Рет қаралды 10,259
Zhdukja e mistershme e 53-vjeçarit me origjinë nga Dibra na kthen 32 vite pas.
Gani Dardeshi ishte një 21-vjeçar kur vendosi të emigrojë drejt Greqisë për të punuar, me qëllim për t’i ardhur në ndihmë familjes së madhe me 6 fëmijë. Me të mbërritur në Greqi i fundit që takoi ishte daja i tij, të cilit i kërkoi një punë por ky i fundit nuk mundi t’ia siguronte.
Në të tilla kushte ai u largua për të kërkuar punën që kaq shumë dëshironte ta gjente, por fatkeqësisht nga ai moment i riu shkëputi çdo kontakt me familjarët e tij.
Kur kaluan 7 vite nga zhdukja e tij, në familjen Dardeshi u ndez një dritë jeshile për djalin e humbur. Një fqinj i tyre kishte takuar dy zonja nga Kosova të cilat pretendonin se kishin dijeni për vendndodhjen e Ganiut. Sipas tyre, i riu kishte emigruar në kontinentin e largët në Amerikë. Ky ishte informacioni i vetëm i cili mbërriti në familjen e Ganiut ndërsa nuk u verifikua kurrë. Gjithashtu as emrat e dy zonjave që dhanë këtë informacion nuk u mësuan dhe kështu pista e amerikës mbeti enigmë.
Edhe pse kanë kaluar plot vite nga zhdukja e Ganiut, familja Dardeshi nuk kanë reshtur kurrë së kërkuari të riun e asaj kohe, i cili sot ka mbushur plot 53 vjeç.