بين حلواجية وحلواجية .
-انا شريت 10 لاف من كل نوع من مكسرات( جوز وبيستاش وكاجو ولوز أبيض دارولي 30 حبة )
-سوريز كونفي علبة صغيرة .
-دونتال وليكيسات والعلب أكيد .

[@oummarya9915]

اختي حبيت نقولك بلي تقدري تمحريه في البيترا خاصة إذا خدمتي كمية كبيرة والله رمشة عين يتمحر بk...راهو المحير يطيح الكتاف ههههه بالتوفيق

[@hoda1827]

جربتها اختي والله ماشي ڨاع عملية البيتزا تخدم بزاااف في باطل

[@yassmineandalaa5217]

الله يجزاك كل خير على المعلومة

[@djenalatifa1197]

ممتازة بنيتي جربي 2كيلات مولا متوسط مع 1كيلة فرينة و تسأليني بدعوة الخير يجيك ممتاز و كلامي نتاع خبرة عمر

[@NoriaBentabet]

ربي ايبارك فيك😊

[@Oumabdrahim02]

كملي خيرك وكتبي الوصفة وطريقة التحضير وكمية ليدام

[@djenalatifa1197]

@@Oumabdrahim02 نفس الوصفة تقريبا، 2كيلات سميد متوسط مولا، 1كيلة فرينة،1كيلة سمن، ملح بلي بالماء و ماء الزهر و خليه يرتاح ساعات و اخدميه. موفقة

[@anouarrahab1748]

انا وراسك فهميني واش هو الفرق بين كي ديري ثلااث كيلات سميد وزوج كيلات سميد وكيلة فرينة جاوبيني تعيشي انا مبتداة وخايفة منو يجيني معجن

[@wissemch5773]

دقتو هكدا معجبنيش يجي رطب بزااف انا نحب السميد ك يجي باين

[@LouayAlaa-vy6ob]

تعيشي جاوبيني انا كي طيبتو راحتلي هديك الثقبة لي في النص واش ندير

[@TamTouma]

سلام لبنات انا نخدم شخشوخة وحلويات ومملحات ونبيع عندي حاجة في قلبي حابة نحققها شوفوني نستاهل والا لا 🥺 بلييز ديرولي 👍 للقنا تاعي حابة نطلعها فيها خدمتي ياختي اذا جاتك ثقيلة فوتي نورمال راكي مسامحة 🥺

[@oummarya9915]

يعطيك الصحة خدمتك كامل متحوفة وباين عندك ذوق في الحلويات من خلال الوصفات لي تختاريهم...حبيت برك نعلق على كمية الملح للاخوات لي مايقدروش يديرو بالعين..الملح لكل علبة مرغرين معمرة وممسوحة من الدقيق ديري ملعقة قهوة موش ملعقة ديسار..تاع الملح تكون معتدلة الامتلاء يعني ماهي بومبي ماهي ممسوحة..راح يخرج مضبوط في الملوحة.وشكرا ليك اختي وربي يوفقك.

[@ايوبجطو]

يعطيك الصحة على الوصفة عندي سؤال اذا كان الحشو كاوكاو نثقب المقروط بنفس الطريقة

[@fatimed8824]

لي تحب كمية الملح للمقرود هي كل كيلو سميد ديرو مغرف صغيرة معمرة بالقبة والمغرف ماشي الصغيرة تاع التاي لا ديرو المغرف لي نحركو بيها الحليب يجيكم قدقد

[@keltoumabouaissi8559]

M

[@SomiaSeddiki]

ةش ةة ييل سبب ة ييل ةسةطة ييل كك ييل كم شي كم ييل كم شي كم

[@رحماكربي-ر1ح]

بزاف

[@tayebmekkid3652]

​@@رحماكربي-ر1حصباح الخير اختي الكريمة صح بزاف شفت تانيك قناة سمية الجزائرية المقيمة بالفرنسا بلاك تعرفيها قناتها مكتوبة بالفرنسية دير بزاف الملح قالت السميد يحب الملح انا متعودة ندير قرصة برك بصح هذو اليمات اكتشفت بلي يديرو الملح بزاف إذا جربتيه قوليلي كفاش جاك من نحية الملح وشكرا جزيلا على ردك المحترم سلام

[@adamAdam-mx8pw]

​@@tayebmekkid3652❤

[@اموائل-خ9ط]

تعيشي شحال نبيع للحبة بليز جاوبيني

[@مريممريمبنتابوها-ك1ك]

يا اختي ديري لنا عرايش مقادير مضبوطه وكيليلي بالباطه تاع الزبده

[@marwanono5145]

كنت نستنى في هذي الوصفة لأن عندي فيك ثقة كبيرة،شكرا على مصداقيتك

[@redhouane.2147]

سلام..اختي..والله.يعطيك.صحة.وخاصة.على.كتابة.المقادير والشرح..

