Рет қаралды 3,542
DILI, 15 Agostu 2024-Primeiru-Ministru (PM), Kay Rala Xanana Gusmão entrega ekipamentu agríkola hanesan tratór boot, tratór liman, mákina ko’a hare no mákina kuda hare bá munisípiu tolu mak hanesan Bobonaro, Ainaro no Covalima.
Primeiru-Ministru iha esperansa katak, ho ekipamentu avansadu ne’ebé Governu ho Banku Mundiál sosa bele tulun di’ak liu-tán agrikultór sira hodi bele hasa’e produsaun.
“Ho fasilidade sira ne’ebé iha ita konfia katak, ita prodús no ita bele han,” Xanana Gusmão hateten iha serimónia entrega ekipamentu agríkola iha Ministériu Agrikultura, Pekuária, Peska no Floresta (MAPPF) Comoro, kinta (15/08/2024).