Рет қаралды 46,576
Դժվար ժամանակներում պետք է միշտ հիշել, որ Աստված ձեզ չէր արտոնի նման իրավիճակի մեջ հայտնվել, եթե այնտեղ սովորելու բան չունենայիք: Նեղություններն էլ նպատակ ունեն: Մի գուցե մի բան սխալ էք արել ու Աստված ուզում է որ դուք մի բան սովորեք ու անդրադառնաք սխալի վրա: Որպեսզի ձեր հոգին մաքրվի ու կարողանաք մի օր կանգնել իր առջև մաքուր հոգով: Քանի որ միայն սրտով մաքուրներն են տեսնելու Աստծուն (Մթ. 5:8): Օրինակ, հնարավոր է որ դուք հպարտություն ու ինքնահավանություն ունեք որի մասին ինքներդ էլ չգիտեք, որովհետև չէք մտածում այդ բաների մասին: Ու Աստված արտոնում է որ մի քիչ նեղ դռնով անցնեք ու խոնարհվեք: Որովհետև «Աստված հակառակ է ամբարտավաններին, իսկ խոնարհներին տալիս է շնորհ» (Ա Պետր. 5։5)։
Սիրելի բարեկամներ, միշտ հիշեք, որ Աստված սեր է, ու նա ոչինչ չի անում վրեժխնդրությունից դրդված, այլ ամեն ինչ անում մեզ ապաքինելու ու ավելի լավը դարձնելու համար: Դրա համար այն ամենը ինչ կատարվում է մեզ հետ, նույնիսկ եթե մեզ նեղություն է պատճառում, նպաստում է մեր ապաքինմանն ու ավելի լավ մարդ դառնալուն, եթե մենք դրանք ընդունում ենք հոժարությամբ:
Պողոս առաքյալն ասում է «Բայց գիտենք, թէ ամէն ինչ գործակից է լինում նրանց բարիքի համար, ովքեր սիրում են Աստծուն, որոնք եւ կանչուեցին նրա նախասահմանումով» (Հռ 8:28): Ուրեմն պատահականություններ չկան, ամեն ինչ մեր օգուտի համար է կատարվում, եթե մենք սիրում ենք Քրիստոսին:
(Սիրելի բարեկամներ, բաժանորդագրվեք այս ալիքին առաջիկա զրույցների համար: Եկեք միասին տարածենք Ավետարանը: Եթե ցանկանաք օգնել, կարող էք նվիրաբերել այստեղ www.tinyurl.com/barekam որպեսզի Աստուծո Խոսքը կարողանանք ավելի շատ մարդկանց հասցնել):