مخنوق؟؟ يااا بختك والله: تعالى قف أمام ربنا وخد نفس طوييييل و إبتسامة في قبلك ... وقول: الله أكبر

بنفكرك انك هاتروح تصلي دلوقتي حالا بقلب جديد … نفس عميق
… ابتسامة في قلبك
وخليك حبوب بقى وتدعيلنا معاك… بلاش بخل يا راجل
مخنوق؟؟ يااا بختك والله: تعالى قف أمام ربنا وخد نفس طوييييل ... وقول: الله أكبر
اول حاجة فهمتها واتعلمتها لما اتعلمت فعلا المديتيشن الصح، ان كل حاجة في المديتيشن ده، موجودة في الصلاة الصحيحة… مش الصلاة الكروتة اللي بنمضي بيها حضور وانصراف دي
الصلاة الصحيحة
اللي هي: اول لما تقف، وترفع ايديك لربنا، وتاخد نفس كامل بكل هدوء وتقول: الله أكبر
وأول لما تقول الله اكبر… الكون كله يقف
مفيش حاجة خلاص في الكون
مفيش ورايا حاجة مهما كان
مفيش شغل ولا مشاكل شغل
لو الشغل ومديري اللي في الشغل انفجروا دلوقتي حالا، ولا يهمني
مفيش أولادي ولا مشاكلهم خالص
مفيش ورايا ولا ديون ولا اي هموم
انا خلاص… مش معاكوا في الدنيا دلوقتي
انا مع ربنا
إنتوا والكون كله تحت… وانا في حتة تانية خالص، مفيش فيها اي انشغالات ولا مشاغل ولا حياة
انا واقف بي ايدين ربنا
اللي بإيده الكون بتاعكوا كله
هاقول: الحمد لله رب العالمين
واقف لحظة كده، وافهم وأحس انا قولت ايه
مع كل كلمة هاقولها هايكون في اطمئنان حقيقي في قلبي
كل حركة، يكون معاها: اطمئنان
يااااااة…. مستحيل اقدر اوصفلك انت بتكون فين لما تصلي كده
بتكون فعلا في مكان تاني خالص
لما بتخلص صلاة… بتبقى فعلا منتظر الصلاة اللي جاية بفارغ الصبر، علشان تروح نفس المكان ده، وتسيب الدنيا والكون والمشاكل والمذاكرة والأولاد ومشاكل الاسرة والديون والضغط النفسي والعصبي… وتروح عند ربنا… وتقف وتقول: الله اكبر
وتاخد نفس طوييييييل… وقلبك بجد يبقى في اعلى درجات السعادة والاطمئنان … وَيَا باختك بجد وانت في رحلتك اللي بتقابل فيها خالق الكون كله، وانت واقف لواحدك عنده، وتقول: انا جيت يارب، بقلبي وروحي وتفكيري، ورميت كل همومي وانشغالاتي واتخلصت منها،
ساعتها بس هاتفهمليه في ناس بتقف تصلي قيام ليل بالسعات يوميا… وبتبقى ساعتها خارج نطاق الكون
طيب، انت جربت قبل مده تصلي بخشوع وماعرفتش
هاقولك حاجتين:
الحاجة الاولى: سيبك من اي مسميات
انت محتاج تفصل نفسك عن الكون كله لمدة دقايق بس، علشان تقدر ترجع تاني إنسان جديد
اول لما تقف بين أيدين ربنا علشان تصلي، قول لمل فكرة هاتحاول تدخلك: اياكش تولع
هاتحس براحة بجد فظيعة
