Рет қаралды 1,901,352
Ipanalangin natin ang ating buong pamilya at mag-anak. Manalangin po tayo.
PANALANGIN PARA SA PAMILYA AT BUONG MAG-ANAK
O Jesus, pinupuri ka nami't ipinagdarangal dahil sa iyong walang hanggang pagmamahal sa sangkatauhan. Pinasasalamatan ka namin sa mga biyayang iyong bigay. Minsan pa, inihahandog namin sa iyo ang aming sarili,sampu ng aming kagalakan at pagsubok sa buhay. Loobin mo Panginoon na ang aming tahana'y pagharian ng pag-ibig, kapayapaan, pagkakaisa at kalinisan ng kalooban. Ingatan mo nawa at pagpalain kaming naririto, pati na ang mga wala rito, kaming mga nabubuhay at mga nasa kabilang buhay.
Mahal na Birheng Maria, mapagmahal na ina ng aming Panginoong Jesus at ina naming lahat, ipanalangin mo ang aming pamilya at lahat ng mga pamilya, lalo na ang mga sanggol at mga kabataan.
Mahal na pintakasing Jose, gabay ni Jesus at ni Maria, ipamanhik mo sa Panginoong Diyos na ingatan ang aming mag-anak at ilayo sa anumang kapahamakan, upang sa gayon, sa piling mo at nina Jesus at Maria ay mapanatiling buo ang aming pamilya. Amen.
Pagpalain mo nawa, Panginoong Diyos, ang aming pamilya. Madama nawa namin ang iyong mahal na awa at basbasan mo kami ng iyong mahal na grasya. Iligtas mo ang pamilya namin sa lahat ng panganib at iba pang masasama. Bigyan mo kami ng mahabang buhay, lakas ng katawan,
at panatag at malinis na kalooban nang matapat ka naming mapaglingkuran at maisakatuparan namin ang iyong kalooban
dito sa lupa. Itinataas namin ang lahat ng aming mga intensyon,
pangangailangan, mga panalangin at mga daing sa ngalan ng Ama, at ng Anak, at ng Espiritu Santo. Amen.
📄 Website: tagalog.awitatpapuri.com • www.awitatpapuri.com
Awit at Papuri Communications
Tagalog Catholic Mass Readings • Tagalog Gospel Reading
🌍 Web: www.awitatpapuri.com
🖥 Facebook: / awitatpapuri
Awit at Papuri Communications is a Philippine-based Catholic new media organization sailing on the digital sea and giving soul to the Internet by making Jesus Christ and His Good News known to Filipinos all over the world. Subscribe to our channel for Tagalog Catholic Mass Readings, Prayers, Novena, Catechism and many more Catholic content!