Protesta e komunitetit të serbëve në Kosovë kundër EULEX-it-(2 Tetor 2008)

Lajme Arkiva 2008
Serbët i thanë jo shtrirjes së misionit evropian për rend dhe ligj, EULEX, përmes protestave që filluan sot në të njëjtën orë në të gjitha vendbanimet e dominuara nga ky komunitet në Kosovë.
Protesta u zhvillua në Mitrovicën e Veriut, Graçanicë, Shterpcë dhe Ranilug. Kjo protestë u organizuar nga kuvendi i komunave serbe të Kosovës, institucion ky paralel që udhëhiqet nga fanatikë të partisë radikale të Vojisllav Sheshelit.
Në fshatin Graçanicë disa kilometra në lindje të Prishtinës udhëheqësit e protestave me një fjalor plot mllef dhe urrejtje iu kanë bërë thirrje serbëve që ta bojkotojnë EULEX-in.
“Vendimi fillimisht na lëshoi bomba, ndërkaq tash po na lëshon EULEX-in, po ne ju themi stop bombave, stop EULEX-it. Rroftë Serbia!”
“Me muaj jemi nën presionin e EULEX-it, një mision ky që dëshiron të na mësojë neve se me kë dhe si të jetojmë. Në tokën tonë askush nuk mund të diktojë mënyrën tonë të jetesës, prandaj serbët i tjonë jo EULEX-it”.
Komuniteti serb në Kosovë beson se pranimi i EULEX-it do të thotë pranim edhe i pavarësisë së Kosovës.
“Perëndimi dëshiron ta bëjë Kosovën si Zvicrën, ku jetojnë së bashku të gjitha komunitetet, por nën udhëheqjen e shqiptarëve e si është e mundur kjo? Kur ka qenë këtu Shqipëri?”
“Kurrë. EULEX-i është kundër serbëve, prandaj duhet të largohet nga Kosova. Kosova është Serbi”.
Në protestën e sotshme serbët kanë protestuar dhe kundër pavarësisë së Kosovës duke hedhur akuza dhe fyerje dhe në adresë të shteteve perëndimore që pranuan realitetin e krijuar në Kosovë më 17 Shkurt./tvklan.al
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/