انا متأخر اوي في الشغل: ان شالله يولع الشغل باللي فيه
انا متأخر في المذاكرة… اياكش تولع المذاكرة على المناهج … عجبتك دي اوي انا عارف… هههه
كل فكرة هاتدخل وتحاول تشتتك، هاتكون هي فرصتك لطردها وتحرير نفسك من كل قيود الحياة … هاتكون حر مرة تانية، مهما كانت قيودك
وافتكر دايما… انك محتاج تفصل نفسك عن الكون وانت صاحي وفي كامل وعيك
النقطة التانية: برنددون بيرشارد بيحكي بالتفصيل في الفيديو ده:
ازاي هو بيجبر نفسه على طرد كل الأفكار من دماغه علشان يعرف يعمل مديتيشن
(شغل الفيديو على مديتيشن - ريليز، ريليز، ريليز)
هو بيقول انه اول لما بيروح من الشغل، وقبل ما يقابل مراته، لازم يعمل مديتيشن لمدة ٢٠ دقيقة كاملة، يفضّل ال ٢٠ دقيقة يقول فيهم… ريليز… وياخد نفس طويل
ويقول ريلييييز،،، وياخد نفس
ويفضل يكرر الموضوع ده ٢٠ دقيقة
وهو بيقول انا اللي اخترعت كلمة ريليز دي، انت ممكن تقول اي كلمة
انا كنت بتعلم اعمل مديتيشن، كنت بفضل أقول وانا رايح الشغل بالعجلة طول الطريق، ريليييييز
ايوة… سامعك… انا بروح الشغل بالعجلة والله
وبعدين لاقيتني بقول بدالها… الله اكبر، واخد نفس… وأقول الله اكبر واخد نفس طويل… وأفضل أعمل كده طول الطريق
ربنا بعتلي ناس ملهومش اي دعوة بالدين لا من قريب ولا من بعيد، يعلموني ازاي اصلي صح، وإزاي أقول أذكار صح، وإزاي أعبد ربنا صح، وأستفيد فعلا في يومي وحياتي من الصلاة والذكر والدعاء
ودي فرصتك انت كمان… انك تتعلم رؤية للصلاة والذكر من زاوية جديدة مختلفة
واجب الحلقة بتاعك النهاردة:
هات كراسة اُسلوب في رمضان بتاعتك
ووقف الفيديو ده، وشغله من الاول خالص تاني
دلوقتي حالا ما تنتظرش
وتكتب كل نقطة تشوفها مهمة في كراستك
وتروح تطبق النقط دي كلها وانت بتصلي وانت كمان بتذكر ربنا
الحلقة دي بالذات، ما ينفعش تشوفها مرك واحدة ابدا
دي تشوفها تاني دلوقتي حالا
وتشوفها بكرة وبعده وبعده وكل يوم لغاية لما تشرب معنى الصلاة والخشوع بين يدي الله… وكمان ترجع للحلقة دي مليون مرة تاني، كل ما تعوز تشحن نفسك فهم وحب للصلاة والعبادة
بنفكرك انك هاتروح تصلي دلوقتي حالا بقلب جديد … نفس عميق
… ابتسامة في قلبك
وخليك حبوب بقى وتدعيلنا معاك… بلاش بخل يا راجل
محتاجين نسمع رأيك وأفكارك وأي رسالة تحب تبعتها لنا، واحنا ان شاء الله هانقرأ كل التعليقات وكل الكومنتس اللي هاتكتبها
و وصل الحلقة دي لكل شخص ممكن يدعيلك المرة اللي جاية وهو جاي يصلي

