PR Lú Olo Ho Familia Vizita Mangrove Hera

Hera-Dili, 1 Agostu 2021
Juventude timoroan ne’ebé mak hamaha-an iha grupu Konservasaun Flora Fauna (KFF) ho inisiativa no kriatividade dezenvolve ai-parapa/mangrove Hera, sai fatin turismu komunitariu ne’ebé mak ohin loron atrai tebes entidade oin-oin, inklui Prezidente Repúblika Francisco Guterres Lú Olo no espoza Cidália Nobre Guterres no família ba vizita fatin ne’e, hodi sente nia paisajen ne’ebé furak no atrativu tebes.
“Ha’u ida Dili rona deit grupu joven, ne’ebé hola inisiativa hadi’a fatin ne’e hanesan tipu turismu komunitariu. Entaun presizamente iha tempu ida ne’e, ha’u mai ho ha’u nia família rasik, para atu haree ho matan no apresia uitoan, saida mak ita-nia joven sira halo. Realmente ohin depois tama vizita fatin sira hotu, impresaun saida mak ha’u bele hatete iha ne’e. Ita-nia joven sira, iha sira nia propria kapasidade, sira nia espiritu kriativu ne’e iha, estudu kona-ba bee, ambiente sira halo para sai furak no sai diak tebes-tebes.” Prezidente Repúblika, hatete.
Tanba ne’e, Xefe Estadu fó nia apresiasaun boot tebes-tebes ba inisiativa grupu joven KFF.