ลายแคนลำกลอนชาย

Рет қаралды 102,676

ครูตุ๊ แฟมิลี่

Күн бұрын

#ลายแคนลำ #ลำกลอน#แคนลำกลอน

Пікірлер: 11

@nawaphonsingkhon1766 4 жыл бұрын

กลอนลำหนังบักตื้อ หมอลำสุภาพ ดาวดวงเด่น .....(ลำ)ทุกมื้อนี้ต่างเก่าเดิมดา เพราะว่าศาสนาหล่ะสุดกกสุดฮาก เพราะมันตกเข้าฟากหว่างสองพันปลาย นับแต่มื้อเห็นหลายเป็นอย่างนั้นอย่างนี้ เพิ่นเอาบุญข้าวจี่บ้านข้อยปีกลาย จ้างเด้อพ่อเพิ่นกะบ่จ้างหลายจ้างยี่สิบบาท พวกนั้นเด้อพวกศรัทธาฉลาดจ้างหนังตะลุง จ้างมาเป็นฝูงๆหล่ะหมู่สิบหมู่เก้า เป็นนิทานเรื่องเก่าเรื่องรามเกียรติ์ จากนั้นเด้อจากหนังสือเขาเขียนอินเดียเหนือเขต นี่เด้อพ่อนี่หล่ะเป็นต้นเหตุกกเค้าเดิมดา บาดสิเล่นเขาหาหล่ะเอาหนังเสียบไม้ เขาเฮ็ดรูปบ่ใหญ่ท่อสองฝ่ามือ จั่งนั้นเด้อจั่งแม่นเขาเฮ็ดคือสีลายพ้อยย้อย เขาเด้อพ่อเขาเฮ็ดงามบ่ค่อยรูปทศกัณฑ์ เสียบไว้เป็นอันๆไพรีไพหลอก เขาเฮ็ดงามบ่หยอกพระลักษณ์พระราม นางนั่นเด้อนางสีดาก็งามอ้อนแอ้นๆ อ้อนแอ้นๆๆ เฮ็ดแอวสีต้อนแต้น ขาหย่อนแตแซ เหลียวเบิ่งปากมันแหม๋อ้างับๆ อ้างับๆๆ เขาเฮ็ดไว้สำหรับพิเภกกุมภัณฐ์ กับนั้นเด้อกับยักษาสุวรรณกับหอปราสาท เขาเฮ็ดงามอุบาทว์ฮูปเมืองลังกา หนุมานเหาะมาค่างยางๆ ค่างย่างๆๆ คันหว่างเขาเป็นหว่างผ้าฉากพอดี ส่วนเด้อพ่อส่วนต้นกล้วยนั้นกะมีเอาไว้ในมุ้ง คนกะอยู่ในซุ่งระนาดกับกลอง ส่วนฉิ่งกะมีสองฉิ่งฉับๆ ฉิ่งฉับๆๆ ฉิ่งฉับๆๆหล่ะพอดีกับมับรูปอ้ายสบกา รูปนั้นเด้อรูปบักแหมบดังหวากับปลัดตื้อ ควายกะมีซื่อเลจันทคาม ควายเด้อพ่อควายกะควายบ่งามดังสีวีกๆ คือควายแม่ถืกๆโตแม่มันตาย บาดว่าเพิ่นหล่ะสิฉายใต้ไฟหม่องๆ เสียงนั้นเด้อเสียงระนาดก็ก้องเต็งเต่งเต็งเตง เขาก็ขึ้นกับเพลงตุ้มตึ่ง ตุ้มเตินนนน ตุ้มตึ่งๆๆ เสียงก็เป็นเสียงหนึ่งฉิ่งฉับนำกัน บาดนั้นเด้อบาดสิเล่นสำคัญถือรูปแล้วร้อง สุภาพนางน้องนี่จำได้คล่องติดปากติดคอ ฮ้องเสียงเล๊าะเสียงหลอคอพึงคอหยืด ลำก็เสียงฝืดๆตาตี่แพนแลน อินางจำได้แปนฟังเด้อสิว่า ...