[@elafadam691]

اول ما خلصت الحلقة رحت جري اتوضيت عشان اجرب الاحساس ده بسس والله العظيم حسيت اني اول مره اصلي بحياتي سبحان الله سكينه و بتحس انو بجد اهو ربنا قدامك بسمعك وانت بتحكي كل اللي جوااك بجد بجد احلي شي حصلي في حياتي كلها جزاك الله الف خير في ميزان حسناتك ان شاء الله و اكيد ما نسيناك في دعوتنا

[@osloop]

بنفكرك انك هاتروح تصلي دلوقتي حالا بقلب جديد … نفس عميق … ابتسامة في قلبك وخليك حبوب بقى وتدعيلنا معاك… بلاش بخل يا راجل مخنوق؟؟ يااا بختك والله: تعالى قف أمام ربنا وخد نفس طوييييل ... وقول: الله أكبر اول حاجة فهمتها واتعلمتها لما اتعلمت فعلا المديتيشن الصح، ان كل حاجة في المديتيشن ده، موجودة في الصلاة الصحيحة… مش الصلاة الكروتة اللي بنمضي بيها حضور وانصراف دي الصلاة الصحيحة اللي هي: اول لما تقف، وترفع ايديك لربنا، وتاخد نفس كامل بكل هدوء وتقول: الله أكبر وأول لما تقول الله اكبر… الكون كله يقف مفيش حاجة خلاص في الكون مفيش ورايا حاجة مهما كان مفيش شغل ولا مشاكل شغل لو الشغل ومديري اللي في الشغل انفجروا دلوقتي حالا، ولا يهمني مفيش أولادي ولا مشاكلهم خالص مفيش ورايا ولا ديون ولا اي هموم انا خلاص… مش معاكوا في الدنيا دلوقتي انا مع ربنا إنتوا والكون كله تحت… وانا في حتة تانية خالص، مفيش فيها اي انشغالات ولا مشاغل ولا حياة انا واقف بي ايدين ربنا اللي بإيده الكون بتاعكوا كله هاقول: الحمد لله رب العالمين واقف لحظة كده، وافهم وأحس انا قولت ايه مع كل كلمة هاقولها هايكون في اطمئنان حقيقي في قلبي كل حركة، يكون معاها: اطمئنان يااااااة…. مستحيل اقدر اوصفلك انت بتكون فين لما تصلي كده بتكون فعلا في مكان تاني خالص لما بتخلص صلاة… بتبقى فعلا منتظر الصلاة اللي جاية بفارغ الصبر، علشان تروح نفس المكان ده، وتسيب الدنيا والكون والمشاكل والمذاكرة والأولاد ومشاكل الاسرة والديون والضغط النفسي والعصبي… وتروح عند ربنا… وتقف وتقول: الله اكبر وتاخد نفس طوييييييل… وقلبك بجد يبقى في اعلى درجات السعادة والاطمئنان … وَيَا باختك بجد وانت في رحلتك اللي بتقابل فيها خالق الكون كله، وانت واقف لواحدك عنده، وتقول: انا جيت يارب، بقلبي وروحي وتفكيري، ورميت كل همومي وانشغالاتي واتخلصت منها، ساعتها بس هاتفهمليه في ناس بتقف تصلي قيام ليل بالسعات يوميا… وبتبقى ساعتها خارج نطاق الكون

[@AhmedMohamed-hj6zv]

يارب ارزقنا الخشوع فى الصلاه

[@nohaelgamel5687]

انا بحبكم و الله جزاكم الله عنا الجنه 🌸

[@MostafaAhmed-bj9kl]

ايه الفرق في شراء الكورس من يودمي ومنصة اسلوب اكاديمي ؟

[@salma987]

بحبكم يا أسلوب 💛 💛 🌼 💕 🌸 دمتم مؤثرين ❤🌼

[@salmamahmoud9567]

ميرسي جدا علي الحلقه الروعه دي انا كنت عايزه حلقه عن المديتيشن بشكل عام ولو في كورس اونلاين مجاني لان انا مش ف القاهره انا من المنيا ف صعب وجود فرصه لمديتيشن حقيقي مش حد طالع يهبد وخلاص

[@سالم-ص4ذ]

نفسي اكون سبب في ١٠٠ مستغفر

[@sarachek6063]

استغفر الله العظيم واتوب اليه

[@ghobashy7856]

استغفر الله العظيم واتوب اليه🤍🤍

[@user-EMAN-]

استغفر الله العظيم

[@سالم-ص4ذ]

استغفر الله العظيم الذي لا اله الا هو الحي القيوم واتوب اليه

[@m.f5614]

عن أنس بن مالك: عن النبى صلى الله عليه وسلم: أكثِروا الصَّلاةَ عليَّ يومَ الجمُعةِ وليلةَ الجمُعةِ، فمَن صلّى عليَّ صلاةً صلّى اللهُ عليهِ عَشرًا

[@nohaelgamel5687]

فى وقته جدا و الله 💔😭 ربنا يعنا على متاعب هذه الدنيا.. اعملوا حلقات من دى كتير بمعنى كل يوم دقيقتين نتكلم فيهم عن حاجه جديده الله يرضى عليكم بلاش الغيبه دى

[@hagarnasseh6353]

ربنا يفك ضيقيتك يارب ويريح قلبك

[@mervatsdeek8487]

@@hagarnasseh6353 امييين وكل مهموم

[@yasminmohamed1113]

إنّ الصلاةَ علىَ النبيِّ تَكفلُ اسْتجَابة كُل ما خَفِيَ فِي قلبك") ترنّم بالصلاة على النبي وزِد🌸

[@OmMohamed-ll8ef]

حرفياا الصلاة ال بتكون من القلب بتكوون حاجه تانية خالص غير اى صلاة بنكروتها وفيها كميه راحه متتوصفش.. اللهم اجعنى مقيم الصلاة ومن ذريتى ربنا وتقبل دعاء

[@سارهخالد-ف3ق]

أستغفر الله العظيم الذي لا اله الا هو الحي القيوم وأتوب

[@ayaslife2546]

اللهم إن رأيتني ابتعد عنك فردني اليك رداً جميلاً ❤️

[@mohamedabedalykhalaf9170]

اهى دى الفيديوهات اللى تستاهل تطلع تريند والله مش اللى احنا شايفينه

[@1hamza999]

"رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَآءِ" .

