PRISHTINA FOOTBALL FEST MAKING OF VIDEO

FALEMINDERIT PRISHTINË!
Dëshirojmë të shprehim falënderimet dhe mirënjohjet tona të përzemërta për projektin unik dhe të suksesshëm 30-ditor Prishtina Football Fest, ku i gjithë Kampionati Evropian EURO 2024 u transmetua në sheshin Xhorxh Bush. Ky organizim ka qenë një dëshmi e pasionit për punë, dashurisë ndaj sportit dhe dhe fuqisë për të realizuar në mënyrën më profesionale dhe me përkushtim të plotë një projekt kaq të gjatë.
Falenderim i veçantë shkon për qytetin e Prishtinës dhe qytetarët tanë, të cilët kanë qenë të pranishëm vazhdimisht në numër të madh, na kanë mbështetur dhe kanë festuar së bashku me ne në çdo ndeshje.
Faleminderit Artmotion - Transmetuesi zyrtar dhe i vetëm i EURO 2024, për transmetimin e të gjitha ndeshjeve në Prishtina Football Fest.
Faleminderit sponsorëve tanë! Mbështetja juaj mundësoi të krijojmë një përvojë të paharrueshme për të gjithë ata që ishin pjesëmarrës në Prishtina Football Fest. Ju jemi thellësisht mirënjohës për besimin dhe partneritetin tuaj.
Faleminderit partnerëve tanë! Përgjigja juaj e shpejtë për realizimin në kohë rekord të kësaj ngjarje, është e paçmueshme. Bashkëpunimi dhe ndihma juaj luajti një rol vendimtar në realizimin e suksesshëm të këtij projekti. Ju jemi mirënjohës përgjithmonë për angazhimin tuaj dhe përpjekjen që keni bërë për ta bërë këtë ngjarje të paharrueshme.
Fuqia organizative e ekipit tonë u vërtetua plotësisht pasi organizuam me sukses të gjithë këtë projekt madhështor brenda një dite. Kjo arritje e jashtëzakonshme është një dëshmi e përkushtimit, punës së palodhur dhe efikasitetit të të gjitha palëve. Me krenari themi se nuk kemi hasur në asnjë problem gjatë 30 ditëve, gjë që flet shumë për planifikimin dhe implementimin e përpiktë.
Ndonëse jemi përballur me disa sfida për shkak të mbështetjes së kufizuar nga organet përgjegjëse, jemi të lumtur që hyrja në projektet tona gjithmonë ka qenë, është dhe do të mbetet falas. Kjo siguroi që të gjithë sportdashësit dhe qytetarët pa dallim, mund të merrnin pjesë dhe të shijonin këtë kampionat. Pjesëmarrja e madhe dhe reagimet pozitive nga publiku i gjerë kanë qenë vërtet emocionuese për ne.
Ndërsa flasim mbi suksesin e këtij projekti, ne jemi shumë mirënjohës për mbështetjen e jashtëzakonshme nga të gjitha palët e interesuara. Përkrahja e të gjithëve ka pasur një ndikim të madh në suksesin e organizimit tonë, dhe ne jemi të emocionuar që së bashku të krijojmë edhe ngjarje dhe suksese tjera.
Mezi presim të ju shohim në eventet tona të radhës. Deri herën tjetër, faleminderit dhe mirupafshim!
We make BIG things happen!