Петропавлда алапат өртке байланысты қалада төтенше жағдай режимі жарияланатын болды

Петропавлда өткен демалыста болған алапат өртке байланысты қалада төтенше жағдай режимі жарияланатын болды. Содан кейін ғана үйлері өртеніп кеткен тұрғындарға материалдық көмек көрсетіле бастайды. Ал тілсіз жаудың кесірінен далада қалған кейбір отбасылар, үш күннен бері көліктерінде қонып жүргендерін айтады. Себебі жергілікті билік уақытша баспана тауып беруге жарамай отыр дейді.
Бұл үш күн бұрын болған алапат өрттен түгі қалмай жанып кеткен Бақытжан Сарманованың баспанасы. Келіншек небәрі жарты сағаттың ішінде өртеніп кеткен үйінен ештеңені шығарып үлгермегенін айтады. Өмір бойы жиып-терген мүлкі мен жиһаздарынан әп-сәтте айырылған әйел, отбасымен бірге екі күннен бері далада қонып жүр. Себебі, әкімдік уәде берген уақытша баспана әлі қолымызға тимеді дейді.
БАҚЫТЖАН САРМАНОВА, Петропавл қаласының тұрғыны:
- Далада қалдық. Уақытша баспана жалдаймыз деді. Бірақ әкімдік ұсынып отырған пәтерлерде тұру мүмкін емес. Ал жақсы баспаналардың бағасын көтеріп жіберген. Үш бөлмелі пәтерлерге 250 мың, екі бөлмеге 180 мың теңге сұрап отыр.
РУСЛАН ЖАСҰЛАНҰЛЫ, тілші:
- Бұл өрт кезінде жанып кеткен үйлердің қазіргі орны. Көріп тұрғандарыңыздай бірнеше жер үйдің күлі ғана қалған. Кей жерлер үш күннен бері әлі бықсып, жанып жатыр. Ал тұрғындар өрттен кейін қалған темір-терсекті жинап, металл қабылдайтын орындарға тапсыруға мәжбүр.
Петропавлдың Береке шағын ауданындағы қамыстардың тұтануынан басталған өрт, жер үйлерді жайпап өткен. Қызыл жалын шарпыған 11 үйдің тоғызы тіптен жарамсыз. Кейбір тұрғындардың баспаналарымен бірге қора-қопсы, көліктеріне дейін жанып кеткен. Ал енді бірінің үй құстары мен қояндары да қырылып қалған. Жиналғандар қаптаған қамыстарды былтырдан бері отап беруді әкімдіктен өтінгендерін айтады.
ЛЮБОВЬ ГОРДИЕНКО, Петропавл қаласының тұрғыны:
- Маңайымыздың барлығы батпақты жер. Қамыс қаптап өсіп кеткен. Сол қамысты шауып тастаңдаршы деп қаншама рет өтіндік. Енді келіп өртті ауыздықтай алмадық дейді. Біз жұмыстан жеткінше үйіміздің түгі қалмай жанып кеткен.
Ал жергілікті билік далада қалған отбасыларды бір тәуліктің ішінде тегін, уақытша баспанамен қамтамасыз етеміз деп сөз береді. Ол жерде тұрғындар өздеріне жаңа баспана алғанға дейін екі ай тұра алады. Одан бөлек, 345 мың теңге көлемінде өтемақы мен баспана алу үшін материалдық көмек көрсетілетінін айтады. Ол үшін жуық арада Петропавлда төтенше жағдай режимі жарияланады.
ЭЛЬМИРА СӘДУАҚАСОВА, Петропавл қалалық әкімдігінің баспасөз хатшысы:
- Төтенше жағдай енгізілгеннен кейін біз эксперттермен келісімшартқа отырамыз. Олар келтірілген материалдық шығынды есептейді. Сол есептің қорытындысы бойынша әр отбасыға материалдық көмек көрсетілетін болады.
Ал төтенше жағдай қызметкерлері өрттің шығу себебі мен кінәлілер әлі анықталмағанын айтады. Айта кетейік, 7 мамырда болған өрт кезінде 11 үйден 40 адам қауіпсіз жерге көшіріліп, бір адам зардап шеккен еді.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp [phone]
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

[@OZGEREMYN]

Қызылжар деңдерш шаршатты Петропавл деген қай қайдағы аты

[@dinamukhanaliyeva9096]

"Новостройка салынып жатыр екен", как то "удачно" өртенген екен, үйлер. Шығу себебі аздап түсінікті ме?

[@bati7619]

Жанып ЖАТКАН ортке тилекшисин бе, удачно дегенин не

[@dinamukhanaliyeva9096]

@@bati7619" удачно "деген сөз тырнақшаға алынған. Сөз тырнақшаға алынғанда оның мағынасы қарама-қайшы бағытты білдіреді. Қазақ тілін мектепте кім үйретіп еді? 🤭

[@user-tf6of1bo6h]

Укиметтең бір тин пайда жок . Комек бере алмаса басшылыкта нестеп жур екен котин кысып уйнде отрмайма

[@Bach-iu9fz]

21-ші ҒАСЫР!!! Былтыр да қатты өрт болып, орман, үйлер жанған!! Енді биыл ертерек алдын алу болушы еді ғой!! Жерді жыртып, басқа да өртке қарсы амалдарды қолданып!!! тоңқай мен путин 9-шы мамырды тойлап жүрді!! Министр-депутаттар өз беттерімен, халықты ойлап жүрген олар жоқ!!! Бір ай бұрын көріп естіді емес пе ресей өрттеніп жатқанын (ол бізге де келетінін!!!)!! Түк ойламайды!! Былтыр тоңқай өрттенген аумаққа барып, жаңа машиналардың қасында суретке түсіп, өзіне жарнама жасап келген, сайлау алдында ма,