[@mohammedmohammed-gk2kd]

هل صليت اليوم ع رسول الله 💐💐💐💐

[@cer9791]

استغفر الله اللله اكبر الحمدالله سبحان الله اللهم صلي وسلم على نبينا محمد وعلى آله وصحبه أجمعين

[@dodomagdy1043]

الهم صل وسلم وبارك على سيدنا محمد وعلى اله وصحبه وسلم

[@ola-qu8pw7sx6l]

اللهم صل وسلم وبارك على سيدنا محمد وعلى آله وصحبه أجمعين أستغفر الله

[@soul_mostafa2902]

والله صاحي مخنوق و كنت متعصب و هموم كتير بس متاكد لما اشوف الفديو هكون احسن ان شاء الله ❤️

[@esraa4213]

حقيقى كمية راحة نفسية فعلاً فى الفيديو بس 🥺❤ دا الواحد ضيع عمره كله والله 😢 بنصلى صلاة انصراف وحضور ربنا يهدينا ويقربنا منه 🌻💛

[@samahhilal9724]

جزاكم الله خيري الدنيا والآخرةاللهم الفرج لامة حبيبك اللهم عاملنا بالإحسان لابالميزان

[@nouraalaa5815]

أستغفر الله العلّي العظيم من كل ذنب عظيم وأتوب إليه

[@mo___na7487]

اللهم صلي على رسول الله يا تارك الصلاة ماذا تنتضر هل انت عارف من على دقيقة ستعيش ؟ استدرك نفسك وتكلم مع نفسك وانهض توضأ و صلي بحبك ❤

[@abeer3530]

رمضان شهر الخير قرب أنا متحمسة لرمضان و للعيد

[@محمدجبارعباس-ر1ح]

استغفر الله

[@-sq2fw]

الحمدلله❤

[@ديمةبشيرمحمودثاري]

﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾☁

[@shroukah]

اللـه أكبر الله أكبر 🥹🤍

[@كلتعبيهونعشانلحظهفيهاهتكوندعوا]

فدعا ربه انى مغلوب فانتصر😢😢🤨

[@m_vintage]

❤❤❤❤❤رب اجعلني مقيم الصلاة ومن ذريتي

[@1hamza999]

ثواني من وقتك لقراءة سورة تعادل ثلث القرآن الكريم : ﷽ ﴿ قُلْ هُوَ اللهُ أَحَدٌ ١۝ اللهُ الصَّمَدُ ٢۝ لَمْ يَلِدْ وَلَمْ يُولَدْ ٣۝ وَلَمْ يَكُنْ لَهُ كُفُوًا أَحَدٌ ٤۝ ﴾

[@-sq2fw]

الله أكبر❤

[@aichatoubrahim9085]

جزاكم الله خيرا تحياتي من موريتانيا

[@mohammedmohammed-gk2kd]

لا حول ولاقوة إلا بالله 💐

[@asmaaramadan5035]

اللهم اغفر لنا😭😭😭

[@yomnazaky7802]

عظم الله لكم الاجر والثواب ♥️♥️♥️♥️♥️♥️

[@-sq2fw]

سبحان الله وبحمده

[@hana-fu8eq]

لا اله الا انت سبحانك اني كنت من الظالمين 🥺😢

[@حكايةمسلم-ص3ل]

سبحان الله ✿ الحمدلله ✿ لا إله إلا الله ✿ الله أكبر ✿

[@kenzyandkady1032]

سبحان الله و بحمده سبحان الله العظيم

[@hour7620]

كانت من اقرب اقرب الحلقات لقلبى 💕

[@نصرالنيلى]

الله اكبر ولله الحمد على نعمه الاسلام

[@mohamedhamada4527]

بجد الفديوادا من بعده حسيت باطمانان وحب الصلاه ❤شكرا ليكو بجد ❤

[@fatmamassoud8028]

عظمه كالعادة 👌👍👏👏👏

[@rozaroz4273]

سبحان الله وبحمده سبحان الله العظيم

[@hafssalm1486]

اللهم صل و سلم عل سيدنا محمد

[@nagwanahmed4337]

الحلقه دي حلوه جدا وده اللي متعودين عليه منكم علي فكره انا دائما بقول لكل الناس يشوفوا فديوهاتكم الرائعة اشكركم

[@-sq2fw]

لا إله إلا الله❤

[@_xsvci7515]

ادعولي التزم بصلاتي

[@Quran-cx5xr]

سُبحَان الذي إذا ذَكرتَهُ ذكَرَك ، و إن شكَرتَهُ زادَك ، و إن توكّلت عليه كفَاك ، سُبحانَ الله وَبِحمدِه ، سُبحَانَ الله العَظِيم🌧

[@asmaaramadan5035]

اللهم إنك عفو تحب العفو فاعف عنا

[@moustafaabdallatef7546]

الله اكبر

[@بنضاركيامهدي]

يالله يالله

[@D.fasila]

ايه الجمال ده! ربنا يرزقكم من واسع فضله؛ حلقة حلوة جدا🥺♥️

[@fehidalshaikh6111]

جزاكم الله عن الاسلام والمسلمين خيرا

[@mesonaturalz3445]

الصلاه عالنبي ❤💓💛💟

[@صّآحًبًسِآحًبًلَلَجّنِةّ]

بجد شكرا من اعماق قلبي انا في ثانوية عامة ومحتاجة كل كلمة حضرتك قولت عليها وبجد الله اهم من مستقبلي وحياتي وامتحاناتى ومنهجى وكل حاجة وان انا اكون الاولى عند ربنا وعيني تعيط من شدة الخشوع والخوف من ذو الجلال والإكرام اكبر بكتير من الدنيا اللى مليانا بهمومها و مشاكلنا بجد حقيقي ربنا بعتلى الفيديو دا في آخر لحظة 🍃❤

[@sarrasara841]

الله أكبر كبيرا

[@shamssaber3148]

الله اكبر 😊

[@الموسوعة.العربية]

الله يرزقنا حسن الخاتمة

[@sabaaqahtab3639]

لا اله الا انت سبحانك أني كنت من الظالمين 💔

[@ayaslife2546]

اللهم طريق الصالحين و ثبات الصالحين وخاتمة الصالحين ❤️

[@D.Pharmacists]

صل علي النبي

[@1hamza999]

اللهم اجعل في قلبي نوراً وفي لساني نوراً ، واجعل في سمعي نوراً وفي بصري نوراً ، واجعل من خلفي نوراً ومن أمامي نوراً ،واجعل من فوقي نوراً ومن تحتي نوراً ، اللهم أعطني نوراً )

[@عبدالرحمناحمدمحمد-ق8و]

استغفر الله العظيم

[@em2nhamed221]

الله أكبر... الله أكبر من كل شئ أكبر من حزنك أكبر من قلقك أكبر من حلمك أكبر من كل شئ فكون معاه وكل حاجه هتتحسن لوحدها وهتكون أفضل مااتمنتها كمان الله أكبر الله لطيف وكريم 💙💙💙🌻)) ادعولي ادخل كلية طب(صيدلة) وادعو لوالدي بالرحمة والمغفرة💙💙💙🌻))

[@-sq2fw]

سبحان الله❤

[@justsmilemarkter5095]

استغفر الله العظيم يارب

[@amelamoula9188]

ادعولي اخذ المعدل الي حاببتو و شكرا 👍🤓⁦👩‍⚕️⁩ والتوفيق والسداد للجميع ⁦☺️⁩⁦☺️⁩🤗🤗

[@shroukah]

اللـهُ أكـبر 🥹🤍🤍🤍🤍

[@SaRah-wt9lp]

لا إله إلا أنت سبحانك اني كنت من الظالمين استغفرلله واتوب اليه

[@ahmed_Ihab3022]

جزاكم الله العظيم خيرا

[@gftyyjkk3026]

بسم الله

[@malakmohamed6086]

اللهم صلي علي محمد وال محمد كما صليت على ابراهيم وال ابراهيم في العالمين انك حميد مجيد وبارك علي محمد وال محمد كما بارك علي ابراهيم وال ابراهيم في العالمين انك حميد مجيد 😍😍

[@hasnaaahmed7229]

الحمدلله حمداً كثيراً طيباً مباركاً فيه❤ ادعولى ❤😢

[@belalsameeer]

جزاكم الله عنا خير الجزاء 🤲💜

[@rahma7641]

انا بعيط لاني كنت في فتره كدا وكنت مهما حصل مطمئنه كنت حقيقي بتوضى بالغلط و انتكست لمدة طويله . بس ان شاء الله هرجع افضل و هتكونو السبب :")) شكرًا . استغفرو الله ♡