[@khaledboazza779]

نجحتلي العجينة ولكن تمر جاني قاسي بزاف ماهو سبب من فضلك

[@tatlikisa8252]

ممكن جا ناقص ماء زهر وسمن كي عجنتيه

[@fifififi7030]

يا أختي الكريمة إذا كان سعر الغرس يلحق حتى 18ألف علاش ماتشريش غرس الغزلان رووووعة غرس طري وبدون نواة ونشريه 16ألف بعدما كان 15ألف ..

[@fatimaberr6621]

نقدر نقيس بالباطة تاع المارغارين تاع 250 غرام

[@omchyma2414]

سلام اختي عيشك كداه سقملك صوالحو ارجو رد شكراااااااا

[@KourdaniWidad]

ممكن تقوليلي بالشحال الكيلو حبيت نبدا كامشروع ومانعرفش البري

[@Oom_Tasnim_Gateaux]

حبيبتي لازم تشري سلعتك وتقيمي خدمتك احسن واحسن وحتى اذا غلطي في اول كوموند عادي هكا باش تعرفي انت الاسعار الخاصة بيك انت مش أسعار حلواجيات اخرى قادر انت طيحي في الخسارة اذا ماعرفتيش تحسبي سعر الحبة

[@Marydow-t2r]

ما شاء الله تبارك الرحمن يعطيك الصحة و العافية يارب تسلم الايادي

[@khaoulalola5534]

مقروط الكوشة تاعنا نديرو في العسل وهو سخون نعاودو نديكوريوه نزيدولو العسل ونديرولو الديكور وزيد كي نحطوه ف الكيسات نزيدو قطرات هادا الا تاع لاصال ولا مناسبة والا كان ف الدار نحطو الصحن ولا بوكال العسل لي يحب يزيد الوسط خاصة العاصمة والبليدة ومقروط البليدي غني عن التعريف

[@asmahamza4715]

درت السمن ومشربليش السميد كفاه نديرلو كاش حل

[@loujysousou5664]

حبيبتي لي محبتش يتشقلها بزاف تنقس الغرس على خاطر الغرس هو لي خلي الحبة تتنفخ وتتشقق

[@Oom_Tasnim_Gateaux]

ايه اختي تقدري تنقصي الغرس ولكن لازم تنقصي حتى كمية العجين لأنو 35غ راهي كمية لاباس بيها نتاع سميد تحب تكون محشية مليح

[@soudjoudsoudjoud2260]

الطابع شعال القطر تاعو ؟؟؟

[@amiragr8493]

يتباع الطوابع كامل كيف كيف

[@mariamari4871]

درت الوصفه تاعك خرجلي رووووووعة يسلمووو دياتك حبيبتي ربي يحفظك 😘😘😋😋😋

[@nadjiakhelifa6672]

هذيك الشاشية إلي تجي فوق كل حبة تمر وهي علي شكل قبّعة تسمى (القطمير ) وهي مذكورة في القرأن الكريم أما نواة التمر فتسمي ( العلفة ) والمجموع يسمي ( علف التمر ) لأني أنا شخصيا من أهل الجنوب الجزائري والمعروف أن الجنوب الجزائري زراعته الأساسية هو النخيل . تحياتي لكم جميعا والسلام عليكم ورحمة الله وبركاته.

