Рет қаралды 402,759
Бәріңізге ассалаумағаликум. Бүгінгі видеоны Ресейдің күйреуін іштей тілеп отырған, Украйнаның жеңіске жетуін қалайтын, Зеленскийді нағыз қолбасшы санайтын жандардың көргені дұрыс. Әйтпесе мәскеуді жанындай жақсы көретіндер көрсе әбден құсаланып, ұяттан кірерге тесік таппай қалуы мүмкін. Сонымен күні кеше НАТОН-ның шұғыл самиті өтті. Ресейге қарсы қандай сұмдық маңызды шешімдер қабылданды? Рамзан Қадыров Зеленскийге Шешенстанға келіп жасырын деп не үшін қуып жүр? Путинді тоқтата алатын жалғыз әйел кім? Ресейдің Қорғаныс министрі Шойгудың мемлекеттік төңкеріс жасамақ болғаны рас па? Мұны сізге білген дұрыс!
ҚАЙЫРЫМДЫЛЫҚ
Ең маңызды жаңалық. Ресейдің бизнес және саяси элитасының ортасында президент Путинге қарсы оппозициялық ықпалды адамдар тобы құрылды, олар оны өлтіруді жоспарлап отыр, деп хабарлады РФ Қорғаныс министрлігінің Бас барлау басқармасы. Бұл ақпаратты Адырна ұлттық порталы жазды. Министрліктің мәлімдеуінше, бұл топтың алдына қойған негізгі мақсаты - Путинді тез арада биліктен кетіру және Украинадағы соғыс салдарынан жойылған Батыспен экономикалық байланыстарды қалпына келтіру екен. Ал ең қызығы Ресейлік саяси элитаның белгілі бір бөлігі Путиннің мұрагері ретінде - Александр Бортниковты қарастырып отыр. Бортников және Ресей элитасының басқа да ықпалды өкілдері Путинді биліктен шығарудың әртүрлі нұсқаларын қарастырып жүргені белгілі болды. Атап айтқанда, уландыру, кенеттен ауруға шалдығу немесе басқа да "кездейсоқтық" жоққа шығарылмайды.
Енді мына бір өте маңызды саяси жаңалыққа назар аударыңыз! 24 наурызда Брюссельде НАТО-ның шұғыл саммиті өтіп, Украинадағы соғыс талқыланды. Қабылданған ең маңызды шешімдер мынау болды. Альянс Ресейден тез арада Украинадағы соғысты тоқтатуды талап етті. НАТО Болгария, Румыния, Венгрия және Словакияда халықаралық төрт әскери топ құратынын жариялады. Қазірдің өзінде альянстың Еуропада 40 мың әскериі бар. НАТО қорғанысқа бюджетті көбейтпек. Альянс Украинаға биологиялық, химиялық, ядролық қауіптен қорғанатын құралдар бермек. НАТО Қытайды Ресейге әскери және санкцияларды жеңілдететін көмек бермеуге шақырды. Соғыс басталғанына туп-тура бір ай болды. Ресей қанша сарбазынан айырылды деген сауалға әр кім, әр түрлі болжам жасап жатыр. Ал НАТО болса Украинада 40 000-ға жуық ресейлік сарбаздың қаза тапқанын, жараланғанын, тұтқынға алынғанын немесе із-түзсіз жоғалғанын мәлімдеді. Бұл туралы альянстың жоғары лауазымды әскери шенеунігі айтқан. НАТО-ның бағалауынша, шабуыл басталған 24 ақпаннан бері 7 мыңнан 15 мыңға дейінгі ресейлік сарбаз қаза тапқан. НАТО сарапшылары өткен қақтығыстардың орташа статистикасын пайдалана отырып, жалпы көрсеткішті есептеді.
Ал Ресейдің Қорғаныс министрі Сергей Шойгуды бәріңіз білесіз. Бірақ сол Шойгу 11 наурыздан бері көпшілік алдына шықпады, БАҚ-та көрінбеды. Сергей Шойгудың денсаулығы сыр берген көрінеді. Ол 18 наурыздағы Путин өткізген Қауіпсіздік кеңесінінің жиынына да қатыспаған. Бірақ Путиннің баспасөз хатшысы Песков қатысты деп қоймай отыр. Әрі оның телевизорға шығат, сұхбат беретін дым уақыты жоқ ақталып жатыр.
Ал 7 наурызда Америкалық журналист Жеймс Пачилео: «Ресейдің Қорғаныс министрі Сергей Шойгу дегеніңіз жуық арада мемлекеттік төңкеріс жасап, Путинді тақтан тайдыруы мүмкін», - деп болжам жасаған еді. Мүмкін содан кейін Шойгудың тағдыры шешіліп қойылған болар. Кім білсін?!!!!
Путинді тоқтата алатын адам бар сияқты. Ол еркек емес, әйел. Әйел болғанда да ресейлік гимнаст Алина Кабаева. Оның құрбылары одан Путинді Украинаға қарсы соғысты тоқтатуға көндіруді өтініп жатыр. Олар спортшының Путимен тығыз байланыста екенін мәлімдеді, деп хабарлады Orda.kz сайты. Олардың айтуыншы, Алина қазіргі таңда Швейцарияда тұрады. Ол жақында Мәскеуге келіп, соғысқа қарсылығын білдірмесе, депортациялануы мүмкін.- «Алинаның құрбылары одан Путинге ұшып барып, соғысты дереу тоқтатуға көндіруді өтінуде. Ол ешкімді тыңдамайтын сияқты, бірақ оны тыңдайтын шығар» - деп жазады Page Six басылымы.
Шешенстан басшысы Рамзан Қадыровта бір шаршамады. «Ресей алға», «Ресей алға» деп қақсап қоймаған ол телеграм арнасында жиі жазба жариялап жатыр. Сондай жазбаларының бірінде Қадыров Украина президенті Зеленскийге Шешенстанға келіп жасырынуды, ұсынысын қабыл алса өмірін сақтап қалатыны туралы айтты. «Негізі жеңіл ойлы жігіт емессің, мен сені Шешенстанда қорғау туралы Путинге ұсыныс жасай аламын. Ресейге бет бұрсаң, тарихқа бітімгер ретінде енесің. Қорықпа, сені сақтаймыз. Бастысы - сені ешкім таба алмайды. Ойлан!» - деп жазды ол.
Иә, бүгінгі Украина - Ресей соғысы - шовинист, пасық Путин,.. елін қорғаған Зеленский, жазықсыз шейіт болып жатқан мыңдаған бейбіт тұрғындар, жауынгер ұлынан айрылып жатқан аналар,..қираған қалалар.
Бұл соғыс екі басшыға не берді?. Путин бар абырой - атағынан айрылды. Ал, Зеленский бүкіл әлем алдында елін жаудан қорғаған қаһарман ретінде зор құрметке ие болды. Саясатта тәжірибесі болмаған, небәрі 44 жастағы Украина қолбасшысы - соғыс қолбасшысына айналды!