Рет қаралды 962
არის დრო, როცა იღლები,
ჩამოყრი მკლავებს და უცებ,
გამცნობს უფალი ზეციდან,
რომ ამ ტკივილსაც გაუძლებ...
რომ შენ არაგაქვს უფლება
ჭირსა და ვარამს გაექცე,
ცხოვრების ქარცეცხლს შებმული,
გატყდე და სულით დაეცე,
არამედ გაჩნდი იმისთვის,
რომ ბნელში სანთლად ღვიოდე,
სიმართლისათვის ბრძოლაში
არწივის ხმაზე ყიოდე_
ერო, იქამდე ვერ შეძლებს
ეშმა ჩვენს გულში შეღწევას,
ვიდრე ქართველებს ძვალ-რბილში,
ქართული დროშა გვერწევა...
ვიწამოთ, ვისაც ძარღვებში
ქრისტეს მმოსავი მზე უთრთის,
დღეს, გადარჩენის გარანტად ,
გატანა გვრჩება ერთურთის...
არის დრო, როცა იღლები,
ჩამოყრი მკლავებს და უცებ,
გამცნობს უფალი ზეციდან,
რომ ამ ტკივილსაც გაუძლებ!