Pa Gjurme-Abuzoi me fqinjën e mitur,babai me njerkën e dëbuan sapo doli nga burgu/Nëna:Kërkoj djalin

#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Prej 2 vitesh 36-vjeçari nga Përmeti, Flamur Bramati rezulton i humbur për familjaret. Pasi doli nga burgu dhe nisi nje jete te re, i riu humb gjurmet dhe zhduket ne drejtim te paditur.
Nena e tij, Lavdie Bramati është në kërkim të birit pasi që prej vitit 2021 nuk ka asnjë kontakt me të. Ajo ka zënë shtratin pasi ndodhet në gjëndje të rëndë shëndetësore dhe kekron t’i degjoj zerin djalit...
Kontakti i fundit që ka pasur me te birin ka qenë në 14 Mars të 2021 dhe ai ka premtuar se do te shkonte ta vizitonte ate dite. Nëna e priti te dera me ore, dite, muaj dhe vite, por ai nuk u shfaq kurrë.
Motra e Flamurit,Katerina Bramati nuk ka folur me vellane që prej 6 vitesh. Si motër dhe vëlla nuk kanë pasur një mardhënie të mirë dhe konfliktoheshin shpesh. Ajo tregon se pas zhdukjes të Flamurit ka mësuar nga të afërm se vëllai ishte shpërngulur në Korcë dhe kishte filluar lidhje me një vajzë. I kishte marrë hallës disa para për të blerë një shtëpi atje, pasi babai e kishte dëbuar nga shtëpia.
Prindërit e Flamurit u divorcuan në vitin 1993, kur asokohe ai ishte vetëm 6 vjece dhe Katerina 1 vjece. Gjykata vendosi që Flamurit të qëndronte me babain Pëllumb Bramatin dhe Katerina me nënën, Lavdie. Ata u ribashkuan serish pas 10 vitesh per te humbur kontaktet me njeri-tjetrin ne 2017... Flamuri ishte tip i mbyllur ne vetevete dhe nuk fliste shume mbi jeten qe bente.
Por pse u dënua 5 vite më pare Flamur Bramati?
Nëse kërkojmë emrin e 36-vjeçarit të humbur Flamur Bramatit në Google, të shumta janë shkrimet e publikuara për të, për një ngjarje mjaft të rëndë. Në vitin 2015 i riu nga fshati Toshkëz i Përmetit abuzoi seksualisht me një vajzë me aftësi të kufizuara po nga i njëjti fshat. Pasi gjykata e Përmetit vendosi dënimin me 5 vite burg më 15 prill 2015 për Bramatin, ky i fundit menjëherë u largua në drejtim të paditur për policinë, por ndërkohë me familjen e tij ruante kontakte të rregullta.
Pas 3 vitesh në arrati, i fshehur në shtetin grek, Flamur Bramati përfundoi në pranga më 4 korrik 2018. Ai u dënua me heqje lirie pasi ndaj tij rëndonte akuza për veprën penale “marrëdhënie seksuale me persona të pazotë”. Pasi kreu dënimin Flamur Bramati doli nga qelia në fillim të vitit 2021, ndërsa po në atë vit, në muajin mars i riu humbi kontaktet me familjarët e tij për të mos u bërë më i gjallë.