[@rosadjabri2601]

التمر حطيه في جفنة و ديريلو الزيت انتي تعجني و العظم يتنحا وحدو يا اختي

[@mennimarwa6313]

درتو جاء هاايل ما شاء الله ❤يذوب في الفم ولا اروع😋😋😋

[@كوكوشكولة]

جربتو جاني روعة اول مرة نديرو وبكمية كبيرة

[@SaraSara-lk4bn]

خليتيه باش باش طيبتيه ولا طيبتيه في نهارو مع علم انا خليتو باش باش خدمتو

[@fadwaachour1108]

ياو تهدر بزاف

[@queenimene3632]

من فضلك أم تسنيم أنا بائعة حلويات وهادا النوع مزال مخدمتهش وحبيت نعرف شعال ثمن البيع

[@تعليمتفصيلخياطةمنصفرامغالية]

الله يبارك على بنت بلادي الف تحية راكي تمدي من قلبك راكي توب ربي يقدرك حنونة تستاهلي الف جام حبيبتي ❤❤❤❤❤❤❤❤❤❤

[@messaouda6472]

يعطيك الصحة تسلم الايادي تعيشي وريلنا الرحاية نتاعك تاع التمر

[@hhd289]

الله يعطيك فرحه متتنساش راني درتو اليوم وبغيت نعرف شحال لازم عسل باه نعسل 74حبه الله يعطيك حجه لبيت الله جاوبيني ام تسنيم

[@Oom_Tasnim_Gateaux]

@@hhd289 نورمالمو كيلو ونص يكفيوك اختي وبزيادة ولكن خليهم يطولو شوي في العسل باش يتشربوا للقلب

[@hhd289]

@@Oom_Tasnim_Gateaux الله يحفظك

[@albakhemis7236]

اختي ام تنسيم ممكن ندير المرغرين عوض السمن شكرا

[@أمعبدالمعزّ-ض4ي]

الأخت تعيشي صوريلنا الرحيوة تع الغرس ربي يجازيك فضلا 🌹

[@sarahjiji6624]

نفسها تاع اللحم

[@زينةزينة-ج1ش]

احتي رني نجرب كامل حلوياتك للخطبة اختي سؤل الله يفرحك مقروط معليش نديرو بزبدة ؟

[@Oom_Tasnim_Gateaux]

هيا الوصفة الأصلية بالسمن أختي وأكيد تقدري بالزبدة بصح اكيد الذوق راح يختلف على كي تخدمي بالسمن

[@mimikadi3462]

مشكورة على التوضيح يعطيك الصحة ❤❤❤❤❤

[@KouriAbdallah-i3j]

التمر جاني يابس ماعرفتش علاه هل من الكوشة ولا واش وتبعت كل الخطوات

[@ishakmhamdi8655]

ديريلو شوية سمن

[@omraouf2043]

اهلا وسهلا ❤❤❤❤❤

[@mihapastry7258]

علاه منخدميش كوكاو ولا لوز ديرو غير تمر أنا متابعتك

[@Oom_Tasnim_Gateaux]

هكا اختي حنا مقروض الكوشة نخدموه غير بالغرس ولا تمر جامي درناه لوز ولا كاوكاو

[@ayoubmegnouche3744]

يعطيك الصحة اختي على هذه الوصفات الرائعة ماتنسيناش في الفواكه وشكرا

[@malikm8400]

نقدر انديرو في المجد

[@ibtihelibtihel8984]

نديرو بنفس الطريقة و يجيني يهبل ❤️...غير جربو هاذ الوصفة راني معتدمتها منذ سنوات...برك ملاحظة انا ما يتققليش و بعد سنوات من الخبرة تأكدت بلي كان يتشقق خاطر ناقص ماء

[@زهورالريحان-ن3ه]

ختي تبته وهل تعسله وهو ساخن وش من سميد تستعملي لمين تع العجين ولا تع الطمينة

[@sarraneige3342]

نحس كي يتشقق يجي شباب و معنتها خفيف و مش حرش

[@ibtihelibtihel8984]

@@زهورالريحان-ن3ه السميد المستعمل تاع الطمينة..و المقروط كي طيبيه و يبرد خبيه في بورت مونجي مغلوقة و كي تسحقي اجبدي الكمية لي تسحقيها و عسليها بعسل ساخن و زيدلو قطرات ماء الزهر و بصحتك

[@ibtihelibtihel8984]

@@sarraneige3342 لالا ختي يخسر شكلو كي يتشقق و زيد انا ما يتشققليش و يجي مرمل و خفيف يهبل و أصلا هاذ المقروط بالذات نثقبو في النص بالكيردون باه يتنفس و يتشقق كي يكون ناقص ماء انا ندير ثلاث كيلات سميد و كيلة سمن و نلايمو بكيلة ماء

