PAITE SALPHA : Lemkim | Nemzoupui | Thianhoih

PAITE SALPHA
Written by:
Sang Hauzel, The 29th December 2023
Gam leh Nam it vang in Salpha sakluang zatam,
Buanlei suak mai ding zaw lung in gel ngam lang e;
Kamkei bang hang Salpha, Gam it vang a pham te,
Noute phu la ding in Paite Salpha mimbang piang e
Chorus:
Paite Salpha kamkei bang hang in aw,
Gam leh Nam adi’n lungkelou in masuan khawm ni;
Melma singta a sang zaa in tam zong leh,
Thianmang huai na toh Paite gam leh nam adi'n;
Phamsa Salpha zatam te phu la di'n mabang pan ni.
(Phu la ni Paite Salpha)
Paite nam ading in ma loubang pangkhawm ni,
Pupa satsa gamlei giabang zuunthak ve ni;
I gam khimbang zing e, Dougal khuaibang lang e,
Namtem leh kawlchiang tawi in sisan in gamlei zuun ni.
Zuang hong thou dih ve ua Paite chiin leh tuai te,
Gamlei giabang zuun di'n pheiphung khat suan khawm ni;
Lunglel lou in pang ni, Paite Salpha i hi,
Thianmang huai na toh zohna puanlap i khai ngei ding hi
Bridge:
Paite in mimbang i piang,
Paite in kha bang pham ni;
Paite Anbang Itna Thupi E !