Рет қаралды 191,937
Бәріңізге Ассалаумағалейкум!
Сооонау көктемнен бері, кеңірдектен қысқан коронавирус пандемиясы кезінде, қарайған халыққа беретін 42 мың 500 жүз теңге таппай отырғанда, біздің жоғарыдағылар, сол баяғы, “Алдар Көсенің Әлдубайына” басып, той өткізіп, жиналыс жасаудан жалығар емес. Олардың жиналысында, «не шаруамыз бар» дейсіздер ғой? Мемлекеттің қазынасы мен халықтың аузынан жырып жинаған ақшасын, желге ұшырып жатса, қалай шыдайсың?
Міне факт, сіздерге көрсетіп берейін. Кеше ғана, Еліміздің, ақпарат және даму министрлігі, не бәрі 3 күндік онлайын жиын өткізу үшін, қарапайым салық төлеушінің есебінен, 30 миллион теңгені жұмсай салған!
Тапсырысты, Қазмедия орталығы орындаған! «Сұрапыл сұмдық» екен мынау! Eстіп алып, жағамызды ұстадық. Қайтеміз енді, «жоғарыдағы жегіштердің» тағы бір айласы ма? Ол жағын на самом деле, білмей отырмыз? Бұл недеген бітпейтін жиналыс? Өткіздік қой, «анау әлемдік жиналыстар мен конференцияларды», мүйізі қарағайдай, лауазымы бес түйеге жүк болатын, мес қарындарды, шақырып. Сол мес қарындардың, бес минуттық сөзін тыңдау үшін, береуінің келіп - кетуіне, қазынамыздан 5 миллион теңгені шаштық, бұрқыратып. Сол жиналыстардан шыққан мүйізіміз қане? Өрлеп, дамып кеткен экономикамыз қайда? Әлі де сол, шикізатқа байланып, мұнай арзандаған сайын, құнсызданатын теңгемізге телміріп отырған - күн ғой.
Ақпарат министрі Аида Балаева, алғы сөзін сөйлеген медияға, көптеген журналист және шет елден делагация қатысқан сыңайлы!
Енді сіздерге сұрақ: Аида Балаева ханым, 30 миллионды үш күнде, қалай қорытып, таусып қойды? Балаева ханым, онлайн жиынға қатысқан қонақтарға және журналистерге, ешбір үстеме өтемақы немесе қаламақы төлемеген! Енді ақша қайда? Балаева ханым, дамыған 30 елдің қатарына қосылған Қазақстанның шаш бауын көтеру үшін келген, қонақтарға үлестіріп берді ме? Балаева ханым, ол ақшаға, шашына причоска жасатып, бетіне оппа далап алды ма? Сұрақ көп жауап жоқ. Жауабын өздеріңіз, ойланып таба жатарсыздар?
10-шы желтоқсаннан бастап, біздегі, парламенттік сайлауға қатысатын бес партияның жарнама жасауына, рұқсат берді. Енді сайлауға дейін, бес партия, жер бетіндегі уәденің бәрін үйіп - төгіп, ақ тер, көк тер болатын мезгіл. Жарнама басталмай жатып, жағымсыз ақпараттар да тарай бастады. Өздерін, «Алаш арастарының жалғасы» санайтын, Ақжол партиясының төрағасы - Азат Перуашев мырза, былтырғы, «Елбасы кетті» деп, ағыл - тегіл жылайтын депутат шы. Сол Азекең, Азаттық радиосының тілшілеріне жауап бермей, «кетші бар» деп, кабинетінен қуалады. Міне, біздегі, халық сенім артқан депутаттардың сиқы. Халықтың қалаулысының бет пердесі.
Бізде, дәл қазіргі саяси аренада, шын оппозиция жоқ. Осы күнге дейін, «оппозиционермін» деп келген, Алтынбектің шәкірті, "сауатты" саяси сарапшы атанған - Айдос Сарым мырза, өткенде ғана "Нұр Отанға" өтті. Біздегі билік басындағылар, «қандай қара байыр, тұрпайы» болса, оларлың жүргізген саясаты мен саяси технологиясы және саяси ойындары да «сондай тұрпайы, сондай сауатсыз». Халықтың көзін бақырайтып қойып, ойын ойнап жатады. Сөйтіп, кімді не үшін алдап, ойын ойнап жүргендерін өздері ұмытып кетеді де, «Анау бір кісінің» мүддесі қоқаң етіп ортаға шыға келгенде жаңағы ойыншықтар, қалай болса, солай құлап жатады. Олар тіпті, осы күнге дейін, «не айтып, не істеп» келе жатқандарынан жаңылып, «Анау бір кісінің» жағынан бірақ шығады, не өздерінің ағып келе жатқан ағысына қарсы жүзеді. Кандидатсыз, партиясыз сайлау - біздің саяси өміріміздің, жалпы қазақ қоғамының үлкен трагедиясы. Алдағы келе жатқан парламент сайлауында «кімдердің, қалай шығатынана» дейін, біліп отырымз. Басқа жөні түзу, партиялар әлі құрылмады да, құрылуға мұрсат бермеді. Осы сайлауда, «жеңіп шықсам, болмаса сайланып шықсам Қазақстанды жарылқап тастаймын» деп жүргендер, көп терлей бермесін. Жүйеге бағынып тұрып, жаңалық жасап жіберуге, жүйе ішінде «өте үлкен күш және батыл жүрек пен қайрат» керек. Ал ондай қолынан келмесе, қазір белсеніп жүргендер, ертең парламентте «дыбысы шықпайтын, кнопка басқыш - ақылды бала» ғана болады.
Жалпы, жүйенің әлсіздігі һәм қорқақтығын - өзіне бәсекелес партияларды болмаса, танымал тұлғаларды саяси ортаға шығармауынан-ақ белгілі. Біздің қазіргі билік жүргізіп отырған "Нұр Отандық" жүйе, бір жағы күшті болғанымен, екінші жағынан тым әлсіз. Тек монополиялаумен ғана «жан сақтап» отыр, егер қазақ есті жұрт болғанда, "Нұр Отанның" шаңын баяғда қағып алар еді. Ал біздің, сәл аты шыға бастағаны - саяси амбициясын табандылықпен үстай алмай, «біресе анда, біресе мында» жүргені. Осы табансыздық ұлттың, мемлекеттің кері кетуіне - үлес болғаннан басқа, түкте болмағанына, осы қазіргі күніміз дәлел...
Негізі партияға мүше болу, ай сайын жарнасын төлеу, партияның құндылықтары мен ұстанымдарын жариялау, айту - өркениетті бәсекенің көрінісі.
Жармахан Тұяқбай құрған, осы кезге дейін, «жалғыз оппазициямыз» деп келген, ЖСДП партиясы «сайлауға бойкот» деді. Сынаушылар көп. толығырақ Видеода...