Рет қаралды 66,343
#APATV #naxçıvan #ordubad #Gənzəkənd #adət #mənəvidəyərlər #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Qədim qanunlarla idarə olunan kənd: Burada evlərin qapıları bağlanmır - APA TV
Ordubadda bu kəndin adını eşidən hər kəs “o kənd bir başqa kənddir” deyir. Bu kənd öz adət-ənənələrinə sadiq yurd yeridir. Bəli, bura Ordubadın qədim tarixə malik Gənzə kəndidir.
Gənzəlilər deyir ki, hər bir sahədə möhkəm birlik, bütövlük var. Rayonun ən varlı kəndi hesab edilən Gənzədə gənclər qazandıqları pulu başqa yerə xərcləməzlər, lazım gəldikdə kəndin abadlığı, ehtiyacı üçün ayırarlar. Hətta kəndin abadlığı üçün iş görmək gənclər arasında rəqabətə də səbəb olur.
Naxçıvanda ilk və yeganə günəş elektrik panelləri bu kənddə quraşdırılıb.
Bu kənd yeganə yaşayış məskənidir ki, burada evlərin qapıları bağlanmır.
Gənzə kəndində toya dəvətnamə paylanmır, hamı bir nəfər kimi toyda iştirak edir. Bu kənddə içki içilmir, kənddə olan 7 mağazanın heç birində spirtli içki satılmır. Bu kəndə ən böyük cəza isə ictimai qınaq və tənbehdir.
Gənzədə görülən xeyirxah işin kim tərəfindən həyata keçirildiyini heç kim dilə gətirməz.
Kəndin bəzi adətləri isə uzun illərdir qorunub saxlanılır.
Burada meydanda ağsaqqal oturubsa, cavanlar mütləq ondan arxada oturarlar. Gənzədə adətən, insanlar bir-birinə “Hacı”, “Kərbəlayı”, “Məşədi” deyə müraciət edirlər. Çünki kənd əhalisinin çoxu müsəlman üçün vacib bilinən müqəddəs yerləri ziyarət edib.
Burada yerləşən məscid XVI əsrə aid olsa da, 95 il bu kəndin mollası, axundu olmayıb.
Gənzədə diqqəti cəlb edən digər məqam isə yaşlı qadınların başlarına çarşab, kəlağayı örtməsi, cavan, gənc qadınların isə milli dəyərlərə uyğun geyinmələridir.
Milli mənəvi dəyərlərə bağlılığı ilə seçilən Gənzə kəndi məhz bu xüsusiyyətinə görə Ordubadın incisi təxəllüsünü də qazanıb.
Ceyhun Məmmədov, Əli Xudiyev, APA TV
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: www.youtube.co...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv