Oss Platt, datt ess bekangk - Mundartlied nach einer Volkweise, Mundarttext von Manni Müchen, 2024

Oss Platt, datt ess bekangk
Mundartlied nach einer Volksweise, Mundarttext: Manni Müchen, 2024
Viele Bewohner der Dörfer unserer Stadt Wegberg können sich noch gut an die Zeit erinnern, als es noch Kneipen und kleine Geschäfte in den Orten gab. Das Schöne war, dort konnte man sich noch mit den Kunden, Gästen und Inhabern „opp Platt ongerhalde“.
... onn hee kütt d'r Text opp Platt
... wä ett nett verschtonn kann, mott sesch bee oss melde:
[e-mail]
Oss Platt datt ess bekangk,
als Schproak mött Foot unn Hangk.
Ess alt unn hätt unn Koosch,
ett mäckt mesch jruete Sorsch.
Weil koom noch wüdd jekallt,
unn och nett miehr vortallt.
Dobee send se so schön,
die Mundarttön.
Ejaal wo man sesch tröfft,
koom platte Wöat ett jöfft.
Bloos Huerdütsch schpräeke deeht,
ach datt deeht mesch so leed.
So jeeht oss Platt kapott,
unn ruck zuck ess ett fott.
Drömm Lüüt, esch bett ösch siehr,
kallt Platt doch wier.
Oss Platt vorjlieke mött Tartar,
ess deftisch, kräftisch wunderbar.
Off Drietsack, Klötschkopp, Ferkessbuur,
die Wöat die makke jlöcklesch nur.
Enn Hongsvott, Aaschloak, Jroavejan,
wie joot datt Platt sesch hüert doch aan.
Du Döppe, Flabess, Jruetemull,
liert man nett enn de Scholl.
Do Fröhschoppe emm Dörp,
ett Sonndess nooh de Kerk.
De Hellijehüskess opp,
jetuppt unn Skat jekloppt.
Beem Beer do wued jeklängert,
menischeene de bliev länger.
Zijaare- Piefequalm,
watt förr ne Jalem.
Fritz, bräät oss noch enn Rond,
janz drüsch woar all do Monk.
Ne alde Korn dobee,
de Hein sätt: Förr mesch nee.
Jeschträefelt wued sesch och,
Vortell joof ett jenoch.
Datt alles bloos opp Platt,
Wöat joof ett satt.
Du Fuetelskrämmer bröllt de Jupp,
Hein hätt beem Tuppe mesch betuppt.
Hä bröllt, du iggelieje Doll,
du kress von mesch do Balesch nu voll.
De Wiet de jeeht dotösche flott,
bevörr die Zwei sesch hand jekloppt.
Du Hongsfott, Braakess, Kläefplooster,
komm mesch bloos nett de nooh.
Beem Bäcker enn de Schtroat,
jekallt minn Modderschproak.
Och do ett Platt jetz fähllt,
vorkiert ess ossre Welt.
Wenn du beem Metzjer böss,
jaranteer esch desch jewess.
Wells Tüüt ne Üless hann,
kickt blöd mann desch aan.
Mött ett nööhste utt ett Dorp,
em Lade wuets vorsorscht.
Datt alles pladdewäesch,
so ongerheelt man sesch.
Saach häste all jehuert,
jefroocht wued unn jeluurt.
Ovv ett jett neues joov,
datt woar dinn Frooch.
Saach wettste all datt jöster Nääht
mann Hännes opp de Schoof jeläät.
Ne alde Kniesbüll emmer woar,
ött Jriiet mött ömm bedroare woar.
En do Hemmel dä nett fahre kann,
ett Füer förr dämm, datt brennt all lang.
Ne Föttchesföhler, Knotterbüll,
aff mött ömm enn de Höll.
So wued de Mull jeschwaat,
datt ess vorbee, wie schaad.
Huerdütsch ess nu jefroocht,
jetz kütt minn jruete Sorsch.
Wenn osser Platt schtörft uut,
dann süüt ett düüster uut.
Denn platte Wöat unn Tüen,
send doch so schön.
Krentekacker, Pelledrieher,
Bäästevadder, Dröömedier,
Ferkesspiiesel, Schwaademaare,
Flöns moss du förr Blotwuesch saare.
Luupelänger, Mollepöpper,
Mulleflupp unn Ärbettsdröcker,
oss Platt ess däftisch, akkerat,
drömm kallt ett jede Daach.