ភ្នំភ្លើងស្នេហា - Phnom Plerng Sneaha - Sos Math -- Khmer Golden Classic

ភ្នំភ្លើងស្នេហា - Phnom Plerng Sneaha - Sos Math -- Khmer Golden Classic.
ភ្នំភ្លើងស្នេហា
--- សុះ ម៉ាត់ ---
១ ភ្នំភ្លើងធ្លាប់ក្ដៅរាប់ម៉ឺនអង្សារ គង់ក្ដៅចាញ់ភ្លើងស្នេហា
ឆេះកាត់សទ្ធាជ្រះថ្លារាល់ថ្ងៃ ទោះទ្រូងពាសដែក
ផ្ទុះបែកមិនខានបើគ្មាននិស្ស័យ ស្នេហ៍កាចចង្រៃ
ដៃកាន់ដាវលំពែងថ្មី។
២ ពេលគេងមមើររវើរវាយ ភក់ជ្រាំទឹកភ្នែកលាយបាយ
តឹងទ្រូងស្ទើរធ្លាយដោយសារតែស្រី
ដួងចិត្តខកខានព្រោះតែនឹកស្មានថាគេប្រណី
ធ្វើឲ្យលោកីយ៍ អ័ព្ទអស់រស្មីជីវិត។
៣ អភ័ព្វទាំងស្នេហ៍គេខ្ពើមទាំងឈ្មោះ បើសិនខំរស់ក៏រស់គ្មានគេអាណិត
បើស្រីនាងគ្មានប្រណីដល់ចិត្ត
ដែនដីតូចស្វិតរស់ត្បិតរស្មីក្ដីស្នេហ៍រោយហើយ។
បន្ទរ ភ្នំភ្លើងស្នេហាគ្មានគ្រារលត់ ជាតិនេះខំចៀសមិនផុត
ពីភ្លើងស្នេហ៍ដុតគ្មានពេលណាស្បើយ តន្ដ្រីពិរោះក៏អស់ខ្លឹមសារក្នុងជាតិនេះហើយ ឮតែចម្លើយឆ្លើយថាទ្រូងអើយក្ដៅណាស់៕