Рет қаралды 4,164
Bu gün bütün ölkədə olduğu kimi Ağdam rayonunda da anım günü ilə bağlı silsilə tədbirlər keçirilir. Rayon sakinləri və şəhid ailələri səhərin erkən saatlarından başlayaraq Quzanlı qəsəbəsində yerləşən vətən müharibəsi şəhidlərinin uyuduğu şəhidlər xiyabanını ziyarət edirlər.. Şərhsiz olaraq həmin görüntüləri sizə təqdim edirik.
27 Sentyabr - Anım Günü ilə əlaqədar bütün ölkə ərazisində Vətən Müharibəsi şəhidlərinin xatirəsi bir dəqiqəlik sükutla yad edilib.
BAKU.WS xəbər verir ki, saat 12:00-da avtomobil yollarında bütün nəqliyyat vasitələrinin hərəkəti dayandırılıb, gəmilərdən, qatarlardan siqnallar səsləndirilib.
Qeyd edək ki, Azərbaycan Respublikası Prezidenti İlham Əliyevin 2 dekabr 2020-ci il Sərəncamına əsasən Vətən Müharibəsində qəhrəmancasına döyüşən Azərbaycan Bayrağını işğaldan azad edilən torpaqlarımızda dalğalandıran, ölkəmizin ərazi bütövlüyü yolunda canlarını fəda edən əsgər və zabitlərimizə, bütün şəhidlərimizə dərin ehtiram əlaməti olaraq 27 sentyabr Respublikamızda Anım Günü kimi qeyd olunur.