Рет қаралды 849
Ardit Beqiri ishte nga ata lojtarë që nuk e kishte problem ta fuste "kokën në zhavorr".
Mbrojtësi i djathtë i Partizanit, shpirt gare dhe dhe shpërthime, kujtohet edhe për një episod në të vjetrin "Qemal Stafa". Më 27 mars 2001 luhej Shqipëri U21-Angli U21 dhe gjyqtari jep penallti dhe karton të kuq për lojtarin tonë.
Beqiri ka një fotografi ku proteston ashpër ndaj arbitrit Georgiu dhe del nga fusha pasi përplaset deri fizikisht me të.
Penalltia do rezultojë vendimtare për takimin që mbyllet me shifrat 0-1...
Një tjetër histori është ajo e takimit të fundit miqësor mes Partizanit dhe Tiranës, luajtur më 5 gusht 2009 në stadiumin "Selman Stermasi". Një ndeshje e organizuar nga dy klubet për të parë nivelin e arritur nga skuadrat gjatë fazës përgatitore, por që thuajse shndërrohet në një përplasje masive.
Kartonë, grushta dhe ofendime në atë pasdite të nxehtë të një mërkure gushti. Protagonist absolut Ardit Beqiri, asokohe mbrojtës i Partizanit, që godet në fytyrë francezin e Tiranës, Mohelebi. Karton i kuq për Beqirin, sherr masiv në fushën e lojës dhe debate mes tij e tifozerisë së Tiranës.
Vetë mbrojtësi i Partizanit, pas ndeshjes do të deklaronte: "Më provokoi, por ky derbi nuk mund të jetë kurrë miqësor"...
#ArditBeqiri
#podcast