Рет қаралды 11,832
Sinasabi sa Jeremiah 29:11 sa English Standard Version,
Jeremiah 29:11
English Standard Version
11 For I know the plans I have for you, declares the Lord, plans for welfare[a] and not for evil, to give you a future and a hope
Isang napakagandang pangakong nagmula sa salita ng Dios, Tama po ba?
At ito ay madalas mo makikita mong nakasulat sa ibat ibang souvenir items. Tulad ng mug, unan, bumper sticker at kung anu ano pa. Gustong gusto natin ang verse na ito. Sa katunayan, ito ay pangalawa sa pinaka sinisearch na verse sa internet ayon sa Biblegateway.com. Kasunod sa John 3:16 ang number 1)
Pero me mali sa kung paano ginagamit ang verse na ito.Sapagkat hindi para sa atin ang verse na ito.
Upang ating maunawaan Ang Mga kapahayagan sa Biblia, ay kina kailangang alamin mo ang buong kontexto nito at hindi lamang Ang isang verse Ang pagtutuunan mo ng pansin. Kailangan mong alamin Ang dalawang bagay na ito. Para kangino ito sinulat at ano Ang sitwasyon noong nasulat ito.
Ang verse na ito ay kasama sa sulat ni Propeta Jeremiah para sa mga “Exile” na mga Israelita, nung sila ay nasa ilalim pa ng pagkakabihag sa Babilonia, dahil sa kanilang pagsuway sa Dios,
At sa verse 11 ay binibigyang kasiguraduhan ng Dios Ama na hindi sila malilipol ng tulayan ng Babilonia at kinakailangan lamang silang manalangin, manalig at bumalik sa Kanya at Kanyang muling pagbubuklurin ang kanilang nagkalat na Bayan. At ito ay isang pangakong nagkaroon ng katuparan ng 150 taon sa hinaharap. Kung saan ang mga nakarinig ng pangakong ito ay wala na at ang bagong generasyon na ang nakasaksi.
Kayat kung ating susumahin, ang verse na ito ay parte ng
Isang PROKLAMASYON
Na ibinigay sa isang partikular na NASYON
Sa isang partikular na SITWASYON
Na naghayag ng RESTORASYON
Ng isang darating ng GENERASYON
At hindi ito isinulat para sa mga taong nangangako ng “HEALTH AND WEALTH” sa mundong ito (PROSPERITY GOSPEL). Kanilang binabaluktot Ang kahulugan ng verse na ito, para sa kanilang personal na layunin.
Pero totoo naman na sa lahat ng bagay, gumagawa ang Dios para sa ikabubuti ng mga umiibig sa kanya, na kanyang tinawag ayon sa kanyang layunin.
Roma 8:28
Ang Salita ng Dios (Tagalog Contemporary Bible)
28 Alam natin na sa lahat ng bagay, gumagawa ang Dios para sa ikabubuti ng mga umiibig sa kanya, na kanyang tinawag ayon sa kanyang layunin.
Yan nga pala ay ang Romans 8:28. Ang pangatlong “Most Searched Verse” sa internet.
Kayat dapat nating tingnan ang mga pangakong ito kung paanong ang mga mananampalataya nuon ay tinitingnan ito. Katulad ng sinasabi sa Hebreo 11:16, hindi nila hinahangad Ang isang masaganang Lugar dito sa lupa, kundi hinahangad nila ang mas mabuting lugar, at itoʼy walang iba kundi ang lungsod na nasa langit. Kaya hindi ikinakahiya ng Dios na siyaʼy tawagin nilang Dios, dahil ipinaghanda niya sila ng isang lungsod.
Hebreo 11:16
Ang Salita ng Dios (Tagalog Contemporary Bible)
16 Ngunit hinahangad nila ang mas mabuting lugar, at itoʼy walang iba kundi ang lungsod na nasa langit. Kaya hindi ikinakahiya ng Dios na siyaʼy tawagin nilang Dios, dahil ipinaghanda niya sila ng isang lungsod.
At iyan dapat ang ating hinahangad sa ating mga buhay ngayon. Ang isang walang hanggang buhay kasama Ang Dios at ienjoy Ang Kanyang presensiya Habang panahon.
Maiintindihan natin ito maigi, Kung babalikan natin ang Kontexto. Intindihing Totoo.
_____________________________________________________________________
CREDITS:
THIS VIDEO WAS INSPIRED FROM:
WWHUTT’s
JEREMIAH 29:11
A PLAN TO PROSPER YOU?
PHOTO SOURCE
BY UNSPLASH
BY PEXEL
GOOGLE
MUSIC CREDIT
KZbin AUDIO LIBRARY