Рет қаралды 98,975
#pagjurme #odetadume #reportTV
Lë djalin 4 vjeç tek shtëpia e njerëzve të bashkëshortit dhe largohet në drejtim të paditur. Marsela Bregu 29 vjeçe nga Dibra, prej 5 vitesh është e martuar me Denis Bregun. Vogëlushi prej nëntorit të vitit 2021 është ndarë me nënën e tij, pasi kjo e fundit e braktisi dhe u largua pa lënë gjurmë, duke marr me vete edhe vajzën 13 vjece nga martesa e saj e parë. Kjo zhdukje e Marselës vjen menjëherë pasi bashkëshorti i saj 30-vjeçar përfundoi në burg në shtator 2021, me akuzën për “dhunë në familje”. Vetë kushërira e Denisit, Brikena Bregu ka qenë prezente në shumë raste, kur ai në pije e sipër e ka ofenduar dhe dhunuar bashkëshorten e tij. Kjo e fundit e denoncoi dhe tashmë 30-vjeçari është dënuar me 1 vit e gjysmë heqje lirie. Edhe pasi përfundoi pas hekurave, Marsela së bashku me vajzën e saj 13-vjeçare që ka nga martesa e parë, vazhduan denoncimet në polici për Denisin. Ky rast denoncohet në emisionin ’Pa Gjurmë’ nga kushërira e tij Brikena. Pavarësisht se ajo ka qenë deshmitare e dhunës së ushtruar nga kushëriri i saj ndaj bashkëjetueses dhe vajzës së mitur, ajo ngre dyshimet se molla e sherrit në gjithë këtë konflikt është bërë një banesë në Laprakë. Kur kuptoi se nuk mund të përfitonte asgjë nga ajo pasuri e paluajtshme, Marsela lë fëmijën e mitur tek njerëzit e burrit dhe zhduket. Pak muaj pasi bashkëshorti i saj përfundoi pas hekurave ajo qendroi te shtëpia e prindërve në Kamëz, ndërsa dyshohet se më pas u largua drejt Maqedonisë së Veriut, ku jeton motra e saj.