[@sarraneige3342]

@@ibtihelibtihel8984 شكرا اختي

[@Købrå-f1g]

ختي تعيشي اعطيني سعر البقلاوة لبيع محلات الحلويات ومقروض بريستيج انا ندير كموند نبيعلهم البقلاوة50والمقروض 40دج الدينار بالسعر

[@TamimMiral]

ماشي، رخيس بزاف المقروط 40 د؟ يعني حق المقاطير برك جوز ولوز وكاجو تع تزيين يستقامو شوية

[@Haizia337]

طريقة الشرح رائعة يعطيك الصحة ❤

[@fatimaboukhalkhal7223]

سلام اختي معليش ندير زبدة تاع صول ربي يسترك و70حبة لكان وزنتها شحال خرجتلك 2كيلوا اوكيلوا ورطل جوبني الله يحفظك ومكسرات شحال شرتي عشرالف من كلشي من مكسرات

[@الواثقةبالله-ض2ف]

درتو مرة في 2017 بصح جاني يابس مالقري طبقت الوصفة كيما شفتها مافهمتش علاش ....بصح راكي عطيتيني التحفيز باش نعاودو .... المهم جاك يهبل

[@ahlemfarahamake-up1515]

يعطيك الصحة 👌🏻 مقروض وعليه لكلام

[@nassibakhiti4620]

ادخلي لقناة كوني بخير

[@ihebihrb7506]

تعجبيني شرحك مفصل وواضح ..راح نجرب كل وصفاتك تحياتي ❤ اختك من غرب البلاد

[@fouziaaibech4089]

يعطيك الصحة اختي نقدرو نطيبوه في المقلاة ؟؟؟

[@Soltanadz661]

شكلو جا تحفة يعطيك الصحة حبيبتي

[@zanzibarzanzibar8722]

ماشآءالله 🇩🇿🇩🇿

[@mounamouna8182]

الله يبارك. جا يشهي يعطيك صحة

[@mounamouna8182]

ام تسنيم من فضلك جاوبيني بديت في مشروع بصح معرفتش شاحال نحسب للحبة لكان درتيه طلبية شحال تحسبيه

[@zinebhachemaoui4701]

الغرس تاع التمر انا نشري تمر حميرة نغسلوا ونديره في باسينة نصب عليه ماء سخون ونخليه 10دقائق نقيه من علفة نفوره في كسكاس ونفوته في رحاية تاع شوربة من بعد نزيدلوا ملعقة صغيرة زبدة وزوج ملاعق زيت شوية قرفة مطحونة وجلجلان حب ومحمص ونزيد شوي ماء الزهر ونعجنه حتى يطرى ونخدم بيه يجي طري وبنين ❤ يعطيك الصحة على الوصفة يشهي

[@نصيرةزينة]

❤❤

[@Nourel_imane.]

ولبنة يجي شباب اختي❤❤❤

[@ajalajal9652]

١ذذ❤❤​@@نصيرةزينة

[@nacimaoppo5459]

5

[@user-ub6zm7bc3c]

😮😮😮😮😮😮😮😮😮😮​@@نصيرةزينة

[@AmineAmine-ol1ey]

اللهم صل و سلم و بارك على سيدنا و حبيبنا و نبينا و رسولنا و شفيعنا محمد و على اله و صحبه اجمعين

[@BouzidiAttatba]

شكرا جزيلا على هذه الوصفه شكرا جزيلا على هذه الوصفه❤❤❤❤❤❤❤❤❤❤

[@souhilakermezli1372]

يعطيك الصحة يشهي بصح عسلتيه في شربات؟

[@Oom_Tasnim_Gateaux]

لالا اختي راني درت عسل المرجان خفففتو بشوي ماء زهر برك

[@جنةالفردوس-ن8ه]

دعوة في الله لكل وحدة تحوس على تطوير ذاتها تشوف قناة كوني بخير مع الكوتش حكيمة

[@asmabaamer8460]

يعطيك الصحة على الوصفة من فضلك اعطيلنا وصفات بهاد الطابع ومشكورة مسبقا

[@rihabboua4503]

