Prawn Rolled with Tortilla

Easy to Cook ရဲ့အစားတစ်လိုင်းလေးတွေအတွက် “Prawn Tortilla Roll”
ဒီတစ်ခါမှာတော့ Easy To Cook ရဲ့အစားတစ်လိုင်းလေးတွေအတွက် “ချာပါတီပုဇွန်လိပ် (Prawn Tortilla Roll)” လေးတွေကို မြည်းစမ်းစေချင်လို့ Internation Chef Steven ကိုယ်တိုင်လုပ်ပြထားပါတယ်။ ထုံးစမ်းအတိုင်း ပါဝင်ပစ္စည်းနဲ့ ချက်နည်းလေးတွေကိုလည်း ပြောပြပေးမယ်နော်။
ပါဝင်ပစ္စည်းလေးတွေကတော့…
ပုဇွန် - 3 pc
Tortilla - 3 pc
ထောပတ်သီး - 1 no
ကြက်သွန်နီ - 15 g
ငရုတ်ပွ - 15 g
ဆလပ်ရွက် - 15 g
ခရမ်းချဉ်သီး - 10 g
Sour Cream - 20 ml
တွေပဲဖြစ်ပါတယ်။ ဒါဆို ပြုလုပ်ပုံအဆင့်ဆင့်ကို ကြည့်လိုက်ရအောင်။
(၁) ငရုတ်ပွ၊ ကြက်သွန်နီ၊ ခရမ်းချဉ်သီး၊ ထောပတ်သီးတွေကို ပါးပါးလေးတွေလှီးထားရပါမယ်။
(၂) ပန်းကန်တစ်လုံးထဲ Sour Cream နဲ့ပါးပါးလှီးထားတာတွေကို ထည့်ပြီးနယ်ပေးထားပါ။
(၃) ဒယ်အိုးထဲကိုရေနဲ့ ဆားအနည်းငယ်နဲ့ ပုဇွန်ကိုထည့်ပြုတ်ပါ။
(၄) ပုဇွန်ကျက်လာရင် Tortilla (ချာပါတီ) ကိုမီးအနည်းငယ်နဲ့ အပူပေးထားပါ။
(၅) ပြီးရင်တော့ ချာပါတီပေါ်မှာ ဆလတ်ရွက်၊ အရွက်သုပ်နဲ့ ပုဇွန်ကိုထည့်ပြီး ချာပါတီကို လိပ်လိုက်ပါ။
ဒါဆိုရင်တော့ အရသာတစ်မျိုးနဲ့ စားလို့ကောင်းတဲ့ “Prawn Tortilla Roll” ကိုသုံးဆောင်လို့ရပါပြီ။ ပါဝင်ပစ္စည်းနဲ့ လုပ်နည်းအဆင့်ဆင့်က လွယ်ကူလွန်းလို့ ခုလိုတနင်္ဂနွေ နားရက်လေးမှာ စားဖြစ်အောင် လုပ်စားလိုက်ဦးနော်။ မလုပ်စားဖြစ်သေးရင်လည်း Share ထားလိုက်ပါဦး။