Рет қаралды 126
Македонска поезија
Овие видеа содржат македонска поезија на македонски јазик.
Автор: Д-р Емил Попорданоски.
Рецитира: Д-р Снежана Џамбазова - Попорданоска.
Поетските творби имаат музичка и видео поддршка.
За повеќе информации, кликнете овде:
www.anotherway...
www.anotherway....
Умот и срцето
Има една игра која се нарекува живот,
Во која ти бираш кој ќе те води,
Кого ќе следиш
И кого ќе го водиш.
Можеш да го одбереш умот
Да те води низ таа игра
И набрзо ќе се најдеш
Во вртоглав лавиринт без излез.
Во оваа игра што ти ја нарекуваш „мој живот“,
има само тага и очај,
Тага за она што било и страв за тоа што ќе биде.
Нема спокој ни мудрост, нема песна, ни игра.
Мислиш дека ако умот одлучува,
Не можеш да згрешиш,
Бидејќи умот памети и раскажува,
Смета и пресметува.
Но, умот не знае ништо за тебе,
Бидејќи ти не си умот.
Твојот ум не знае кој си ти навистина,
Бидејќи тоа знаење не може да се научи.
Но, ако го одбереш срцето
Да те води низ таа игра,
Набрзо ќе се најдеш
Во простор со бескрајно многу врати.
Во оваа игра што сега се нарекува живот,
Има само радост и среќа.
Нема ни минато, ни иднина,
А постои само овде и сега.
Ако му оставиш на срцето да одлучи,
Ќе искусиш се,
Бидејќи срцето се радува и пее,
Само поради радоста и песната.
Срцето знае се за тебе,
Бидејќи ти си љубов што живее само во твоето срце
И само преку љубов ти вистински можеш да се спознаеш.
А тоа искуствување може само да се доживее.