"PRUMESSA" alzata Formidabile Barra 2020 (con testo)

“PRUMESSA”
Versi:Mimmo Maddaluno Musica:Daniele esposito
I Parte
Comm'ogni figlio da' Barra gigliante, nun sò mai stato scuntento 'e turnà
lassav 'o sole e 'a stagione felice e venì addu te.
che me 'mpurtava d'addore do' mare si 'a casa mia rispiravo 'o lignamme,
che me 'mporta oggi 'e scrivere 'e te si nun ce staje.
Te voglio bene accussì nun'ia dicere,
t'o leggo 'nfaccia comme staje suffrenne e sto male peggio e te.
Io comm'ogni anno te stev'aspettanne,
arap'o core guagliò, piglia 'na penna cu 'o foglio e scrivimmele
'na canzone'nzieme io e te.
II Parte
'Nviente 'nu vierso che parla da' storia, spiegale ca nun sò guerra ma ammore,
falle capi' ca nun m'anna fà chiù piglià collera.
Trove tu 'o spazio pe di' a ogni barrese ca si nasceva int'a natu paese,
a settembre era privo e passione, privo e magia.
Non c'è bisogno 'e scavà dint'a fantasia,
se ti racconto pe chello che sì nun fernesco mai 'e scrivere.
Bella, verace, cianciosa e carnale.
Rispongo felicità, si me domandano:"'A festa che te po dà?"
Fa sta buon assai, assai.
III Parte
Parlo di te in ogni pizzo do' munno, te port'a notte cu me dint'e suonne,
nunme fà scuorno 'sta spalla ca spisso se fà guardà.
Un incosciente, omme senza ragione, passo pe pazzo ma pazzo d'ammore,
quanne dico ca chillu dulore, me fà vulà.
Te pò capi' chi me vo bene comm'a te
te pò comprendere sulo chi 'o Giglio so sent'int'all'anema.
Nun si nè pazzo, nè senza ragione,
tiene 'na scarda 'e lignamme incastonata nel centro do' core tuoje,
nun 'a levà mai, mai mai.
IV Parte
Te chiedo sulo e me fà 'nu favore, mo ca te 'ncuntre cu 'e cumpagne tuoje,
dille accussi' ca m'aspettano comm'essa aspetta a vuje.
Dille ca 'a festa nun l'ha abbandunate, dille ca 'e Gigli se sò arrepusate.
'Na Riggina senz'e figli suoje nun pò campà.
io t'o pumette che parlo cu 'e frate mij,
dint'a stù mese nun voglio tristezze, a settembre anna ridere.
crideme si te donghe 'na parola
"sò Formidabili 'e spalle chiù Formidabile ancora sò dint'o core"
'a curona toia sta ccà.