Osayan ko Six Points o Tablig Part 2/2

Aya kiyambitiyara iyan a giyai a dowa katao a magari a mga Ulama a si Shiekh "Sa'adudden" Ago si Shiekh "Abu Hasna" na so mipantag ko Six Points o Tablig. aya tindg i Shiekh Sa'adudden na Malobay kon so 6 Points ko kiyabaloyaon a aya bo Usool (tomadng) sii ko Tablig. na si Shiekh Abu Hasna na aya tindg iyan na so Term a Usool na madakli maana: pd sa maana niyan so Tomadng, go pd sa maana niyan so Bitikan. na knaba aya maana a kapmbthowiron sa Usool ko 6 points na ba aya maana niyan na aya bo Tomadng o Kathablig ka matag anan bitikan a aya phagokitan o tao sii sa Kakoroj ka aniyan mabaloy a gonsi iyan ago lalan iyan sa kalbod a kinggolalan niyan ko 5 rokon a Islam ago so 6 rokon a Iman, sa lagid o aya ibarat iyan na Lagid o 6 a subjects a aya biyaloy a University (madrasa) a bitikan a aya bo p'phangadian o Morit sii ko katatago iyan sa Univesity, ka para giyoto i mabaloy a migonsi iyan sa kasabota niyan ko mga ilmo ko islam na samporna ko kipnggolalan iyanon.
aya pd a tindg i Shiekh "Sa'adudden" na dapat kon a kaompiyaan so 6 points a mipagomanon so 6 rokon a Iman ago so 5 rokon a Islam. na aya tindg i Shiekh Abu Hasna na dadn a Moshkila ko kap'pangadii o tao ko 6 points ka sabap ko aya mababaloy a Gonsi sa kipnggolalan tano ko 5 rokon a Islam ago so kapharatiyaa tano ko 6 rokon a Iman.