#Ордалыжылан

Я##МАСҚАРА# #
Таңертең телефонның дыбысы ұйқымнан оятты.
-Жазирааааа, бізді жыландардан құтқаршы. Өтінемін. АТК-да оқитын ұлымның аяғын тістеп алды. 10 жастағы баламның талмасы ұстап, сонымен жанталасып жатқанда аяғына тағы біреуі оралып, мен ұрып өлтірдім. Біздің үйді ордалы жыландар қаптап кетті, келіңізші, -аңырап жылаған Гүлмира Дүралиева .
Оның айтуынша баспанасында жыланның іні бар. Осы үйге балаларымен көшіп келген жылы тоңазытқыштың арт жағында сұр құйрықты кесіртке екен деп, бала-шағасымен улап-шулап жүріп, әлгіні ұрып өлтіреді.
Сол күннен бастап бауырымен жорғалаушылар бұл үйдегілердің үрейін ұшырып, ұйқыдан айырылған.
5 жылдан бері Гүлмира үш баласымен бауырымен жорғалаушылардың тұтқынына айналғанын айтады.
Әйелдің басқа баратын жері жоқ.
Алматы облысының Іле ауданының тұрғыны 5 жылға жуық сол баспанада тұрады. Үш баласымен үйсіз-күйсіз , балдақпен әупірімдеп жүрген әйелге жаны ашыған бір депутат қонысын уақытша , тегін паналауға рұқсат берген. Енді сол жерден жыландар шықты. Әкімдік мамандарды әкеліп, у сепкен екен. Алайды түк нәтижесіз.
Балаларым басқа пәтерге көшеміз деп жатыр. Екі жылан жүр үйде. Бүгін біреуін тағы өлтіріп қойдым. Қорқып отырмын. Студент балам группаластарымен үй іздейміз деп, бірақ ақысын қалай төлеймін? дейді Гүлмира.
Баяғыда атам мен апамның топталып жүретін жыландар жайлы әңгімесі есімде. Бірақ аңыз деп ойлаушы едім.
Бала кезде біздің үйден дәу сұр жыланды жиі көрдік. Анам бізді қорықпаңдар деп ескертіп, жыланның басына ұн себетін. Сосын әлгі қайтып кетеді. Қайда кетеді, қайдан шығады, ол жағы есімде жоқ.
Гүлмираның отбасын ордалы жыланнан қалай құтқаруға болады? Мамандар бар ма?