[@rahma7641]

٣ ثانوي ادعولي اجيب مجموع حلو يرضيني و افرح بابا وماما🌸

[@rahma...7207]

من أجمل الحلقات ألي سمعتها وأروعها والله خلتني أعيط................“

[@raneemibrahim4756]

أول كوماااااانت😂❤❤❤ والله اكتر قناة بتدينى بوزتيف انرجى وانا ف 3 ث وبتشجعنى❤❤❤ شكرا جدا ، ربنا ينفع بيكوا ويجازيكوا كل خير ويجعل كل شئ بتعملوه فى ميزان حسناتكم❤❤❤❤🌸

[@osloop]

😍😍😍😍😍

[@samaosama4656]

@@osloop طب ممكن تعملوا فيديوهات جديده مفتقدين الفيديوهات جدا 😃🌼

[@emykoki6593]

صبااح الانوااار يا اسلوبي الجميل ساعة 7:00 بتوقيت الجزائر ،كم اسعد بمشاهدة فيديوهات اسلوب اتمني لك مزيدمن النجاحات ،وربي يجعل مل كلمة قلتها في ميزان حساناتكم 😍😍🙏🙏🙏❤❤❤❤

[@nat379ural]

جزاااااااااااااااااااكَ اللَّهُ عنَّا كُل خير.

[@justsmilemarkter5095]

اللهم استرنى يارب

[@mennahassan5703]

يا جماعه أرجوكوا أستمروا محتاجين تنشر الدين تاني :)

[@EN_A_S]

لا حول ولاقوة الا بالله العلي العظيم 💜💜💜

[@fatmaahmed4218]

3:00 هي فعلاا عجبتني اوي وقعدت اضحك😂😂😂😂❤️بحب القناة دي جداا💙💙💙

[@MariamZawjatNomayri]

JazakAllahu Khair and thank you for generously sharing some valuable content and useful advice brother in Islam

[@afnanabusaif]

هتكون حر مرة تانية!! That's it! That's what I need ❤️

[@MariamZawjatNomayri]

جزاك الله خير اخونا في الاسلام على النصائح المفيدة

[@menna4246]

اسلوب ❤❤❤❤❤❤🌎 3ث دعواتكم ❤💙

[@daliaabdallah3659]

جزاكم الله خير الجزاء وجعله الله فى ميزان حسناتكم وتقبل الله منا ومنكم صالح الأعمال اللهم ءامين

[@Maryam_Elghoal]

أول فيديو عن الخشوع اسمعه ويكون بسيط وجميل كدة اللهم بارك وفريد من نوعه كمان.. ربنا يباركلكم ويجازيكم كل خير🌸

[@nothing-et6hd]

عاند قلبك واستقم

[@tiasoltan1397]

روعة بجد في ميزان حسناتكم ان شاء الله 🤍

[@positivecloud8297]

اللهم اجعل الصلاة قرة عين لي

[@MariamZawjatNomayri]

MashaAllah

[@ayaslife2546]

اللهم اغفر لي ذنوبي أنا المؤمنين والمؤمنات والمسلمين والمسلمات الاحياء منهم والاموات ❤️

[@israaahmed7498]

الله💓💓💓

[@mayav5298]

انا بتذكر هاد الفيديو قديم شايفتو بس بيضل حلو ومفيد

[@Bashayer.b.t]

أول مره أشوف خطوات عملية للخشوع فالصلاة بعيدا عن الترهيب والكلام التنظيري🙏🏼 جاري التطبيق الله يجزاكم كل خير

[@rawanreda3205]

ممكن تعملوا حلقة مثلا عن تعلم اللغات الجديدة او اي مهارة جديدة صعبة جدا ومجهودك مش بيظهر الا ع المدي البعيد وازاي تتعامل وتستمر ❤️

[@art800]

أروع قناة نافعة وممتعة. جزاك الله خيرا وزادك الله علما وأمانة ووسع عليك في رزقك

[@monabassem6256]

ماشاء الله ربنا يبارك في جميع الناس اللي تعبانه على أنها تطلع محتوى هادف و محتوى مفيد زي المحتوى ده من أجمل القنوات على يوتيوب و أكثر قناه تميزاََ كل الفيديوهات اللي موجده في القناه هادفه فعلا و بنخرج منها متعلمين حاجه جديده و بجانب كده كمان كفايه الطاقه الإيجابيه في الفيديوز جزاكم الله كل غير على هذا العمل الصالح و الهادف 💙💕