(ร้องหนังตะลุง) เอิงเอ่อ เอ่อเอิงเอ้อ เอ่อเอิงเอยยย ว่าแล้วองค์พระลักษณ์พระรามทรามวัยสายสมร จากถิ่นถานบ้านมาผ่านนคร เดินเดียวลัดตัดตอนร่อนลา ว่าแล้วพอมาถึงปราสาท จึงกราบลงแทบบาทพระฤาษี ตัวกระผมจากอารามมาแล้วหลายปี เรียนมนต์กับโยคีจะว่าไร (เดินกลอน) ว่าไร หล่ะมาไกลเมืองบ้านดนนานลัดล่วง เห็นนั่นเด้อกวางทองอยากได้สีดาไห้แอ่วเอา สีดาเว้าจาพี่คุณขาจับกวางทองส่งนางเดี๋ยวนี้ สีดามีคำต้านวาจาเว้าต่อพี่ ขอให้พระพี่เจ้าผัวแก้วค่อยไป ...(ร้องหนังตะลุง) ว่าแล้วองค์พระลักษณ์พระรามงามงอนจงไปเถิด ขอให้องค์ประเสริฐช่วยสงสาร ถ้าไม่ได้ต้องไม่นาน แม่สีดาตาหวานจะขาดใจ (เดินกลอน) ขาดใจ บ่มีขีนใจได้เมียแพงร้องแอ่ว ฝากนั้นเด้อสีดาได้แล้วหล่ะบาท้าวค่อยไป จักกล่าวก้ำๆ ยักษ์ใหญ่ใจสูน จักกล่าวก้ำยักษ์ใหญ่ใจสูนปุนปองลักลอบนางนงน้อย มันก็ลอยบนฟ้าเวหาหล่ะเวิ่นเวิน เวินเวิน เวิ่นหล่ะเวิ่นหล่ะเวินเวิ้นหล่ะเวินเวิ่น เซิ่นหอบอุ้มเอาน้อยด่วนหนี ร้องจั่งซี้ฉันสิว่าจำเอาพ่อลุงเอ้ย ......(ร้องหนังตะลุง) ว่าแล้วองค์พระลักษณ์พระรามงามงอนทหารเอก ถีบทะยานผ่านเมฆกระทันหัน จะไปตามสีดาด้วยนาวัลย์ ด้วยทศกัณฐ์มันลากไป (เดินกลอน) ลากไป หล่ะมะหน่อยหนึ่งได้จักเสียงคนไห้ จักไผคอบว่า ..... (ร้องหนังตะลุง) อันสำมนักขาแขนก็ขาด ขาก็ขาดจึงร้องอยู่ไปมา ถึงสิมวยชีวา (เดินกลอน) ลงบรรลัย หล่ะเมื่อลงบรรลัย หนิหล่ะฉันลำได้ ประโมทัยหนังใหม่ หนิเอาหนังเสียบไม้ คนร้องคล่องเพลิน ปลัดตื้อ ปลัดตื้อกับบักแหมบสบกาพากันไปน้อเด้อหล่ะแม่นหาสาวพ่องพากันเต้ย เคยเห็นแล้วนางลำก็ว่า .......(เต้ย) ตบๆกะหล่ะแม่นตั่งน้อง ตบๆกะหล่ะแม่นตั่งน้อง งามๆกะหล่ะแม่นตั่งน้อง ตบๆกะหล่ะแม่นตั่งน้อง คั่นงามๆกะหล่ะแม่นตั่งน้อง สังบ่ไปคันหล่ะไปนั่งเล่น หัวคันนาคันบักแหมบแหน่ หลอยๆเลิงๆ น้องนี่เอย เอิงเออ เอ่อเอิงเอย เอ่อเออเอิงเอยๆ บัดมานั่งเด้อละแม่นหย่องหย๋อ บัดมานั่งเด้อละแม่นหย่องย้อ สิเอาไม้กะละแม่นทั่งไป สั่นดอกหล่ะนานวลนา มินานวลในเอย หล่ะมะเคยเห็นแล้วหนังตะลุงลำต่อ ได้บ่คุณผู้นี้สิเชิญเจ้าต่อกลอน ลำมะหน่องมะแหน่งมั๊บ!! *****พวกคำเคิ่งเสียง : หล่ะ,หนิ,มิ,มะ คำพวกนี้ออกเคิ่งเสียง เพื่อให้ลงจังหว่ะสื่อๆ ไผถนัดคำได๋เสียงได๋กะเพิ่มกะลดเอาเองเด้อพี่น้อง พิมพ์ผิดแหน่ ถืกแหน่ ฟังบ่ออกแหน่ เดาใส่แหน่กะขออภัยน้อพี่น้อง

