Рет қаралды 354,310
Бәріңізге ассалаумағаликум. Байқоңырдағы Ресейді қолдау шарасынан соң Шораев Әбдіқалықова мен сыртқы істер минитрін сөзбен сойып салды. Қоғам қайраткері оларға не деді ?
Ал Украина сарбаздары Ресейдің 8 генералын өлтіріп тастағаны рас па?
Путин содырларды соғысқа салса жағдай не болмақ? Ресей халқы билігін төңкеріп тастауы мүмкін бе?
Зеленский мен Путин құпия келісімге келе ме? Соғыстың немен аяқталатына байланысты айтылған үш түрлі болжам қайсы? Мұны сізге білген дұрыс!
Қайырымдылық
Ресейлітер Байқоңырдағы қазақ балаларын мәңгүрт деп мазақтайды. Қызылорда облысының әкімі Гүлшара Әбдіқалықова мен Сыртқы істер министрі Мұхтар Тілеуберді бұл туралы жақ ашпайды. Содан қоғам қайраткері қатты күйіп кетіп нағыз мәңгүрт сенсіңдер деп әкім мен министрді тас-талқан етіп сынап тастады.
Ал Украинада Путиндің генералдары шыбындай қырылып жатыр. Екі аптада сегізінің көзін жойды. Егер осы қарқынмен кете берсе орыс әскерлері қолбасшысыз қалып айдалада маңырап қалатын шығар. Содан болар Ресей Сириядан жауынгерлерді жалға алатын болды. Бұл идеяны Ресей қауіпсіздік кеңесінің отырысында қорғаныс министрі Сергей Шойгу айтты. “Бізге Таяу Шығыс елдерінен қазірдің өзінде 16 000-нан астам адам өтінім берді”, - дейді ол. Шын мәнінде ерікті дегеніңіз тап-таза содырлар ғой. Оларға ақша берсең болды, бәрін жасайды. Сондықтан бұл тап-таза лаңкестермен ауыз жаласу емей немене?
Ресей мен Украина арасындағы соғыс немен аяқталады? Үш түрлі сценарийдің бірімен тәмамдалуы мүмкін. Бұл атақты АҚШ журналисі Томас Фридманның айтқан болжамы. Bugin.kz порталы соны аударып басыпты. Біз соны сіздерге жеткізейік.
БІРІНШІ СЦЕНАРИЙ. Бүкіл әлемді дүр сілкіндіретін, аяғынан тік тұрғызатын апатқа апарар жол. Яғни, Батыс елдері дереу арада Путинді тоқтатпаса, ол кезіккеннің бәрін жермен жексен етіп, ақырына дейін баруы мүмкін. Украинаны жер бетінен сыпырып-сыйырып, мәдениеті мен рухын күл етеді. Оны шырылдаған сәби де, қан жылаған ана мен қансыраған әйел де тоқтата алмайды. Бүткіл бір мәдениетті "тегістеп" тастауы мүмкін. Онда бүкіл әлем шырылдап қалары анық. Егер жағдай дәл солай өрбісе, онда Еуропада фашист немістердің кезінен бері болып көрмеген геноцид пен қырып-жою басталады. Ал Ресей - әлемдегі ең оңбаған, жауыз мемлекетке айналады, бүкіл дүниежүзі теріс айналады. Қазірдің өзінде Ресейді жарты әлем жеккөріп кетті. Жаһандану заманы орнағаннан бері мұндай ашу-ыза мен негативтің астында қалған бірде-бір басшы, бірде-бір ел жоқ. Путин Грозный қаласы мен Алеппоны қалай талқандап, жермен жексен еткені есімізде шығар. Киевті де дәл солай жоқ қылуы мүмкін. Онда Еуропаның төрінде Ауғанстан сынды хаос ел пайда болмақ. Путин Украинада қуыршақ үкімет орната алмасына көзі жетті. Қойды дегеннің өзінде украиндар оны құлатып тастары анық. Демек, қуыршақ үкіметті ұстап тұру үшін Ресей бұл елдің территориясында он мыңдаған әскер мен база орналастырып, бақылауға алады. Бірақ оған төзе қояр украиндар жоқ. Партизандық соғысқа ұласып, Еуропаның ортасы нағыз шым-шытырық шатпаққа айналмақ. Путинның әскери операцияны бүге-шүгесіне дейін ойластырмағаны, қалай болса солай бастай салғаны байқалып тұр. Соны ойласаңыз, шашыңыз тік тұрады. Ең таңқаларлығы да сол - Путин өте ақымақ адам болып шықты. Украинаны НАТО-ға қостырмаймын деп, тәкаппарлығына салып, қантөгіске барды. Адам сол үшін соғыс бастай ма?! Екі туысқан, бауырлас халықты біріктіремін деп қиялдап кеткені тағы бар. Орысты құшақ жая қарсы алған украин жоқ. Осы ақымақтығының кесірінен Ресейді әжуалап, намысына тиетіндер көбейеді. Әсіресе, АҚШ қатты қорлайтыны анық. Оған Путин төзе ме, мәселе сонда. "Ресейсіз әлем не керек!" деп ядролық бомбаны іске қосса ше, не болмақ? Оның үстіне, Путин ақыл-есінен адасқан, ментальды психологиясы күйзеліске ұшыраған адам деген сыбыстар кетті. Осының бәрі неге әкеп соғарын өзіңіз бағамдай беріңіз. Бұл - бірінші сценарий.
ЕКІНШІ СЦЕНАРИЙ. Орындалуы екіталай сценарий. Бірақ оны қалыс қалдыруға болмайды. Қарастыра кеткен жөн. Яғни, украинның қарсылығы күшейіп, Ресей әскери басқыншылығынан түк шықпайтынын түсінгеннен кейін әрі әлемдік санкцияның елді қысып бара жатқанын ескеріп, Зеленскиймен "құпия келісімге" келеді. Сырттай ымыра жасайды. Зеленский Путинге Украинаның шығыс жағын ресми түрде берген сияқты сыңай жасайды да, өз кезегінде Ресей әскерін алып қайтып кетеді. Әрі Украина НАТО-ға кірмеймін деп Путинге уәде береді. Ал шындап келгенде территориялық тұтастығын сол беті сақтап қалады. Шығыстағы жерін шынымен Ресейге "формальды түрде берген сияқты болады да", ал шындап келгенде өз жерін ұстап қалады. Өз кезегінде Батыс елдері де санкцияны алып тастауға уәделеседі. Бірақ бұл сценарийге Путиннің келісе қоюы екіталай. Тәкаппарлығына сызат түсіп, қорлыққа тап болады. Қаншама орыс әскері қырылды, елдің экономикасы қирады. Украинаны қосып аламын дегені мақсаты талқан болды. Әлем алдында қадірі кетті. Бұған Путин төзе қоймас. Оның үстіне, жері үшін соғысып жатқан украиндарға да бұл амалдың жақпасы анық.