يعطيك الصحة حنونة تعيشو اخواتي مستعجلة عندي السمن صول نحبو بزاف يصلح نخدم بيه ؟ لازم نديرو اليوم تعيشو جاوبوني لي عندها فكرة

[@romayssaromayssa9644]

الكيلة تاع الماء لازم نقسمها على 3 يعني الكمية تاع العجينة نقسمها على 3 ونطمها بالماء ولا كيفاش مفهمتش حابة نديرو اليوم ارجو الرد في اقرب وقت وشكرا

[@NabilaNabila-e9t]

تعيشي ختي جاوبيني نقدر نطيبو في فور تع التريسيتي عادي؟ والسؤال الثاني كي نوجد الحبات ونخليه يزيد يبات فالبلاطو عادي نغطيه بساشي ولا نخليه هكاك؟ ومن فضلك كميه الملح بالضبط مثلا في كيله تع 500غ ندير مغرف لي نحركو بيها الحليب ماشي الصغيره نورمال تجي مليحه هك؟

[@nonananou691]

ختي لعزيزة تخدمي للعراس اعكيني رقم الهاتف اوالمكان من فضلك مهتمة

[@shrokaboshady6176]

الله عليكى وعلى كل وصفاتك ام تسنيم .....اللهم زد وبارك ....مصر

[@adjerzouina8654]

جربتوا جاني يهبل يعطيك الصحة نسقسيك شحال نبيعها الحبة ولا شحال للكيلو ؟؟؟

[@MechriHakima]

يعطيك الصحة ام تسنيم وصفاتك نجربهم وعينبا مغمضين❤❤❤❤

[@aminaamina-wg8yi]

3كيلات سميد متوسط كيلو ونص +ملح+فانيلا + 3ملاعق فرينة + كيلة سمن باردفايضة بالزيت ونبسسو نخلي العجينة تبات العشو نقيه ونديرو في الرحاية تاع الغرس 2ملاعق صغار قرفة مع ماء زهر بالشوي وملعة تاع زبدة وندلكه مليه 500 غ تخرجلي 33 حبة وزن 16 غ نحكم العجينة نشمخ بالماء والماء الزهر يدي كامل كيلة غير ربع ماء نقسم العجينة على 4ونبدى نكور كل جزء يدير 19حبة وزن 35غ نحط الطابع في الزين وندخل الحبة ونطبعها فوق البابي طهي نطيبوه 180 دجة كي يتحمر نخرجوه واليوم لي تحتاجوه يتعسل يبقى برك في العرس حتى ربع ساعة ودير وليكيسات وبالصحة

[@roufiaroufia9132]

خصني اسم لمركة سميد مليح ماما مالقيتهش قولولي تعيشو للمقروط هادا

[@maroindridi]

الله يحفظك ربي يسعدك ويوفقك ويرزقك كل ما تتمناي وصفة روعة ما شاء الله درتو وجاني روووووووعه روووووووعه الله يبارك

[@زهورالريحان-ن3ه]

هدا سميد تع لعجين ولا تع الطمينة العاصمية

[@raidsamsoumi]

درت نفس الطريقه وحاني يتفتت غير نشد في يدي يتفتت واش ندير باش نكمل العجينه

[@medlesnasolove5739]

راهو ماشاء الله أما السعر قولي انت بتقريب كيفاه تقيمي انت خدمتك وسعرك اذا كاين اختلاف ميكونش فرق بزاف تقريب نفس أسعار

[@حلوياتسهلة-د6ر]

ما شاء الله ام تسنيم عندي تقة فيها كبيرة احسن وصفات مجربة وناجة ربي يوفق

[@rouagkatarellenada]

واش هوا الغلوكوز قولولي

[@امشهد-ل7ص]

جربت لغروبية السمرى جات تهبل يعطيك الصحة شكرا على المصداقية ربي يوفقك

[@neffousabdellah3994]

بالتوفيق لكي اختى شكرا 💕 💕 💕 💕 💕 من فظلك ممكن نستبدل السمن بالدهان ممن نقليه ممكن رد حببتي

[@amounaamouna7795]

حبيبتي ديرينا مقروط المقلة بالتفصيل الممل 😘🥳

[@zinebzineb3842]

مولا الاحمر مايجيش ؟؟؟

[@امجود_جوري]