@nawaphonsingkhon1766 4 жыл бұрын

กลอนลำมัทรีเดินดง ท่อนเร็ว(แกะกลอนโดยบ่าวอุ้ย เอาไปต่อกับของบ่าวเต้ยเด้อครับ) จักกล่าวนงนางหล่ามัทรีนางดั้นป่า ไปหนั่นแหล่วเที่ยวหาหมากไม้มาไว้ใส่เพล เว้นบ่ได้เข้าป่าไพรหนา มัทรีเก็บผลาๆต่าวคืนเมือบ้าน มือนี่นางพราหมณ์หล่ามัทรีนางแต่งต่าง ตากะฟางมืดมั่วคัวเข้าป่าดง ไปตามซ้งห้วยฮ่อมเหวผา เลยหละบ่อเห็นผลาๆหล่นลงตามต้น แต่ก่อนขนเอาได้มาจนหาบแอ่น วันนี้แปนมิดจ้อยคอยแล้วกะบ่เห็น มัทรีตกแล่นเต้นฟ้าวฟั่งคัวหา คิดนำบุตรอยู่คองทางบ้าน มัทรีนางคราญหล่ากะแลหาหมอบส่อง เลยบ่มีหมากไม้คือเค้าเก่าหลัง พระนางอั่งแค้นวิ่งแล่นหาผล ในดงหนาป่าดงพงไม้ คำทางไปทังเซ่อกะเซอนางนี่หล่ะแม่นหลุดบ่าๆ เหมิดปัญญานี่หละแม่นนั่งจ้อง นั่งจ้องมองได้เบิ่งแต่ตา ได้ยินเสียงกาฮ้องในดงฮ้องส่ง อยู่ในดงโคกค้อยกะเสียงจ้อยบ่มี นกก่านกี้ๆเอี้ยงโมงสังกา บ่เห็นมันมาตอมป่าดงพงไม้ มัทรีเห็นมันอ้อนเสียมซอนหละขุดก่น โซนแล้วทื่นๆดึงขึ้นใส่เซอ นางพ่องเซ่อหละเข้าป่าดงหนา ผิดเวลาต่างหลังคราวครั้ง กะเบิดหวังแล้วตาเว็นจนค่ำ จั่งมาเห็นหมากไม้ตามต้นหล่นลง มีหมากไม้เหงี่ยนวอกลิงกัด นางมัทรีเก็บเอาใส่กะเซาเลยย้าย ว่าสิกลับคืนห้องหนทางเทียวท่อง มองนั่นแหล่วเห็นสัตว์สิงเซื้อ ตามท่างป่องทาง ไดยินครางมันฮ้องได้ยินมันหนิแม่นครางฮ้องโตนเตนเต้นใส่ มัทรีฮ้องห่ำให้กลัวย่านสั่นสาย มัทรียอมือไหว้อินพรหมยมย่าน ยมยาน ขอให้มาเลี่ยมกั้งบังไว้ไล่หนี มัทรีเว้าแต่กี้เข้าป่าเดิมดา ผู้ข้ามาในดงเพื่อประสงค์ผลไม้ ว่าสิเอาไปให้ฤาษีชีป่า มานั่นแหล่วบำเพ็ญก่อสร้างปางนี่เพื่อบุญ กับทางทูนนี่หละแม่นหัวน้อยแก้วแก่นสองศรี ทังกันหาชาลี ชาลีฝากสามีไว้ ให้สงสารข่ากัณหาบ่ทันใหญ่ อันว่านมแล่นจู้บ่ทันฮู้ฮ่อมวาง มัทรีขอคราวนี้กะหนีไกลจากผ่าย สัตว์นั่นแหล่วกะเลยย่างย้าย หละคายเข้าป่าดง นางหละมัทรีจึงได้กลับต่าวคืนมา ตามมรรคาเหื่อไหลไคย้อย ก่ะออยๆดั้นดันมาหาบต่า ว่าสิเห็นอ่อนน้อยมาคอยต้อนลัดทาง...

@กัญญาวร์ชมบุญ 3 жыл бұрын

กลอนลำไหว้ครูทางสั้น+เดินดง: หมอลำมลิวัลย์ โอล่ะนอ....แล้ว สาธุๆ พุทธรัตนัง ธัมมะรัตนัง สังฆรัตนัง แล้ว กุกูสันโธ โกนาคมโน กัสสะโป โคตะโม พระศรีอริยเมตไตยโย ล้วนแต่หน่อพุทโธ ให้มาปกให้มาบัง ให้มากั้งให้มาเหลื่อม ยามลำไว้.. โอยย...ละนอ...นวลๆ เอ๊ยย ละแม่นว่าน้อนาย สาธุเด้อข้าจักยอมือขึ้นถวายครูทุกอย่าง คุณอาจารย์ข้าจักยกใส่เกล้าถวายไว้หว่างเศียร นางได้ลำเพียรสู้กับครูผู้ฉลาด คุณนักปราชญ์ผู้กล้าต๋นข้าสู่ฟัง บ่อนได่ผิดพลาดพลั้งลำบ่อนกลอนตก ขอให้มายอยกส่อยเสริมเติมตั้ง คนมาฟังคราวนี้ ยินดีทุกส่วน ให้เสียงนวลจั่งฆ้องดังก้องจั่งหู พวกพี่น้องพ่อแม่ลุงตา() พากันมาเป็นชุมกลุ่มฉันคราวนี้ ธรณีดินน้ำทั้งลมธาตุสี่ ธรณีนาคน้ำให้มาค้ำส่อยซู คุณพระพุทธส่งยู้ซูส่อยเสียงหวาน คุณอาจารย์ของนางส่อยซูยามร้อง ทังสมองไววิ่งคิงกมสมชื่อ(สมซื่อ) ให้เขาลือตึ้งๆดึงหน้าใส่กัน คุณนาคน้ำผืนแผ่นธรณี() ขอให้มาซูซัดส่อยฉันวันนี้ กับทั้งคุณของข้ามารดาพ่อแม่ ให้มาแลหล่ำเยี่ยมเทียมข้างหว่างเงา อ้าปากเว้าให้มันแล่นมาหาชชชถดชชโปถภ3ำภก4ำห ทังวาจาให้หลั่งมาปานน้ำ กำลังแก้ผู้ใด๋แนวอย่าให้หวั่น(ลังแก้ผุแนวใด๋อย่าให้หวั่น) นักประพันธ์แต่งไว้เชิญให้ใส่กล ว่าแล้วย้อน ออกท่าขาดก ว่าแล้วลีลายก คันใส่เศียรเลียนไว้ ให้เป้นเรื่องลำกลอนย้อนกล่าว ขอให้ชาวพี่น้อง ถ้าฟังนิ่งอย่าติง ถ้าฟังนิ่งอย่าติง ... แม่นว่าน้อนาย..พอคราวแล้วผู้เดินดงดั้นป่า อุปมาใส่เรื่องนิทานท้าวข่าวสาร์น พลัดพรากบ้านเดินห่างไกลขวง ปวงหมอลำเที่ยวดงเดินดั้น ลำทางสั้น ผู้เซิงเดินกล่าวเก่า เด้อผู้ลำใส่ข้อมาร้องใส่แคน ตีนเหยียบแป้นแคนเป่าลำสับ ยอมือแพนแอ่นระนวยนำฟ้อน ทางกลอนนั้นประพันธ์เป็นคนแต่ง (กลอนนั้นประพันธ์เป็นคนแต่ง)แสดงให้พี่น้องฟังร้องบ่อนเพลิน แสนยากเยิ้นผู้เดินอยู่ในวง() คำเมื่อเดินจงหงง ผู้แต่งจาเป็นเรื่อง สำเนียงนั้นผู้ฟังบานบ้านม่วน เด้อผุดกผู้ย่าเยื้อนเวียนข้างป่าหนา ชมมาลานี่ฉันร่าเริงใจ() ยามเมื่อร้องเพลงไทยหัวใจฉันเหวิ่น เดินดงเข้าผู้เขาฮอมหลายฮ่อม ผู้หอมดอกไม้ลมต้องกลิ่นอาย คิดฮอดอ้ายบายดอกมาดม ชมมาลาจูบแกมต่างแก้ม หักแซมเกล้ากรรณิการ์ สอนซับ เด้อกุหลาบแตกซ่อเกาะก้านแบ่งจี ชมดอกนั้นแล้วมาชมดอกนี้() ผู้จิตหวี่ใจวอน คือดั่งคอนมาพบผู้ดบดันกลางด้าว ถึงคราวแล้วผู้บทแพงร้องแอ่น อยู่ร่องแถวตามป่าพนาวัน ()นี่ฉันชมดวงจันทร์จะฝันเห็นแก้วตา โสภาพ้องหัวใจตองหมองหม่อ คือจั่งน้อจากน้องมองไม้ใส่เขา เป็ดป่องเป้าเค้าคู่คณาสัตว์ ()นี่ละต๋นเดียวลัดจั่งปัดโพงดงด้าว ถึงคราวแล้วผู้เดินดงกลับต่าว ออกจากดงด่าอนด้าว นี้ทางฟ้าวห่วงหลัง ห่วงหลังนี้ทางฟ้าวห่วงหลัง..............

@MpMp-g6r Жыл бұрын

นี่ละครับ แม่ นี่ละครับพ่อ เพิ่นจังว่าอยากเผยแพร่ ของจริง ขอบคุณหลายๆครับ แต่กะอยากทราบเวลาเดินกลอยหย่าว ชิ่งครับ เด้อนางเด้อๆๆนางเด้อ บ่มีสอนเลยครับ ที่เห็นๆก็มีแต่สอนยกอ้อยครู แต่บ่มีสอนเดินกลอนซิ่งครับครู แต่กะเห็นหมอลำ เอ อนุชา เพิ่นลงไว้ กลอนหย่าว ซิ่ง ทำบุญประเพณีอีสาน ม่วนหลาย 🙏🙏