يعطيك الصحة والله شهتيني فيه حلوياتك ولا اروع

[@غفرانقطوسةقلبي]

السلام عليكم. نقدر نصنعو ونطيبو بعد 20يوم نعسلو جاوبوني من فضلكم؟

[@oumrlitaj4294]

يعطيك ألف ألف ألف ألف الصحة والعافية ربي يحفظك ويحميك ويخليلك ويوفقلك ويجزيك كل خير وكل وصفاتك في القمة والمزايد من التألق والإبداع انشالله

[@bara2a132]

قناتك هبااااااااال ووصفاتك روعة مزية لي حكايتي اعلام منذ قليل شفت وحدة دايرة الكعيكعات الجزائرية نفس الوصفة نتاعنا وكاتبة وصفة الكعيكعات المغربية🇩🇿🇩🇿🇩🇿💪

[@assia5176]

نقدر نديرو في الفريقو ؟؟

[@aichaaicha2404]

يعطيك صحة ممم روعة روعة روعة ماشاء الله تبارك رحمٰن عليك ربي يحفظك شكرا شاف أبدعتي يامبدعة واصلي كيما راكي يالغالية ربي قدرك إن شاء الله👍👍👍💐💐💐🌹🌹🌹

[@saidakemassi7778]

شكرا لك حبيت نخدمو و نحتفظ بيه اذا وضعتو في المجمد لمدة شهر ما يسرالو والو

[@fifibelle8473]

عليه أفضل الصلاة والسلام يعطيك الصحة حبيبتي دائمآ متالقة بالتوفيق ان شاء الله

[@همساتندى-ط8ي]

يعطيك الصحة هذي طلبية ولا درتيهم لدار

[@امندىندى-ع1ف]

مشاء الله يعطيك صحا روعة ممكن تحطينا سعر البيع من فضلك

[@امعمادامعمادالدين]

اختي نقدر نقليه

[@norrayane6023]

احسن حاجة انك استعملتي باطة المارغرين 😂 شكرا على الوصفة

[@Oom_Tasnim_Gateaux]

هههه شفتي هكا الكيل يتوفر عندكم كامل وحدة ما يتبحرلها الكيل

[@norrayane6023]

@@Oom_Tasnim_Gateaux انا هاذا هو المكيال المعتمد عندي شكرا على وصفاتك الرائعة

[@بسمةأمل-ق3ص4ش]

دايما في القمة ماشاء الله تبارك الله

[@sisinassima3454]

سلام ختي شكرا على مجهوداتك تعيشي درينا لفاكية بصح بمقادير صغيرة وشرح مفصل للمبتدئات

[@fatimabenhaddou69]

يعطيك الصحة راح نديرو أن شاء الله لبنتي للباك دعولها بلنجاح من فضلكم

[@NissBelle]

ربي ينجحها ويفرحك بها

[@ayadisamah7372]

يعطيك الصحة بعثتلك تطبيقي في الانستغرام

[@ilyasgti1841]

يعطيك الصحة ختي جاك تحفة نسقسيك شعال نحسوه بالمكسرات من الفوق 😊

[@najou-ut9mb]

اختي ربي خليك لازم نخليه يرتاح ليلا كاملا قبل ما نطيبو ولا عادي 4 سوايع ولا ونطيبو

[@Oom_Tasnim_Gateaux]

خليه من 4حتى ل5 ساعات اذا ما عندكش الوقت خلاص ..

[@hecate383]

الزينة ندير الزبدة إذا امكن راني درتو و بالزبدة و جا يهبل الله يبارك و معسل و بالطبع يعطيك الصحة

[@nadiamohamedcherif2849]

نعم بالزبدة يجي مليح، اختي ادخلي لقناة شهيوات الباتنية لقيت فيها وصفات هايلين واقتصاديين عن تجربة اضربي طلة تستاهل صح ✅اكيد راح تعجبك 😍♥

[@gateauxnasso1672]

دايما نعتمد على وصفاتك كل هايلين ربي يوفقك ان شاء الله

[@maninasoumia7298]

مشاء الله عليك حلوة تدخلي فالقلب ديركت

[@assiakassa8412]

اول وحدة كنت نستنى فيه واخيرا

[@princesse2355]

3lah tchity🎉😢

[@loubna8861]

روعة مشاء الله